Oseas 4:7 - La'aqtaqa Ñim Lo'onatac 'Enauacna 2013

⁷ Qataq co'ollaq nquictauec da qalota nam ntaxaỹaxanaxanecpi, nache nataqa'en ỹataqta nquictauec nam aỹem hueto'ot lasouaxashetpi, ỹoqo'oye da llo'oxoyec namayepi, nmeneguet qome ñaqa'en da qaica ca la'amaqchec namayepi.

Toba del Oeste

⁷ Ñe'me Jaliaĝanec yitaĝa nenaĝategue da'me dojo', jouaĝa't jogaa'me tamenaĝaiqui lo'olpi, enaac: «Ca'li da'me jalcote gaa'me tamenaĝaiqui lo'ol, ma'ejama'le nichiguegue ga'me loe'j jo'ne jayem nauteta. Chane'eja male joĝotaĝanec da'me li'yoĝodi'j, qaedi ja'uo lepocoqo' q'aen qomle.

Oseas 4:7 Referans Kwoze

Oseas 13:6

Qalaxaye co'ollaq mashe ỹaguec na qo'oqoi, nache naua qarquiyaqtelli' nlaxaguilo da qana'amqaanaxaqui, huaña nache Aỹem qaucoviỹa'ai.

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Malaquías 2:9

Qaq ỹoqo'oye, souaxat da Aỹem saqaualaqaiguet, qataq souaxat da qauapaxaguiñi na shiỹaxauapi, nache qalca'aitagui, nache Aỹem so'ot qome, da 'enauac nam nhuo' le'ecpi qami' deqaigalo, qataq qami' saq maigueta. Qaq 'era da la'aqtac Ñim Nataxala' maye Qaica ca Ỹaqalanapec.

Oseas 10:1

Na Israel le'ecpi, qalaq 'eeta'am ana nañiguishe uva maye ỹataqta qalochiguiñi, qalaxaye co'ollaq ỹataqta qalota ana alapi, nache nataqa'en nquictauec ana no'oxoosheguem nca'atoxonaxalatepi. Qataq co'ollaq mashe ỹataqta 'onaxaic na na'alhuapi, nache nataqa'en ỹataqta 'onaxaic naqa'en nam saq 'en natamnaxala' coma'pi.

Oseas 4:10

Qaq na'aictaxa qome da sa qoue da lquia'axac qalaxaye saishet da icoma', qataq da ỹapacauec da lquisheguetaxac, qalaxaye qaica qome ca llalec, souaxat da ca'ai Ñim Nataxala'.

Habacuc 2:16

Qaq damaye saishet qome da ỹo'ot ca 'ayo'oxoyec, nacherata da 'am talec naqa'en da 'ara'agaxa, cha'aye Ñim Nataxala', 'am ỹanem qome da 'anỹomgui aca ỹomaxaqui, maye ỹo'ot da 'aula'a dam sa nateneuo 'arataxac, huaña nache da 'ayo'oxoyec nmeneguet da qaica ca 'ara'amaqchec.

Oseas 6:9

Qaq so nqa'aic maye taỹa'a ye Siquén, qalaq hueta'a na ntaxaỹaxanaxanecpi maye 'eeta'am nam cachaxaicpi da nauaata'aguet na shiỹaxauapi, qaq huaña da decache qataq da dalaataxan.

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Esdras 9:7

Qataq mashe qaỹoqteguelo soua vi'iye, choche ivitta'a nagui, da ỹataqta lta'araic de'era qarasouaxashet. Qaq souaxat ne'ena qauemsat, nache qomi', qataq na qarta'alpi, qataq na ntaxaỹaxanaxanecpi, qomi' qoỹanegueta da la'añaxac na lta'alpi na ỹotta'a't shiỹaxauapi maye qarhuoreuapi. Nache qomi' qaique'emaqcheteque so ỹeelonec, qataq qomi' nlataqa, qataq qomi' qanhuo't, qataq qomi' qane'eetapiguilo, choche ivitta'a nagui.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Oseas 9:11

Qaq da llo'oxoyec na Efraín, jec qome 'eeta'am ca qoỹo da huaỹo. Huaña nache qaica ca ñiguiñi nogotolec, qataq saishet da hualaxai aca 'alo, qataq qaca aca deco'o.

Oseas 10:6

Cha'aye ñim huaca llalec qaỹache qome, qaira'a ye Asiria da yaqto' qoỹanem so ỹataqta 'amaqtaqaic nta'a. Huaña qome, nache nam netaña ye Efraín huo'o da la'aloxo, qataq na Israel le'ecpi huo'o qome da la'aloxo souaxat ñi natamnaxala'.

Deuteronómio 32:15

Qalaxaye co'ollaq mashe qaica ca iueetaique na Israel le'ecpi, nache dataỹa'aguet Ñim Lo'onatac 'Enauacna maye lo'onatac namayepi, qataq ỹo'otan naxa Ñim npaxattalec qataq lca'alaxaqui namayepi.