Oseas 4:3 - La'aqtaqa Ñim Lo'onatac 'Enauacna 2013

³ Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Toba del Oeste

³ Qo'oche' yema jena'me aleua laje'pi male noye'tape, nataq'aen ja quete' naa'me lai'li. Qama'le yele'u jo' qomle joga'me yejidipi choqoga'me mayodipi; chayovida'a jena'me niyaqapi qayaua qomle.

Oseas 4:3 Referans Kwoze

Sofonías 1:3

Selaxachigui qome na shiỹaxauapi, qataq na shiguiỹacpi, selaxachigui na maỹopi, qataq na nỹaqpi, qataq so'otec da nqalaatapigui' nam qauemaicpi, qataq imeuo ñaqa'en na shiỹaxauapi ana 'alhua.» Qaq 'era da la'aqtac Ñim Nataxala'.

Nahúm 1:4

Qaq da ỹarenapega aso auaxai nache asomaye deqaxaỹañi, qataq deqaqa naqa'en 'enauac na talapi. Qaq na no'onaxapi ye Basán qataq añi qasoxonaxa Carmelo qalaq deqaqa, qataq deqaqa ana lauoxopi maye hualec na no'onaxapi ye Líbano.

Amós 5:16

Qaq ỹoqo'oye da la'aqtac Ñim Nataxala', maye Lo'onatac 'Enauacna, maye Qaica ca Ỹaqalanapec, 'eeta': «Ỹataqta 'enauac qome na naponqa'pi da huo'o da noinaxac, qataq 'enauac na nqa'aicpi da qaỹa'aqtega da na'alaxac souaxat da qui'ic, qataq nam danaxaateguelec na 'alhuapi qaiỹaxanegue da yaqto' nỹen, qataq nam noinaxaicpi da yaqto' nỹen.

Ezequiel 38:20

Qaq na nỹaqpi aso auaxai, qataq na maỹopi piguem le'ecpi, qataq na shiguiỹacpi maye huauec, qataq nam ỹotta'a't hualectapigui', qataq 'enauac na shiỹaxauapi ana 'alhua, iviloxol qom aỹem datato'ot. Qaq ana qasoxonaxapi qalaq qalagoxoñi qome, ana lcomaraxalatepi qalaq dacagueñi qome, qataq 'enauac na mpaqtaxanaxatpi hua'axauec qome.

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Jeremías 4:25

Semeenaxanapiguiñi, nache qaica da huo'otaq 'oonolec ca sela'a ỹale, qataq 'enauac na maỹopi mashe datauec.

Amós 8:8

Qaq ¿peta'a saishet qome da cholaxan ana 'alhua souaxat de'era? Qataq ¿peta'a saishet da nỹen qome na shiỹaxauapi maye netalec anamaye? Qom nquiguisheguem qataq nquiguiñi ana 'alhua, 'eeta'am na 'etaxat so tala Nilo.

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Isaías 33:9

Ana 'alhua huasootac qataq daquicotac, ye Líbano qalaq huo'o da lcoxo nache deqaqa, qaq ye ca'amegue ye Sarón qalaq 'eeta'am ca toolec 'alhua, ye Basán qataq añi qasoxonaxa Carmelo qalaq deqat da lyac na huetalec.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 23:10

Ne'ena 'alhua ỹataqta nlaqchigui na quisheguetaxaicpi, na shiỹaxauapi maye nqalgoqtague' da ỹo'ottac na qauem, qataq do'ogoxona da la'añaxac da ỹo'ot da sa nalogoñi lataxac. Qaq ỹoqo'oye Ñim Nataxala' ỹasaxalec da qauem la'aqtac ne'ena 'alhua, nache ne'ena 'alhua deqaqa, qataq ỹavic na 'auaqpi maye huetauga na toolec 'alhua.

Joel 1:18

¡Qaq na qana'atetpi qalaq ỹa'alaqtagui! Qataq choche tata'acra' da nmittaique ca 'auaqpi, qaq ana qaguetapi qalaq mashe ileetac.

Zacarías 5:4

Qaq Ñim Nataxala' maye Qaica ca Ỹaqalanapec da la'aqtac, 'eeta': ‹Aỹem ñamaq ne'ena qauem da yaqto' taigui ca lma' ca cachaxaic, qataq ca lma' cam ỹan ca la'aqtac da datenataxangui da ỹe'enaxat. Qaq de'era qauem nache hueta'a qome ca lma' camaye nache ilaxachigui, cañe' naqa'en na l-llecnaxanaxatpi qataq na coma'pi.›»

Jeremías 9:9

¿Qaq peta'a saishet da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.