Oseas 5:9 - La'aqtaqa Ñim Lo'onatac 'Enauacna 2013

⁹ Qaq aỹem sa'aqtaxanem nam nalamaxat nhuo' Israel le'ecpi, da ỹataqta 'eesa cam naỹa'a namayepi, qaq na Efraín ỹataqta nlachiguiñi qom nvita ca nhuaxanaguec.

Toba del Oeste

⁹ Ami Israel lec'oqo'tepi, male auayachiñe da'me 'uo jo' qomle: qa'a yovita qomle ga'me nolo' jo'ne le'uaĝanaĝanaĝac joñe'me Jaliaĝanec, qama'le yataqachiñe qoyolaĝat jaĝa'te jena'me jenjo' aleua.

Oseas 5:9 Referans Kwoze

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Isaías 46:10

Nachaỹem maye sa'auchiguiñi da sa'axatta'a co'ollaxa cam loga't de'era, qataq nachaỹem sa'axata'a co'ollaxa cam ñaq natauo. Qaq shenapec: Nam llapaxañepi ipacchigui qome da huo'o, qataq so'ot qome 'enauac nam maiche seuennategapi.

Juan 16:4

Qaq nagui qami' sa'axatema de'era, yaqto' qom ivita ca laloqo', nache qami' ishet da qauennache da mashe sogote da qami' sa'aqtaxaateguema de'era. Saishet da qami' sa'axatema de'era co'ollaq cheta'ague da so'onataxan, cha'aye Aỹem ñaq qami' soota'agueta.

Amós 7:17

Qalaxaye da la'aqtac Ñim Nataxala', 'eeta': ‹Aso 'arhua taỹa qome da nquisheguetaxac da huaña ne'ena huaqta'a't nỹecpi, qaq na 'aỹa'alaqpi qataq ana 'aỹa'alepi qalaq qairolec qome ca ỹeelonec da qaỹalauat, qaq na 'ana'alhua qalaq qanallichigui qom qoỹanec, 'am qalaq 'aleuaña qome ca ỹaqa'a 'alhua, qaq na Israel le'ecpi qalaq noxonecpi qome nache qaỹauega ca qaỹoqta 'alhua.›»

Amós 7:9

Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Oseas 8:8

¡Huaña qome, nache 'eco' qanallec na Israel le'ecpi! Nache na ỹotta'a't shiỹaxauapi da ilota'a namayepi, qalaq 'eeta'am naqa'en ca nogoxoshet maye qaica ca naigui,

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.

Oseas 5:12

Qaq ỹoqo'oye ñelaxaañi qome ye Efraín, sheeta'am catai' nogoxot lalaxat da ichec na nogoxot, qataq ca naqui'c qom ñelaxaañi na nhuo' le'ecpi ye Judá.

Isaías 48:5

qaq ỹoqo'oye mashe 'am sa'aqtaxaateguem soua qaỹoqteguelo vi'iye, mashe 'am sachaxana namayepi co'ollaq saxanaxa da yo'oq yaqto' saishet da qonapec: «Nacheñi ñim iqolac ñim ỹo'ot ne'enapi, ñim ne'enaqtac maye ỹo'onatac nacheñi ñi ỹauo'o namayepi.»

Isaías 48:3

Qaq som yo'oq co'ollaxa mashe sa'axatta'aguet soua hua'au' vi'iye, qaq nachaỹem maye sachaxan co'ollaxa, qaq sa ñaỹaloxon co'ollaxa da so'ot nache somaye ỹataqta ipacchigui.

Isaías 37:3

Nache somayepi, da'aqtaxanem somaye, 'eeta': Ñi Ezequías, 'eeta' da la'aqtac: «Nagui qomi' souaqtaigui da qaraquicoxo, qanhuaxanaguec, qataq qaica qanqa'en ca shenaxac, shenaqta'am aca 'alo maye deco'otapigui', da mashe qaica ca la'añaxac.

Da na'aqtaguec so Job 12:14

Ca nlaxaañi Ñimaye, nache qaica ca ishet da no'oxoosheguem, nache 'ena'am da huo'o ca ỹapoua'a, nache qaica ca ishet da ỹauateua'a.

Isaías 7:16

Cha'aye que'eca nogotolec qom saxanaxa da ỹaỹaten da lca'aua'a ca no'on, qataq da sa ỹaconeguet ca qauem, nache yi'iye 'alhua maye lalamaxat se'esoua dos nta'al maye 'añe'etegalo yemaye qanayeca'ai qome.

Oseas 7:12

Qalaxaye qom taỹa, nache sa ñaỹaloxon da sasaxalec ca ỹaleguec yemayepi, qataq naañi ñaqa'en, 'eeta'am ana qoỹopi da chegaqasheguema na piguem, nache sauo'o qome ca nhuaxanaguec souaxat na qauem maye ỹo'otacpi.

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Miqueas 6:13

Qaq ỹoqo'oye aỹem so'ot qome ca 'anhuaxanaguec, qataq 'am selaxachigui souaxat na 'arasouaxashetpi.