Oseas 5:1 - La'aqtaqa Ñim Lo'onatac 'Enauacna 2013

¹ «Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Toba del Oeste

¹ «Yataqachiñe anaquiaĝañiya jena'me jenjo', ami tamenaĝaiqui lo'ol, choqoda'me ami lajoĝola'te di'me Israel nataq'aen ami c'oqo'te joñe'me nejaliaĝanec: Male ja'uo yec'atenaĝanaĝac qomle, qama'le ja'uo adachoĝodequi, yajouaĝat da'me auoqoviñe'tape jena'me yalaqapi, da'me aueñi netamenoto joñaa'me ja ejoda jo'ne ueteda'a di'me Mispá nataq'aen di'me Tabor,

Oseas 5:1 Referans Kwoze

Oseas 9:8

Qaq Ñim Nataxala', ỹanem so la'aqtaxanaxanec da yaqto' nauaatalec na Efraín, qalaxaye so llec qaỹa'añiỹangui ana qoinapi, qataq ivira'a da qanquiỹai da huetaigui añi atamnaxaqui maye lalamaqte Ñim Lo'onatac 'Enauacna.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Miqueas 3:9

Qaq nagui, ñaq qana'axaỹaxañiỹa de'era na'aqtac, qami' lta'alpi qataq lataxala'pi na Israel le'ecpi, qami' maye qauqaiquiỹa da nalochiguiñi lataxac, qataq qauashaxañeeuec da no'on lataxac,

Oseas 6:9

Qaq so nqa'aic maye taỹa'a ye Siquén, qalaq hueta'a na ntaxaỹaxanaxanecpi maye 'eeta'am nam cachaxaicpi da nauaata'aguet na shiỹaxauapi, qaq huaña da decache qataq da dalaataxan.

Jueces 4:6

Qaq huo'o so na'a'q, nache aso Débora damaxasoxona so ỹale le'enaxat Barac, so llalec so Abinoán maye netaña co'ollaxa ye Cedes, ye lma' so maiche nhuo' le'ecpi maye chegoxoguetpi so Neftalí, nache 'enapega, 'eeta': «Ñim Nataxala', maye Natamnaxala' na Israel le'ecpi, 'am 'enapega, 'eeta': 'Anqo'ona qome añi qasoxonaxa Tabor, nache 'alaỹona't ca diez mil ỹalleppi ye maiche nhuo' le'ecpi maye chegoxoguetpi so Neftalí qataq so Zabulón.

Malaquías 2:1

«Qaq nagui, qami' ntaxaỹaxanaxanecpi, 'era da namaxasoxonaxac maye qami' taaleguete:

Amós 7:9

Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.

Oseas 10:15

Qaq 'era da 'eetec qome qami' maye qarmaye na Betel, souaxat da ỹataqta lta'araic qaye'etaxalqoi. Qaq nataqa'en ñi nta'a na Israel ileu qom mashe yaqta'a da yo'oxoñi».

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Malaquías 1:6

Ñim Nataxala' maye Qaica ca Ỹaqalanapec, 'enapega na ntaxaỹaxanaxanecpi, 'eeta': Nam ñalaqpi huo'o naq 'enec naqa'en na lta'alpi, qaq nam namaxashecpi qalaq ỹalaxaguet na na'aco'pi. Qaq aỹem da aỹem Qarta'ai, qalaq ¿ta'ainco' da qaica qanqa'aiñi ca shenec? Qataq da aỹem qana'aco'oi qalaq ¿ta'ainco' da saishet da Aỹem qaualaqaiguet? Qami' Aỹem qauo'otañi, qataq ivira'a da qoñiỹapec: ‹¿Negue'to' cam huo'omshe 'am so'otanaq?›

Miqueas 3:1

Qaq ime, nache sheeta': Ña qana'axaỹaxañi nagui qami' lataxala'pi qataq lta'alpi na Israel le'ecpi, cha'aye nache qami' maye iuen da qauaỹachiñi dam no'on lataxac.

Oseas 13:8

Qataq ñauaneguet qome namayepi da seloquiaxan, sheeta'am aca oso da deqa't caua llalqa, nache ỹataqta secolaxattac añi lquiyaqte, qaq huaña nache sheeta'am ca llon da sachec namayepi, huo'otaq ca huauec shiguiỹac da ỹataqta secolaxattac namayepi.

Jeremías 46:18

Qaq Aỹem maye Aỹem Nta'a, da ỹe'enaxat, 'eeta': Nataxala' maye Qaica ca Ỹaqalanapec, san da ỹa'aqtac maye, 'eeta': 'Eeta'am añi qasoxonaxa Tabor da saishet da 'ena'am ana laỹepi qasoxonaxapi qataq añi qasoxonaxa Carmelo maye netaua'a na laỹe aso auaxai, qaq nache 'eetec qome da anac na pa'aguenaxauapi.

Jeremías 13:18

«Qonapega qome ñi nta'a qataq añi nate'e, qoneta': ‹Qaunocheeguesop añi so'onaxaqui, nache qanso'oñiỹa'aguet na 'alhua, cha'aye ana aro'o maye ỹo'oxoreetac na 'arqaic mashe naañi.›

Joel 1:2

Qami' nqueroxonecpi, ña qana'axaỹaxañiỹa de'era, qataq 'enauac qami' maye qoñiitalec ne'ena 'alhua. ¿Peta'a huo'o co'ollaxa ca na'a'q da qauauañiichigui ca 'eeta'am de'era, nam qoviitaiguilo na'axa'te huo'otaq soua na'axa'te maye huetaiguilo so hua'au qarta'ailpi?

Jueces 4:12

Nache so Sísara co'ollaq ỹaỹaten da so Barac mashe ivita ye pa'asheguem añi qasoxonaxa Tabor,

1 Samuel 7:5

Ime, nache so Samuel 'enapego' somayepi, 'eeta': «Qalaỹoñiỹa't qome 'enauac na Israel le'ecpi da hua'a ye Mispá, nache aỹem seỹaxanot qome Ñim Nataxala' da qami' ñachoxoreeleguete.»

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

1 Samuel 7:16

qataq 'enauaque naxa naua vi'iye da nqo'ona ye Betel, Gilgal qataq ye Mispá, da yaqto' ỹaỹamaxaañi 'enauac nam 'eetapeguecpi so Israel le'ecpi maye netalec yi'iye 'alhua.

Jeremías 11:7

Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.

Amós 3:1

Qami' Israel le'ecpi, ña qana'axaỹaxañiỹa da la'aqtac Ñim Nataxala', da 'enapega nam nhuo' le'ecpi maye nqateeguesop co'ollaxa ye Egipto, 'eeta':