Oseas 4:11 - La'aqtaqa Ñim Lo'onatac 'Enauacna 2013

¹¹ De'era quisheguetaxac qataq na lataxa, ỹo'ot da deqat da no'on nataxac.

Toba del Oeste

¹¹ Yitaĝa enaac ñe'me Jaliaĝanec: «Jena'me yalaqapi ch'e quetapegue'to naa'me quejeguetaĝael, nataq'aen da'me niyomidigui nale ga'me lataĝa, qama'le ena'am ta'le yejoma'ape daa'me lelnataĝaco.

Oseas 4:11 Referans Kwoze

Proverbios 20:1

Na lataxa ỹo'ot da sancherapec ca ỹale, qataq na no'on lataxa ỹo'ot da cotaxac, qaq ca itaqchet namaye qalaq saishet da ỹaỹateetegue ca ỹo'ot.

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Isaías 28:7

Qalaxaye nataqa'en huo'o na laỹepi maye ỹe'egottapigui' souaxat da nỹomaxac na lataxa, qataq pogolaxaateguiñi souaxat na ỹataqta chem lataxa, na ntaxaỹaxanaxanecpi qataq na na'aqtaxanaxanecpi qalaq ỹe'egottapigui' souaxat na ỹataqta chem lataxa, qaica ca laỹaanataxanaxac souaxat na lataxa, qataq pogolaxaateguiñi souaxat na ỹataqta chem lataxa, qataq ỹe'egottapigui' da huo'o na l-loxocpi, qataq taxaicpi da huo'o ye nmit nasouaxashet.

Oseas 4:12

Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Isaías 5:12

Nam la'ashaxacpi qalaq nda'a't ana nviquepi arpapi, salteriopi, qataquipi, qataq ana nasheerepi qataq na lataxa, qalaxaye saishet da ila'a nam ỹo'otpi Ñim Nataxala', qataq saishet da iuennata'a nam lo'onatacpi Ñimaye.

Eclesiastés 7:7

Dam sancherapec nataxac na'axat cam ỹaanaxanaxaic, qataq da qaiỹaxaata'a da qaisheeten da huo'o ca qaỹo'ot damaye na'axat da nataxac.

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.

Levítico 10:9

«'Am qataq naua 'aỹa'alqa, da ivita da qaunoxoñiiua'a ñi npe'l, nache saishet da hua'auñi da qanỹomiigui na lataxa huo'otaq ca lỹa maye ishet da qantaxac, ten qom qaullivi. Qaq 'era qome da nache 'eetai' lataxac da qoyecỹaxaqui qataq cam qami' chegoxogueta,

1 Samuel 25:36

Nache aso Abigaíl co'ollaq ỹe'eguelaq, nache natenalec so Nabal hueta'a so lma' ỹo'ottac so ỹataqta 'onaxaic lquia'axac maye 'eeta'am da lquia'axac ca nta'a. Qaq somaye ỹataqta machiguiñi qataq mashe taxaic, qaq ỹoqo'oye asomaye saishet da da'aqtaxanem nacherata da iuata'aguet so lỹa na'a'q.

Proverbios 31:4

Qataq da lỹa, 'am Lemuel, sa ỹaỹamaxañi da na nta'alpi qataq na nataxala'pi da nỹomtapigui na lataxa qataq na ỹactec da lchemaxa namaye,

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Jeremías 23:13

«Aỹem sauaachigui na na'aqtaxanaxanecpi ye Samaria da ỹo'ottac nam ỹataqta aỹem inogoqchet, namayepi ỹa'axatteguec da le'enaxat ñi Baal, qataq ỹo'ot da nam ỹalamaxat nhuo' Israel le'ecpi isomapec.

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.