Oseas 4:8 - La'aqtaqa Ñim Lo'onatac 'Enauacna 2013

⁸ Qataq ỹachegoxottapigui na lasouaxashetpi nam ỹalamaxat nhuo' le'ecpi da lquia'axac namayepi, ỹoqo'oye ỹayeeta'a da nache ỹo'ottac na qauem nam shiỹaxauapi maye ỹalamaxatpi.

Toba del Oeste

⁸ Gaa'me najaqajel jo'ne jayem yanema ga'me yalaqapi, qaedi japalaĝat ga'me loe'j, nach'egaua jo'ne yacota nale gaa'me tamenaĝaiqui lo'ol qaedi 'uo ga'me liqui'yaĝa'j. Qo'oche' yepaquetedapega da'me ma'ejama'le yauote da'me loe'j jogaa'me yalaqapi.

Oseas 4:8 Referans Kwoze

Isaías 56:11

Namayepi 'eeta'am nam pioxoppi maye saishet da icoma', namayepi qagueta lo'opi qalaxaye qaica ca ỹaỹaten, ñi 'oonolec qalaq quetague' cam maiche llecỹaxac, qataq nmitta'a da maiche laỹamaxa.

Tito 1:11

Namayepi iuen da qaỹapoguilo naua ala'api, cha'aye ỹataqta sa nhuoona't naqa'en na nhuo' le'ecpi, souaxat da dapaxaguenataxaatapeguec na sa lataxac, cha'aye choche nshetaique da nauec ana anom da ỹachegoxotaigui da latenataxanaxac.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

1 Samuel 2:29

¿Qalaq ta'ainco' da sa qauyacñiỹapec na qoỹaneuo shiguiỹacpi, qataq ana nachetaqtaxanaqtepi maye Aỹem samaxasoxoolec co'ollaxa da Aỹem qandoua'a? ¿Ta'ainco' da 'agaqnauec da llo'oxoyec naua 'aỹa'alqa, nache Aỹem 'auỹotta'a, qataq chaxaraiqa 'anqa'en souaxat da 'auquia'axaategueque 'enauac ana ỹataqta no'on lachetaqtaxanaqtepi na Israel le'ecpi maye ỹalamaxatpi?

Levítico 6:26

Qaq que'eca ntaxaỹaxanaxanec maye ỹaneuo que'eca shiguiỹac maye sa imauaq da qaỹavigaxat, camaye nacheca ca ishet da chec ca laỹe camaye, qalaxaye nache hueta'a ye ỹaqauga nqasoxoc ñi npe'l.

Romanos 16:18

cha'aye ne'ena shiỹaxauapi saishet da do'onataxaatacot So Cristo maye Qarataxala', nachaqrata da maiche nmittaique ca maiche laỹamaxa. Qataq namayepi iroleguete naua la'aqtaqa isotta'ape na shiỹaxauapi da da'aqtaxan, qalaxaye namayepi ỹataqta tenataxanaxaicpi qataq ỹatenachet nam shiỹaxauapi maye saxanaxa da ỹaỹaten ca ỹoqta llec de'era na'aqtaxanaxac.

Malaquías 1:10

«¡Ỹataqta da iyaxa da huo'o ca 'oonolec da qoñeeta da ỹapogui na lasompi añi atamnaxaqui maye ỹalamaqte, yaqto' saishet da choche ne'en da qoỹegueua'a na norec añi ỹalamaqte nca'atoxonaxalate! Cha'aye Aỹem saishet da qami' ñetootegueque, qataq saishet da shecto'ot da sacootapeeguet ana qarachetaqtaxanaqche.

Salmos 24:4

Qomye nachecata ca qui'itte' naua lhua'q qataq ỹaỹamaqta da lquiyaqteỹaxac, qataq saishet da natameetacot na nqolacpiolec, qataq saishet da ỹanot ca la'aqtac nam saq 'en atamnaxala'pi.

Ezequiel 14:7

Qalaxaye da huo'o ca Israel le'ec huo'otaq ca chegaqauec da netaña na Israel da Aỹem ca'ai, da nañaneguet da ỹo'oxoreetac na lqolacpi, qataq imato'ot da lmeenaxanaxac nam ỹo'ot na lasouaxashet, ime nache nqo'ona ca na'aqtaxanaxanec da yaqto' Aỹem inat, nache maiche Aỹem sasateguet qome ca lnataxanaxac camaye:

Ezequiel 14:3

«Ne'enaua shiỹaxau', naamaye ỹataqta imauec da nañanoto da natameetracot na nqolacpi, qataq imato'ot da lmeenaxanaxac nam ỹo'ot na lasouaxashetpi. ¿Qaq peta'a sa'aqta'alo naamaye da Aỹem inat?

Salmos 25:1

'Am Nataxala', 'am ỹalamaqtot ñaqa'en da ñatamnaxac,

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

Oseas 10:13

Qalaxaye qami' qaỹa'añiiñi da qauem, nache qami' taleguete da sa ỹaỹamaxañi lataxac, qataq qolliquiitac na chegaqaigui da natenataxanaxac. Qaq cha'aye qaupi'iitega anam naigonapi maye alaataxaquipi, qataq nam qalota alleppi alaataxaicpi,

Oseas 12:8

Qaq na Efraín, qalaq 'eeta': ¡Aỹem ỹataqta aỹem sallaxanec, ỹataqta qalota ana llaỹoñiguishe aỹom! ¡Qalaxaye qaica ca ishet da anac da ỹauo'o ca ỹasouaxashet, da 'eetega sachegoxotaigui da icachaxac de'era isallaxa!

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Levítico 6:22

Qaq 'era da 'eetec da ỹo'ot aca lachetaqtaxanaqte ca 'oonolec llalec ñi Aarón da ivita da qoỹanagui da lo'onataxanaxac. Qaq aca lachetaqtaxanaqte ala na nañiguishec, acamaye imauec da qaỹavigaxat. Qaq 'era da llecỹaxac da chochaq tatec lqataxac Ñim Nataxala'.

2 Reyes 12:16

Qaq aso anom maye nachetaqtaxanaqte naxa da lasheue da qaỹapalaxat ca npe'enaxanaxac, qataq ca nasouaxashet, asomaye saishet da qairoua'a aso atamnaxaqui, cha'aye lalamaqte som ntaxaỹaxanaxanecpi.