Oseas 4:9 - La'aqtaqa Ñim Lo'onatac 'Enauacna 2013

⁹ Qaq ne'ena nhuo' le'ecpi, nache 'eeta'am ñaqa'en qome na ntaxaỹaxanaxanecpi, da sauo'o ca nhuaxanaguec, souaxat dam qauem lataxac namayepi.

Toba del Oeste

⁹ Qama'le jene'tema qomle gaa'me yalaqapi jogaa'me tamenaĝaiqui lo'ol: ja'uo ga'me ne'uaĝanague'j, jouaĝat da'me yauote jo'ne ja no'en.

Oseas 4:9 Referans Kwoze

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Isaías 24:2

Qaq nache 'eetec qome nataqa'en na ntaxaỹaxanaxanecpi, qataq na nhuo' le'ecpi, 'aco', nlatac, 'acoro, qataq aca nlata, ca nmeetac, qataq ca demenaxaatac, qataq cam qaỹa'aalaxanot, qataq cam da'aalaxan, qataq cam navigaqtaxanaxala', qataq cam huo'o aca lavigaxaiste.

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Oseas 1:4

Nache Ñim Nataxala' 'enapega so Oseas, 'eeta': «Yi'iye nogotolec, 'aỹa'anagui qome da le'enaxat Jezreel, cha'aye sa ñaỹaloxon da sauo'o ca nhuaxanaguec na chegoxoguetpi so nta'a Jehú, souaxat da ỹataqta qalota so lalaatacpi co'ollaq huaña ye Jezreel, yaqto' nache loga't ñaqa'en da lo'onataxanaxac da nta'a na Israel.

Isaías 3:10

Qaq machiguiñi qome cam no'on da lataxac cha'aye no'on qome da llecỹaxac, qataq huo'o da ntonaxac cha'aye no'on da alaỹaxac da lo'onataxanaxac.

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

Proverbios 12:14

Ñi 'oonolec ỹaconeguet ca alaỹaxac na maiche la'aqtacpi, qataq ỹaconeguet da lashiichiỹaxac cam ỹo'ottac.

Oseas 7:2

Nache saishet da tagui lauel da Aỹem ñetoueeta'ac 'enauac nam qauem maye ỹo'otpi. Qaq nagui qalaq coleesop nam maiche ỹo'ottacpi maye qauem, nam nache 'eetai' naxa da semeteetac.

Oseas 9:15

«Qaq huaña co'ollaxa ye Gilgal da ỹo'ot 'enauac na qauem namayepi, qaq nache huaña nataqa'en da seqaiga namayepi. Qaq souaxat nam qauem maye ỹo'otpi namayepi, nache so'orauec qom huaña ñi ima', qataq saxaañi da sauotec namayepi, cha'aye 'enauac nam lataxala'pi namayepi da sa ỹalaq.

Oseas 10:10

Qaq qom ñeshet da sauo'o ca nhuaxanaguec ne'ena nhuo' le'ecpi, nache na ỹotta'a't shiỹaxauapi dataỹa'aguet qome namayepi, qom ivita da sauo'o ca nhuaxanaguec souaxat nam qalota lle'etaxaloxosat.

Oseas 12:2

Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.

Proverbios 11:31

Ca no'on da lataxac da ỹaconeguet ca nsheetenaguec da ñaq hueta'a ana 'alhua, qaq nache 'eetec nataqa'en ca qauemaic qataq ca 'etaxaloxoic.

Ezequiel 44:10

Qaq nam leviitapi maye Aỹem ca'ai co'ollaq na Israel le'ecpi ca'ai da ñeqa'aicỹaxac, da yaqto' ỹo'oxoren na nqolacpi, namayepi qome iuen da isheeten da lasouaxashet.

Ezequiel 44:12

Cha'aye namayepi nachena nam huetague' co'ollaxa na Israel le'ecpi, da ỹaatacot da llo'oxonnataxanaxa na nqolacpi, qaq nachena nam ỹo'ot na lasouaxashetpi namayepi. Qaq ỹoqo'oye namayepi isheeten qome dam lasouaxashet. Qaq 'era da ỹa'aqtac Aỹem Nataxala'.

Oseas 12:3

Qaq nache chegoqta'a co'ollaq ñaq taỹa'a da ñiguiñi so Jacob, nache npa'axaalec da lañoxoc so lqaỹa, qaq co'ollaq mashe ỹe somaye nache nalaqaatague' som lamaxashec Ñim Lo'onatac 'Enauacna.