Oseas 4:5 - La'aqtaqa Ñim Lo'onatac 'Enauacna 2013

⁵ Nache 'am qouañi qome, qouaigui ca na'a'q, qataq ca pe, nache qocañi' ca na'aqtaxanaxanec da qouañi qataq ñelaxaañi aca 'arate'e.

Toba del Oeste

⁵ Nale nolo' da'me ami male auapoguelaĝañi, nataq'aen gaa'me 'yaqatanaĝanaĝanaqa nach'e ena'am ami equeguelo nale pi'yaq. Chane'eja da'me ami male jen auep'ayitegue: male qaya'te 'uo ga'me adolelaĝaiqui ta'le ami janema.

Oseas 4:5 Referans Kwoze

Oseas 2:2

Qaq Ñim Nataxala' 'eeta': ¡Ña qaviraxachiỹo'ot qome aso qarachi'i, cha'aye asomaye saishet da ihua, qataq asomaye saishet da aỹem lhua! ¡Qoñiỹapega da ỹaxaañi da ỹachaxaatac da lquisheguetaxac! ¡Qataq ỹaxaañi da nachaxaatega nam nquisheshaxauapi!

Jeremías 15:8

Qataq so'ot qome da qalota ana pa'aipi napacalec na delec maye hueto'ot na loigue aso auaxai. Qataq huaigui ñaqa'en ca na'a'q laiñi da talec ca nleuaxa ana nate'elpi qataq na llalaqpi nsoxoppi, qataq nque'elaxatta qome da talec ca laquicoxo qataq ca lcolanaxa.

Gálatas 4:26

Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.

Zacarías 13:2

Nache que'eca na'a'q, ñeqateeguesop qome 'enauac ne'ena 'alhua, na le'enaxatpi na ne'enaqtac atamnaxala'pi, yaqto' saishet da nache queta da qanatameetacot. Qataq nataqa'en ñeqateeguesop qome ne'ena 'alhua na ntaxaỹaxanaxanecpi, qataq 'enauac nam saqcha'a na'añaxacpi maye qauem. Qaq 'era da san ỹa'aqtac Aỹem Nataxala'.

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

Jeremías 50:12

Qalaxaye na qana'alhuai qataq na huaqta'a't nỹecpi maye qarañoqo'oi, namaye nlaqaalec qome da na'agaxa. Qaq nachena qome nam pa'atec nam ỹotta'a't shiỹaxauapi da toolec maye deqaqta qataq qaica ca ñaxaalec.

Jeremías 23:9

Da na'aqtaxanaxac maye talec na na'aqtaxanaxanecpi, 'eeta': Aỹem ỹataqta qaica ca ilagaqa', 'enauac na ỹo'oc da ỹataqta cholaxan, 'eco' da aỹem taxaic, sheeta'am ca shiỹaxaua maye mashe quichigui na lataxa, souaxat Ñim Nataxala' qataq naua qui'itte' la'aqtaqa.

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Ezequiel 14:3

«Ne'enaua shiỹaxau', naamaye ỹataqta imauec da nañanoto da natameetracot na nqolacpi, qataq imato'ot da lmeenaxanaxac nam ỹo'ot na lasouaxashetpi. ¿Qaq peta'a sa'aqta'alo naamaye da Aỹem inat?

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Oseas 5:5

Qaq de'era na'amqaanaxac na Israel, nachera qome da maiche que'emaxam namayepi, qaq na Efraín qalaq maiche pogolaxaisop qome na qauem maye ỹo'ottac namayepi, qaq na Judá le'ecpi nache l-llañe' namayepi qom huañi.