Oseas 4:12 - La'aqtaqa Ñim Lo'onatac 'Enauacna 2013

¹² Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Toba del Oeste

¹² Jogaa'me yalaqapi yena't nale jogaa'me qop'iyapegalo jo'ne ch'e e'epa; nataq'aen ga'me epaĝa lae, etedapega yayaten joga'me 'noota. Da'me lamaic ga'me lequejeguetaĝa'j yataqachiñe yamaqa'tape jogaa'me, qama'le ch'e uenatetedapega da'me jayem queda'e, quetedapegue' da'me nejiyaĝauayaĝa'j lamaic.

Oseas 4:12 Referans Kwoze

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.

Jeremías 2:27

Cha'aye naxa da detaxaỹot na 'epaq laỹe nache, 'eeta': ‹'Am maye 'am ita'a›, qataq naxa da detaxaỹot na coma' nache, 'eeta': ‹'Am maye 'am ỹate'e.› Qaq Aỹem qalaq aỹem iro'oguet naxa na l-laq, nache saishet da aỹem ỹamato'ot. Qalaxaye naxa da chochaq cara'acolec da huaigui da lchec, nache aỹem detaxaỹot, 'eeta': ‹¡Ña 'auanac da qomi' 'anca'alaxatrec!›

Habacuc 2:19

¡Qaq choxoraxaso' 'am Babilonia maye qonetega naxa ca ne'enaqtac 'epaq da nlouec, qataq ca coma' maye qaicaua caua la'aqtaqa da nachaañi! ¿Peta'a isheto' da dapaxaguenataxa'n caamaye? Cha'aye na'aictaxa da qalapaxalec ca oro qataq ca plata, qalaxaye caamaye qaica cam lca'alaqa'.»

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Números 15:39

Yaqto' namayepi da ilota'a anamayepi, nache iuennata'a 'enauac na ỹamaxasoxonaxacpi maye samaxalec da ỹo'ot. Nache saishet da ỹo'ot ca maiche lquiyaqteỹaxac, huo'otaq da quetague' da maiche lmeenaxanaxac, maye ỹo'ot da nquisheshigui da la'amqaanataxanaxac.

Miqueas 2:11

Qaq da huo'o ca choche datenataxaatac, da 'eeta': «Aỹem sa'axatta'aguet nam ỹataqta no'on lataxapi». Qaq nacheca ca ỹataqta 'eesa naqa'en da na'aqtaxanaxanec ne'ena nhuo' le'ecpi.

Oseas 9:1

Qaq 'am Israel, saishet da 'auamachiguiñi, saishet da 'auparenaxaatai' da 'antonaxac da 'eeta'am na laỹepi shiỹaxauapi, cha'aye 'anquishishigui da 'ara'amqaanataxanaxac, souaxat da qoca'ai Ñim 'Anatamnaxala'. Cha'aye 'anqopita da 'auaconeguet da nsheetenaguec da 'anquishishaxac, da huaña ye nchegoxosoxonqa' ana ala na nañiguishec.

Ezequiel 21:21

Qaq ñi nta'a ye Babilonia qom ivita ye chegoqchiguiñalo se'esoua dos nqa'aico, nache vi'iiguet qome, nache nnate' nam ilaviigui ca lỹa, qataq ichegoq ana lchecnapi, qataq nnate' nam lqolacpi, qataq imeten na l-lamec na shiguiỹacpi.

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

2 Crónicas 21:13

maye nacherata da qoquetelec da lataxac so nta'alpi ye Israel, qaq nache 'auasouaxat da na lma' ye Jerusalén qataq na lma' ye Judá, da saỹalaxaguet Ñim Nataxala', nache 'eeta'am so llalaqpi so Ajab. Qataq nataqa'en 'aualauat so 'arqaỹañecpi, som no'on da lataxac maye saishet da 'am 'eeta'am.

Levítico 20:5

nache Aỹem maiche sataỹa'aguet camaye qataq ca llalaqpi, nache imeuo ñaqa'en, qataq lỹaueegue' 'enauac ca natameetacot ca atamnaxala' Moloc.

Levítico 17:7

Huaña, nache saishet da ỹe'eguelaxalec na Israel le'ecpi da ỹanot ca lachetaqtaxanaxat ca ỹaqa'a atamnaxala' maye ne'enaqtac, 'eeta'am na quetaq da lataxac, souaxat da ỹo'ottac da nquisheshaxac. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta.

Salmos 106:39

Nache somayepi maiche na'aqchet ne'ena ỹo'otpi, qataq nquisheshigui nam ỹo'otpi.

Oseas 14:3

Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Jueces 18:5

Nache soomaye 'enapegalo somaye, 'eeta': Ña 'aunat qome Ñim Lo'onatac 'Enauacna, cha'aye sauoqtaique da saỹatenaq da 'onaxaic da qoyecỹaxac.

2 Reyes 17:7

Qaq de'era, qanayeuaigui co'ollaxa souaxato' da so Israel le'ecpi, huo'o da npe'enaxac da dataỹa'aguet Ñim Nataxala' maye Natamnaxala', maye nqateeguesop co'ollaxa ye Egipto, qataq da la'añaxac so faraón, maye nta'a ye Egipto, cha'aye somayepi natamnot so ỹaqa'a atamnaxala'pi,

Jeremías 23:13

«Aỹem sauaachigui na na'aqtaxanaxanecpi ye Samaria da ỹo'ottac nam ỹataqta aỹem inogoqchet, namayepi ỹa'axatteguec da le'enaxat ñi Baal, qataq ỹo'ot da nam ỹalamaxat nhuo' Israel le'ecpi isomapec.

Ezequiel 20:32

Cha'aye mashe taigui ye qarhuennataqai, da qauauoitaique da qoñeeta'am na laỹepi ỹotta'a't shiỹaxauapi ana 'alhua, maye ỹo'oxoreetac na 'epaq qataq na coma', qalaxaye saishet qome da 'eetec de'era.

Oseas 6:10

Qaq huaña ne'ena na'alhua na Israel da sauaachigui nam ỹataqta qauem, qataq na Efraín da nquisheshe, nache na'aqchet na Israel le'ecpi.