Oseas 4:10 - La'aqtaqa Ñim Lo'onatac 'Enauacna 2013

¹⁰ Qaq na'aictaxa qome da sa qoue da lquia'axac qalaxaye saishet da icoma', qataq da ỹapacauec da lquisheguetaxac, qalaxaye qaica qome ca llalec, souaxat da ca'ai Ñim Nataxala'.

Toba del Oeste

¹⁰ Te'me jalcote da'me liqui'yaĝa'j nale, qalaĝaja ja yono't; te'me jalcote da'me lequejeguetaĝa'j, qalaĝaja qaya'te lec'oqo'te qomle, yajouaĝat da'me joote jayem queda'e.»

Oseas 4:10 Referans Kwoze

Miqueas 6:14

Qataq 'auque'etac qome qalaxaye saishet da 'aucoma', nacherata da queta da 'anque'etaxaatapigui na 'arqouaxa, nam 'arapoñiguishecpi qome qalaq pasa'a da imeuo, qaq da huo'o ca no'onañi nache serolec ca alaataxac da qailaxachigui.

Levítico 26:26

Qaq da ivita da selaxachigui ca qaraỹamaqtaqui nallec, huaña nache caua diez 'alo, da ỹauot aca qanqoi nauolepi, nache dauoxonoigui aca 'oonole qatelaxanaxaqui, souaxat da saq 'amaqtaq ca nallec. Qataq da qanallec, nache ỹataqta qalcoreeta, huaña nache saishet da ỹataqta qami' comaraxaiqa.

Hageo 1:6

Qami' ỹataqta qalota qome ca qa'añiguishequi, qalaxaye saq 'amaqtaq cam ala maye qanqachi; qataq qauqui'iitac, qalaxaye saishet da qami' comaraxaiqa; qanỹomiitac, qalaxaye ñaq 'eetalec da huo'o na qaraquipi; qaỹa'añiiñi na sansatta nogoxot, qalaq saishet da qami' napaqre'c, qataq ca do'onataxaatac qalaq qaica ca naigui aca lasheue da lo'onataxanaxac.

Sofonías 1:6

Nataqa'en selaxachigui qome nam Aỹem ca'ai, qataq nam saishet da Aỹem nmitaique da Aỹem inat.»

Oseas 4:14

Qalaxaye Aỹem saishet qome da sauo'o ca nhuaxanaguec ana llalepi souaxat da lquisheguetaxac, qataq ana latelpi souaxat da lauatapiguiñi' nam sa lhuapi, cha'aye maichena namayepi da nquishestague' ana quisheguetaxaipi qataq da ỹo'ot ana lachetaqtaxanaqtepi, nache nquisheshigui da la'amqaanataxanaxac. Qaq 'era da 'eetec na nhuo' le'ecpi, da taỹañecra souaxat da qaica ca laỹaanataxanaxac.

Ezequiel 18:24

Qalaxaye cam no'on da lataxac da ỹaxaañi ca no'on maye ỹo'ottac, nache ỹo'ot 'enauac nam qauempi, qataq nam qaiqaiga maye ỹo'ottac cam qauemaic, nache ¿qaupicheetega peta'a da queta da nca'altauec? Aỹem saishet qome da she'eguelaxa da seuennatega 'enauac nam no'on maye ỹo'otpi co'ollaxa: qaq camaye ileu qome souaxat da saỹalaq, qataq souaxat nam lasouaxashetpi.

Proverbios 13:25

Ca no'on da lataxac qalaq ỹataqta comaraxaic da deque'e, qaq ca qauemaic qalaq nda'a't na lqouaxa.

Salmos 125:5

Qalaxaye nam quetague' so qauem nqa'aic, ñaq 'auasaxauec qome 'Am Nataxala', caueegue' 'anqa'en nam qauemaicpi. ¡Ñaq huo'o qome da nlagaxayec na Israel!

Salmos 36:3

Qataq ỹataqta qauema naua la'aqtaqa qataq shepecaic, cha'aye deqat so no'on ntoonaxac, qataq ỹaxaañi da ỹo'ot da ỹaỹamaqchiguiñi.

2 Crónicas 24:17

Qaq co'ollaq ime da l-leuaxa so Joyadá, nache so nataxala'pi ye Judá anac da ỹo'oxoren so nta'a. Nache se'eso nta'a ỹalaxaguet na lqataxacpi somayepi.

Jeremías 34:15

Qaq nagui qalaq qami' qanaralaxache da qarataxaqui nache qauo'oche dam aỹem saỹamaxareeta, da qa'axañeeuec na maiche qarhuo'oi le'ecpi maye qarlataqui. Qataq qauauo'oi so qanaỹamaxataxaqui, maye sauaachigui qanqa'eñi huaña añi atamnaxaqui maye ỹalamaqte.

Ezequiel 22:9

Qaq souaxat na latenataxanaxacpi namayepi, nache nam 'am hueta'api, huo'o na ỹasouaxateguet da ileu ñi lỹa, qataq huo'o na ỹalectaua'a na nquia'axacpi maye huaña ana lcomaraxalatepi da qaỹo'oxoren na nqolacpi, qataq ỹo'ot na lataxacpi maye qaiqaiga.

Oseas 7:4

'Enauac namayepi da sa ỹalemaq, 'eeta'am ana qatelaxanaxaqui da mashe ỹaguec na le'eraxa, nache sa iuen da queta da qaỹalootaigui, da qaiuatta'a da nashiiyesheguem ca ndaqñiguishec 'ayiiña.

Jeremías 9:12

Qaq ¿negue't cam huo'o ca laỹaanec da yaqto' ỹaỹaten de'era? Qataq ¿negue't ca ỹauattonaxanaxanec co'ollaxa de'era Ñim Nataxala', da yaqto' camaye ishet da ỹa'axatem na laỹepi? ¿Ta'ainco' da nlachiguiñi ne'ena 'alhua, qataq deqaqta 'eeta'am ca toolec 'alhua, nache qaica ca ishet da quetalec?