Oseas 5:5 - La'aqtaqa Ñim Lo'onatac 'Enauacna 2013

⁵ Qaq de'era na'amqaanaxac na Israel, nachera qome da maiche que'emaxam namayepi, qaq na Efraín qalaq maiche pogolaxaisop qome na qauem maye ỹo'ottac namayepi, qaq na Judá le'ecpi nache l-llañe' namayepi qom huañi.

Toba del Oeste

⁵ Da'me ani'yoĝodenaĝaqui qa'a ami yaloĝona da'me yataqachiñe ami ja 'noe'n; qama'le daa'me adoecodi' male yajouaĝa't da'me ami qoyapalaĝa't jo' qomle, qama'le nach'e ena'am joga'me ua'ajopa jogaa'me lec'oqo'tepi di'me Judá.

Oseas 5:5 Referans Kwoze

Oseas 7:10

Qaq de'era na'amqaanaxac na Israel le'ecpi, damaye maiche dataỹa'aguet qome namayepi. Qaq na'aictaxa de'era, namayepi saishet da ỹe'eguelaxa da nmitaique Ñim Nataxala' maye Natamnaxala'.

Amós 5:2

Mashe huañi nam ỹataqta huo'o da lyac Israel, qaq nache saishet da qaltaq ỹe'eguelaxa da ñesheguem, mashe huañi da huetalec ye maiche na'alhua, nache qaica ca anac da nauaxaỹaxaasheguem.

Lucas 19:22

Nache som nta'a 'enapeco': «'Am no'onataxanaxanec qauemaic. Da maiche 'ara'aqtac, nachera da sachegoxotchigui da sauo'o ca 'anhuaxanaguec. 'Am 'auaỹateetac mque' da aỹem sa qaramchigui da sacona cam sa ỹalamaxat, qataq da ñeqat ana ala cam saq ỹañiguishec.

Mateo 23:31

Qalaxaye da qarataxaqui ỹoqta 'eesa da 'eeta'am somayepi.

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Oseas 8:14

Qaq nam Israel le'ecpi, no'oxoosheguem na lma' lta'araicpi, qalaxaye icoua'ai Ñim Lo'onatac da nachaalataxac. Qataq na Judá le'ecpi, qalota na no'oxoosheguem huaqta'a't nỹecpi maye huo'o na lpaqtaxatpi, qalaxaye aỹem, ñamaxa qome ca norec da yaqto' ỹavic ñaqa'en na lma' lta'araicpi.

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.

Oseas 4:5

Nache 'am qouañi qome, qouaigui ca na'a'q, qataq ca pe, nache qocañi' ca na'aqtaxanaxanec da qouañi qataq ñelaxaañi aca 'arate'e.

Jeremías 14:7

¡'Am Nataxala', na'aictaxa na qarasouaxashetpi da qomi' ỹa'aloqche't, qaq no'on da huo'o ca 'auo'ot souaxat da llo'oxoyec da 'are'enaxat! Qalota naxa da saishet da 'am salaxasoxoguet, qaq huo'o da qarasouaxashet 'am hueto'ot.

Isaías 59:12

Qomi', ỹataqta qalota naxa da 'am senogoqchetaq, na maiche qarasouaxashetpi nachena na qomi' ỹa'axa't, qaq nam qarasouaxashetpi qomi' netaiguilo, qataq saỹaanaqta nam qauempi maye so'otaqtac.

Isaías 44:9

Nam ỹo'ottac na lqolacpi namayepi qaica ca naigui, qataq qaica ca naigui nam ỹo'ottac nqolacpi maye ỹataqta lauotaxat. Qaq nam natameetacot nam nqolacpi, namayepi sanauaañi, qataq qaica ca laỹaanataxanaxac, qaq ỹoqo'oye namayepi taỹa'a da ne'enaguec.

Isaías 3:9

Cha'aye da maiche lashiguiỹaxac nachera da ỹa'axat da lataxac namayepi, qaq saishet da ỹoxooñi nam lasouaxashetpi 'eeta'am co'ollaxa so Sodoma da imauec da ỹa'axat na lasouaxashetpi. ¡Qaq choxoraxaso' qome namayepi cha'aye iqataxaatapigui' da maiche nhuaxanaguec!

Proverbios 30:13

Qataq huo'o na ipi'itaxaatega da huo'o naq 'enec, nache ỹataqta na'amaqten da ilota'a ca lỹa.

Proverbios 24:16

cha'aye na'aictaxa da siete da huañi ca no'on da lataxac, qalaxaye nache 'ena'am ishet da qaltaq ñisheguem, qaq nam qauemaicpi qalaxaye nache taỹañicra da lachoxoyec.

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Proverbios 11:21

Qaq ỹoqta 'eesa da ca qauemaic saishet da sa qaỹauo'o ca nhuaxanaguec, qaq na no'on da lataxac qalaq nca'alec.

Proverbios 11:5

Da ỹaỹamaqchiguiñi lataxac ỹaỹamaxaañi da llecỹaxac ca no'on da lataxac, qaq ca qauemaic qalaq maiche cañe' na qauem maye ỹo'ottac.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Isaías 3:8

Cha'aye ỹoqta 'eesa da na Jerusalén hua'axañi qome, qataq ye Judá nlachiguiñi qome, cha'aye nache huaña yemaye nam ntaxaỹaxacpi qataq na qaỹo'otpi da qaỹataỹa'aguet Ñim Nataxala', da qaisheueetac da la'amaqchec Ñimaye.

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.