Oseas 4:6 - La'aqtaqa Ñim Lo'onatac 'Enauacna 2013

⁶ Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Toba del Oeste

⁶ Jenjo' noic jo'ne yalaqapi, qaya'te jayem yatetonaĝanaĝaneque, qama'le nayi male nimichidiñe. Da'me ami tamenaĝaiqui lo'ol, jouaĝat da'me ja jayem 'te a'uamaqachiñe, qama'le da'me jayem male ja ami 'te ja'amaqateneque ta'le ayoue jena'me ñetamenaĝaiqui. Da'me ami ja jetaque auoqochiya'alo naa'me yamajoĝonaĝaco, qama'le da'me jayem ja jaje'tema qomle gaa'me ac'oqo'chedi' ta'le qoye'n tamenaĝaiqui lo'ol.»

Oseas 4:6 Referans Kwoze

Isaías 5:13

Qaq ỹoqo'oye na ỹalamaxat nhuo' le'ecpi qaỹauega qome ca ỹaqa'a 'alhua souaxat da saishet da aỹem ỹauatton, 'enauac na nhuo' le'ecpi qataq na lataxala'pi ilem qome na lqouaxa qataq na laquip.

Proverbios 19:2

Sa ỹaỹamaxañi da sa qaiuennataxaalec ca qoỹeetapeguec, qataq da qalota da nỹalaxa nache ỹo'ot da nsomaxac.

Oseas 6:6

Cha'aye aỹem ñeshetaique da aỹem qauauochec, qaq saishet da nachena nam qarachetaqtaxanaxache da ñeshetaique da aỹem qandoitapegueua'a. Qataq ñeshetaique da aỹem qauauattoñi da aỹem Qanatamnaxala'ai, qaq saishet da choche aỹem qaỹa'añeetacot anam nachetaqtaxanaqte qaỹavigaxatta.

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Mateo 15:8

‹Ne'ena shiỹaxauapi 'eetega da Aỹem ỹalaxaguet, qalaxaye da lquiyaqteỹaxac ỹataqta qaỹoqta naqa'en Aỹem.

Oseas 8:14

Qaq nam Israel le'ecpi, no'oxoosheguem na lma' lta'araicpi, qalaxaye icoua'ai Ñim Lo'onatac da nachaalataxac. Qataq na Judá le'ecpi, qalota na no'oxoosheguem huaqta'a't nỹecpi maye huo'o na lpaqtaxatpi, qalaxaye aỹem, ñamaxa qome ca norec da yaqto' ỹavic ñaqa'en na lma' lta'araicpi.

Isaías 17:10

cha'aye 'aucoua'ai Ñim Lo'onatac 'Enauacna maye 'am nca'alaxatec co'ollaxa, qaq saishet da 'antoonec da nacheñi Ñim qaica ca 'eeta'am 'aye'eguenaxala'. 'Am 'auo'ottac na ỹataqta no'on nanaxanaqa'piolec, qataq 'aỹa'aateguiñi ana nañiguishe da yaqto' 'avio'oxoren som chegaqauec atamnaxala',

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

2 Crónicas 15:3

Qaq na Israel le'ecpi, mashe qaỹoqteguelo soua vi'iye da saishet da natamnot Ñim ỹoqta 'eesa Atamnaxala', qataq ca ntaxaỹaxanaxanec da ỹapaxaguen namayepi, qataq ca ỹapaxaguenec na nqataxacpi.

Oseas 13:6

Qalaxaye co'ollaq mashe ỹaguec na qo'oqoi, nache naua qarquiyaqtelli' nlaxaguilo da qana'amqaanaxaqui, huaña nache Aỹem qaucoviỹa'ai.

Isaías 1:3

Ca nauegaxanaxala' huaca ỹauatton ca na'aco', qataq ca 'ashena ỹauatton ca lquia'axanataxanaqa' ca na'aco', qalaxaye na Israel le'ecpi nam nhuo' le'ecpi maye ỹalamaxatpi, saishet da aỹem ỹauatton qataq qaica ca lauattonaxanaxac.»

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Da na'aqtaguec so Job 36:12

Qalaxaye da sa ỹalaxaguet Ñimaye, nache qom saxanaxa da deuennataxan nache ileu. Souaxat da qaica ca ỹaỹaten.

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Isaías 3:12

Qaq choxoraxaso' nam ỹalamaxat nhuo' le'ecpi, souaxat da ñaq ñaqpiolec ca sa iyacnapec qataq da 'alpi ca ilotague' qome namayepi. Qami' ỹalamaxat nhuo' le'ecpi, nam qarataxala'aipi qami' ỹatenache't nache qami' ỹauecta'alo so qauem nqa'aic.

Salmos 119:139

Da ica'alaxanaxac ỹataqta aỹem nlaxaañi, cha'aye na ñepa'aguenaxauapi icoua'aisalo naua 'ara'aqtaqa.

Salmos 119:61

Na'aictaxa da aỹem coleesop da aỹem nqoviitac na 'etaxaloxoicpi, qalaxaye saishet da secoua'aisalo naua 'arapaxaguenataxanaxaco.

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

Oseas 8:12

Qaq cha'aye na'aictaxa da qalota nam sereñi ỹapaxaguenataxanaxacpi da sanem, qalaxaye ỹataqta qaica ca naigui naqa'en namayepi.

Oseas 8:1

e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Oseas 4:12

Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

1 Samuel 2:12

Qaq soua llalqa so Elí ỹataqta qauem da lataxa'c, qataq qaica ca 'enec naqa'en Ñim Nataxala',

Isaías 45:20

Qalapoñiỹa't qome, nache qauanaqui, qanquiquiiuo 'enauac qami' lca'alaxaicpi nam ỹotta'a't nhuo' le'ecpi. Ỹataqta qaica ca laỹaanataxanaxac nam qaica'attaueeguepi naxa da ỹachetac na ne'enaqtacpi qo'oipaq, qataq natameetacot nam atamnaxala'pi maye saishet da deca'alaqtaxan.

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Isaías 28:7

Qalaxaye nataqa'en huo'o na laỹepi maye ỹe'egottapigui' souaxat da nỹomaxac na lataxa, qataq pogolaxaateguiñi souaxat na ỹataqta chem lataxa, na ntaxaỹaxanaxanecpi qataq na na'aqtaxanaxanecpi qalaq ỹe'egottapigui' souaxat na ỹataqta chem lataxa, qaica ca laỹaanataxanaxac souaxat na lataxa, qataq pogolaxaateguiñi souaxat na ỹataqta chem lataxa, qataq ỹe'egottapigui' da huo'o na l-loxocpi, qataq taxaicpi da huo'o ye nmit nasouaxashet.

Mateo 1:6

qataq so nta'a David. Qaq chegoqchiguiña so David, choche ivitta'a co'ollaq so judiopi da qaicoñe' qaỹaueegue da Babilonia, qaq 'ena nam le'enaxat som chegoxoguet Somaye: David, Salomón (aso late'e somaye nachaso aso lhua co'ollaxa so Urías),

Salmos 119:153

Qaq ña 'aumeten qome da iuogoxo nache aỹem 'anca'alaxatec, cha'aye aỹem sa secoua'aisalo naua 'arqataxaco.

Proverbios 10:21

Naua la'aqtaqa ca ỹaanaxanaxaic qalota ca ỹapaxaguen, qaq ca qaica ca ỹaỹaana'a qalaq ilem da qaica ca ỹaỹaanapec.

Ezequiel 44:23

Na ntaxaỹaxanaxanecpi iuen da ỹapaxaguen na ỹalamaxat nhuo' le'ecpi, da yaqto' ishet da ỹauatton cam ỹalamaxat, qataq cam lalamaxat ca shiỹaxaua, qataq ỹauatton ca qui'itta qataq ca nshepaxan.

Oseas 4:14

Qalaxaye Aỹem saishet qome da sauo'o ca nhuaxanaguec ana llalepi souaxat da lquisheguetaxac, qataq ana latelpi souaxat da lauatapiguiñi' nam sa lhuapi, cha'aye maichena namayepi da nquishestague' ana quisheguetaxaipi qataq da ỹo'ot ana lachetaqtaxanaqtepi, nache nquisheshigui da la'amqaanataxanaxac. Qaq 'era da 'eetec na nhuo' le'ecpi, da taỹañecra souaxat da qaica ca laỹaanataxanaxac.

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.

Oseas 7:9

Nache na chegaqauec shiỹaxauapi nquicta'a't naqa'en da la'añaxac namayepi, qaq namayepi sa nanoma de'era. Qataq ivira'a na laue da ỹapagaq qalaq sa nanoma damaye.

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Salmos 18:27

Qataq 'am 'anca'alaxatec ca ỹataqta choxoraq, qalaxaye ỹataqta huetaiya' 'anqa'en na ño'oxonnaxaicpi.

Isaías 29:12

Qaq da huo'otaq qoỹanem cam saỹaỹaten da ltaxaỹaxanataxanaxac, nache qoỹenapega qoỹeeta': «'Autaxaỹaxan ana'ana», nache camaye 'eeta': «sasaỹaten da itaxaỹaxanataxanaxac.»

Oseas 9:17

Qaq ne'ena nhuo' le'ecpi saishet da ỹalaxaguet Ñim Ñatamnaxala', ỹoqo'oye Ñimaye ỹo'orauec qome namayepi, huaña nache namayepi nsomaxaatapigui' qom ỹalectaigui na ỹotta'a't shiỹaxauapi.