Oseas 4:2 - La'aqtaqa Ñim Lo'onatac 'Enauacna 2013

² Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Toba del Oeste

² Yema da'me ami auoqovinaĝañi nale, yataqata ja eja joga'me anenaĝachiyegue. Nataq'aen 'uo da'me adalataĝanaĝaqui choqoda'me adecachaĝaqui, chayovida'a da'me auoqoviñi' naa'me adouadi'. Yemeda naa'me noloqo'ote 'uo da'me adaqaleuaqai.

Oseas 4:2 Referans Kwoze

Oseas 6:9

Qaq so nqa'aic maye taỹa'a ye Siquén, qalaq hueta'a na ntaxaỹaxanaxanecpi maye 'eeta'am nam cachaxaicpi da nauaata'aguet na shiỹaxauapi, qaq huaña da decache qataq da dalaataxan.

1 Ts 2:15

Ne'ena judiopi nachena na ỹalauat co'ollaxa So Qarataxala' Jesús, 'eeta'am so hua'au lta'alpi co'ollaq ỹalauat so lalamaxat la'aqtaxanaxanecpi Ñim Lo'onatac 'Enauacna. Qataq nachena na qomi' ỹamaqrauec co'olloxocheye. Namayepi ỹataqta sa ỹaỹamaxaren nam 'eetapeguecpi Ñim Lo'onatac 'Enauacna, nachaqrata da ỹataqta dataỹa'aguet Ñimaye.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Oseas 7:1

Qaq co'ollaq ñatareetac na Israel le'ecpi, nache yo'oq da lle'etaxaloxo na Efraín, qataq nam lasouaxashetpi nam Samaria le'ecpi, cha'aye namayepi ỹo'ottac da natenataxanaxac, nache na'aictaxa da yo'oxoñi qalaq inoxotaua'a na nỹecpi, qataq decachiỹot nam quetague' na nqa'aicpi.

Jeremías 6:7

Ye Jerusalén qalaq mpa'axaatasheguem na qauem, 'eeta'am aca nshere da mpa'axaatasheguem na 'etaxat. Qaica ca lỹa qaỹa'axaỹa, nacherata da loquiaxac qataq da qaica ca qairen, qaica ca lỹa sela'a da huetalec yemaye nacherata da nque'emaxa qataq da qui'ic.

Apocalipsis 17:6

Qaq can ime, nache aỹem ñanoma da asa'aso 'alo nỹomgui se'eso lataxa, nache asomaye taxai. Qaq se'eso lataxa naigui na ltago'q som lalamaxatpi Ñim Lo'onatac 'Enauacna qataq som qaỹalauatpi, souaxat da saishet da ỹaxanec da lpi'iỹaxac So Jesús. Qaq se'eso ỹauanaqchec ỹataqta ỹo'ot da ỹa'aalaxa.

Hechos 7:52

Cha'aye ¿chaq negue'to' cam la'aqtaxanaxanec Ñim Lo'onatac 'Enauacna da huo'otaq sa iuaxan som hua'au qarta'ailpi? Cha'aye somayepi nache ỹalauat co'ollaxa som hua'auchiguiñi da ỹa'axatta'aguet da lviraxac som ỹale maye no'on da lataxac. Qaq somaye co'ollaq nvi', nache qami' qauacoñiiua'a, nache qaualauache.

Mateo 23:35

Qaq ỹoqo'oye qami' qome qarasouaxashechi da nalaataguec 'enauac nam no'on da lataxac maye huetalec ana 'alhua, chegoqchiguiña da l-leuaxa so Abel, choche ivitta'a da l-leuaxa so la'aqtaxanaxanec Ñim Lo'onatac 'Enauacna le'enaxat Zacarías som llalec so Berequías. Se'eso na'aqtaxanaxanec qaualauache co'ollaq vichiguinguilo na laiñi ye netaña añi no'onaxanaxaqui late'erai qataq añi nca'atoxonaxalate.

Zacarías 7:9

«'Era da samaxasoxoolec, 'eeta': Qami' da huo'o ca qanmiche qarỹai, qalaq iuen da qauo'ogoxoñiỹa dam nalochiguiñi lataxac, qataq da nauotaxanaqtaic qataq nchoxonnataxanaxa.

Zacarías 5:3

Qaq huaña nache so namaxashec aỹem da'aqtaxanem, 'eeta': «Asa'aso nere nache nanettalec, nam qauem maye talec qome 'enauac ne'ena 'alhua. Qaq som nanettalec asomaye, 'eeta': Cam decache, huo'otaq ca datenataxan da ỹan ca la'aqtac, camaye talec ca nhuaxanaguec.

Sofonías 3:1

¡Choxoraxaso' 'am Jerusalén, huaqta'a't nỹecpi maye saỹalaq, ỹataqta 'am nshepaxan qataq huetaiya' 'anqa'en na 'araỹepi!

Miqueas 6:10

Naua lma'ate na yeloxoicpi qalaq nlaqchiguilo da nsallaxa maye chegaqaigui da lcachaxac, qataq anam naloqnaxanaqte maye saq 'en maye ỹataqta seqaiga.

Miqueas 3:9

Qaq nagui, ñaq qana'axaỹaxañiỹa de'era na'aqtac, qami' lta'alpi qataq lataxala'pi na Israel le'ecpi, qami' maye qauqaiquiỹa da nalochiguiñi lataxac, qataq qauashaxañeeuec da no'on lataxac,

Miqueas 3:2

Qalaxaye qami' qanquiỹai da no'on, nache nda'a't da qanqopichiỹa da qauem, qataq qancolaxacheetauec na lapat na ỹalamaxat nhuo' le'ecpi, nache qui'itta'aguelo qanqa'eñi naua lpi'ineqa.

Oseas 12:14

Qalaxaye na shiỹaxauapi ye Efraín, inogoqchet Ñim Nataxala'. Qaq ỹoqo'oye Ñimaye ỹauo'o qome ca nhuaxanaguec namayepi, souaxat da lalaataxanaxac, nache namayepi maiche talec qome nam qauem maye ỹo'otpi.

Oseas 10:4

Cha'aye namayepi nacherata da ltaxaỹaxac ỹaỹaten, qataq ỹan na saq 'en la'aqtacpi da ỹo'ot da naỹamaxataxac, qaq dam 'eetega no'on lo'onataxanaxac, qalaq 'eeta'am ana huoue deshenataxan maye ñaxattalec na no'onaxa.»

Oseas 7:3

Qaq nam qauem maye ỹo'ottac namayepi qalaq machiguiñi naqa'en ñi nta'a, qataq nam latenataxanaxacpi machiguiñi naqa'en nam nataxala'pi.

Oseas 5:2

qataq qoñeeta'am aca nshere maye qaỹoqchiguingui co'ollaq huaña ye ca'amegue ye Sitín. Ỹoqo'oye sauo'o qome ca qanhuaxanaguiiqui.

Lamentaciones 4:13

Qaq 'eetec de'era souaxat nam lasouaxashetpi so na'aqtaxanaxanecpi, qataq nam qauem maye ỹo'otpi so ntaxaỹaxanaxanecpi, cha'aye icolde'c naua ltago'q nam no'on da lataxac huangui naqa'en na laiñi ye huaqta'a't nỹecpi.

Isaías 48:1

Ña qana'axaỹaxañiỹa de'era qami' maye qami' llalaqpi so Jacob, maye qauacheetac da le'enaxat so Israel qataq qauachegoqoiguet so Judá, qami' maye qaỹa'añim naxa da qara'aqtaqui Ñim Nataxala' qataq qanatamñiitacot Ñim Natamnaxala' so Israel, na'aictaxa da saishet da ỹataqta qami' 'eesora qataq saishet da no'on da qarataxaqui,

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

Génesis 4:8

Qaq huo'o so na'a'q, nache so Caín icoyeguen so lqaỹa Abel da yaqto' tareuga so no'onaxa. Qaq co'ollaq mashe huetrauga so no'onaxa, nache so Caín iloquiaxan so lqaỹa Abel, nache ỹalauat.

Deuteronómio 5:11

Ỹoqo'oye saishet da qaua'ashaxañiỹai' da le'enaxat Ñim Nataxala' maye Qanatamnaxala'ai, cha'aye saishet da saqca ca nhuaxanaguec naqa'en ca ỹa'ashaxanai' da le'enaxat Ñimaye.

Deuteronómio 5:18

Saishet da 'arauañi' aca sa 'arhua.

Deuteronómio 5:19

Saishet da 'aucache.

Jeremías 51:5

qaq na'aictaxa da na Israel le'ecpi qataq na Judá le'ecpi nlaqaalec naqa'en na na'alhua na lasouaxashetpi, qalaxaye Aỹem Nataxala' maye Qaica ca Seqalanapec maye Qui'itta Natamnaxala' na Israel le'ecpi, saxanaxa da salat namayepi.

Ezequiel 7:23

Ñaq 'auqataxanai' qome ca ncoñetaxanaxat lcat, cha'aye ne'ena 'alhua qalota qome na qaỹalauat, qataq ne'ena huaqta'a't nỹecpi nlaxagui qome na shiỹaxauapi maye qaica ca iren.

Oseas 6:8

Qaq nam netaiguipi ye huaqta'a't nỹecpi ye Galaad qalaq nda'a't na qauemaicpi, qataq 'enauac nam lapiaqa'pi no'onaña na ntago'q.

Oseas 7:4

'Enauac namayepi da sa ỹalemaq, 'eeta'am ana qatelaxanaxaqui da mashe ỹaguec na le'eraxa, nache sa iuen da queta da qaỹalootaigui, da qaiuatta'a da nashiiyesheguem ca ndaqñiguishec 'ayiiña.

Oseas 10:13

Qalaxaye qami' qaỹa'añiiñi da qauem, nache qami' taleguete da sa ỹaỹamaxañi lataxac, qataq qolliquiitac na chegaqaigui da natenataxanaxac. Qaq cha'aye qaupi'iitega anam naigonapi maye alaataxaquipi, qataq nam qalota alleppi alaataxaicpi,

Oseas 11:12

Na Efraín qalaq aỹem coleesop naqa'en na latenataxanaxacpi, qaq na Israel le'ecpi qalaq aỹem coleesop naqa'en nam saq 'enpi. Qaq na Judá, qalaq ca'ai Ñim Lo'onatac 'Enauacna, qaq nagui ỹataqta ỹalaxaguet nam ỹaqa'a atamnaxala'pi.