Oseas 5:3 - La'aqtaqa Ñim Lo'onatac 'Enauacna 2013

³ Qaq aỹem, ỹataqta sauatton na Efraín, qataq na Israel saishet da sa sauatton. Qalaxaye na Efraín, quegue da nquisheguetaxac, qaq na Israel, qalaq ỹataqta nshepaxanaqcheela't».

Toba del Oeste

³ Ami Efraín lec'oqo'tepi jo'ne Israel laje'pi: yataqachiñe jayaten ga'me anejiyaĝauayaĝaqui: qaya'te yaqanatet ta'le jayem nañoĝochi'ñejop. Yataqachiñe aueñiya'am jaga'me quejeguetaĝae, qama'le ja adaloyeguet ta'le jayem anec'achiya.»

Oseas 5:3 Referans Kwoze

Amós 3:2

«Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

Apocalipsis 3:15

Aỹem saỹaten 'enauac nam 'auo'ottacpi, qataq saỹaten da saishet da imauec da Aỹem 'aualaxaguet qataq saq 'amaqtaq da 'aralaxayec. ¡Qaq 'onaxaictaxa da imauec da Aỹem 'aualaxaguet, huo'otaq imauec da saishet da Aỹem 'aualaxaguet!

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Amós 5:12

Aỹem saỹaten da ỹataqta qalota na qauem qauo'ocheetac, qataq na ỹataqta qalota qarasouaxashichi, qataq da ỹataqta huetaiya' qanqa'eñi na no'on da lataxac, qataq yem huaña naxa da qanmit nam nasouaxashetpi, nache huaña da qauacoñeetapeeguet ana nsheetenaxanaqte, da yaqto' qanauec qanqa'eñi na choxoraqpi.

Oseas 13:1

Qaq nam shiỹaxauapi ye Efraín naxa da detaqa, nache na laỹepi nhuo' le'ecpi maye chegoxoguet so Israel, ỹataqta huo'o naq 'enec naqa'en namayepi. Qalaxaye ye Efraín ilem na lasouaxashetpi, souaxat da natameetacot so Baal.

Oseas 12:1

Na Efraín qalaq chectac na la'at, qaq 'enauac ye na'a'q da quetague' na la'at maye chegaqa'ague da nala' lliguisheguem. Qataq nquigaxattauec na latenataxanaxacpi qataq qaica ca iren, qataq naỹamaxate' ye Asiria, qataq ỹamaxa na nme aceite ye Egipto.

Oseas 8:11

Cha'aye na Efraín, qalota ana no'oxoosheguem nca'atoxonaxalatepi, maye ỹo'ot da huo'o naqa'en nam lasouaxashetpi namayepi.

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Oseas 5:13

Nache ye Efraín qom ila'a da lalolaxa, qataq ye Judá qom ila'a da lque'emaxa, huaña qome nache ye Efraín, nqo'ona so 'amaqtaqaic nta'a ye Asiria, da iỹaxanaique ca ntaunaguec, qalaxaye somaye saishet qome da no'oita naqa'en, qataq saishet da nataren na lque'emaxa.

Oseas 5:11

Nache na Efraín, qaica qome ca nyacnataguec qataq qaica ca naigui qanqa'en, souaxat da maiche quegue nam atamnaxala'pi maye qaica ca naigui.

Oseas 5:9

Qaq aỹem sa'aqtaxanem nam nalamaxat nhuo' Israel le'ecpi, da ỹataqta 'eesa cam naỹa'a namayepi, qaq na Efraín ỹataqta nlachiguiñi qom nvita ca nhuaxanaguec.

Isaías 7:17

Ñim Nataxala', anacot qome da yaqto' 'am talec, qataq na 'arhuo' le'ecpi qataq nam llalaqpi so 'arta'a, caua qauema na'axa'te maye saqaỹauanapegalo, chegoqta'a co'ollaq so Efraín nỹoteeguesop ye Judá, cha'aye Ñimaye anac naqa'en qome ñi nta'a ye Asiria.

Isaías 7:5

Ye siiriopi huaxaiguet ye Efraín le'ecpi, qataq ñim llalec so Remalías, da naỹamaxara't da yaqto' 'am ỹo'otec ca qauem, nache 'eetra':

Deuteronómio 33:17

Qaq da lyacỹaxac so José qalaq 'eeta'am ca la'auaxanec llalec ca huaca, qataq da la'añaxac 'eeta'am da la'añaxac naua lcoue ca no'onaxa le'ec huaca, qaq nache iroleguete qome da decanaxangui na ỹotta'a't shiỹaxauapi, ivitta'a naqa'en naua qaỹoqtalo 'aleu'. Qaq namayepi nachena na qalota llalaqpi so Efraín, qataq na qalota llalaqpi so Manasés.»

Isaías 7:16

Cha'aye que'eca nogotolec qom saxanaxa da ỹaỹaten da lca'aua'a ca no'on, qataq da sa ỹaconeguet ca qauem, nache yi'iye 'alhua maye lalamaxat se'esoua dos nta'al maye 'añe'etegalo yemaye qanayeca'ai qome.

Oseas 1:2

Qaq 'ena na chegoqchiguiña da la'aqtac Ñim Nataxala' maye chegoqchigui naqa'en so Oseas, 'eeta': «'Aue qojec, nache 'auaroneguet qome aca 'alo quisheguetaxai, nache huo'oi qome caua 'aỹa'alqa, qaq caamaye nache chegaqaiguilo qome da quisheguetaxac, cha'aye nam netalecpi ne'ena 'alhua Israel ỹataqta nquisheshigui da la'amqaanataxanaxac, nache namayepi ỹataqta ca'ai Ñim Nataxala'.»

Oseas 6:10

Qaq huaña ne'ena na'alhua na Israel da sauaachigui nam ỹataqta qauem, qataq na Efraín da nquisheshe, nache na'aqchet na Israel le'ecpi.

Oseas 13:5

Qaq aỹem 'am selotague' co'ollaq huaña ye toolec 'alhua, yem 'alhua maye ỹataqta deqaqta.