Oseas 4:1 - La'aqtaqa Ñim Lo'onatac 'Enauacna 2013

¹ Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Toba del Oeste

¹ Ami Israel lec'oqo'tepi, anaquiaĝañiya joñe'me Jaliaĝanec, jenjo' jena'me 'laqatac jo'ne ami yanema. 'Uo da'me ami yepoleguelo'te, ami aleua laje'pi, yajouaĝat da'me ami ja ami ejoda, ja avichoĝodeñi gaa'me adaqayadi' nataq'aen qaya'te uenate'ta joñe'me Jaliaĝanec ta'le en Nedios.

Oseas 4:1 Referans Kwoze

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Miqueas 6:2

Qami' qasoxonaxapi qataq qami' maye qami' no'oxootaleguete ana 'alhua, ñaq qana'axaỹaxañiỹa da ncotaxac Ñim Nataxala', cha'aye Ñimaye taỹa'a da nmit na lalamaxat nhuo' le'ecpi, qataq ncotaỹapegue' qome na Israel le'ecpi.

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Oseas 12:2

Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.

Jeremías 25:31

Da l-llimiaxa da lavilỹaxac, qalaq ivira'alo naua loga'te ana 'alhua, cha'aye Ñim Nataxala' lapaxañi qome ca ltaxaỹaxac da dataỹa'aguet na ỹotta'a't shiỹaxauapi, nache iỹaxaneuga qome da nmit 'enauac na shiỹaxauapi, da yaqto' ỹaneguet da l-leuaxa nam qauemaicpi. Qaq 'era da la'aqtac Ñim Nataxala'.›»

Jeremías 5:4

Qaq aỹem seuennataxan, nache sheeta': 'Era da 'eetec na shiỹaxauapi da qaica ca ỹaỹaana'a, cha'aye saỹaỹaten cam 'eetapeguec Ñim Nataxala', qataq cam damaxasoxoolec Ñim Natamnaxala'.

Isaías 34:1

Ña qanquiquiiuo qami' ỹotta'a't shiỹaxauapi nache qana'axaỹaxañi, qataq qami' nhuo' le'ecpi ỹataqta qana'axaỹaxañiichiguiñi qome. Ña na'axaỹaxan qome ana 'alhua qataq na huetalecpi anamaye, anam 'alhua qataq 'enauac nam ñaxattalecpi anamaye.

Isaías 1:18

¡Ñim Nataxala', 'eeta': «Ña qauanaqui da ñecotaỹaqapigui de'era lataxac, na'aictoxo' da ỹataqta togaxaraic na qarasouaxashichi, qalaxaye Aỹem so'ot qome da ỹataqta ỹapagaq 'eeta'am aca aloñi, na'aictoxo' da 'eeta'am ca ỹataqta togaxaraic nqo'oilliguishec hualoxolaỹi, qalaxaye Aỹem so'ot qome da ỹataqta ỹapagaq 'eeta'am ca qagueta laue.

Apocalipsis 2:29

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.›»

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Juan 8:55

Qalaxaye qami' saishet da qauauattoñi Ñimaye; Aỹem, qalaxaye sauatton qataq salaxaguet. Cha'aye da Aỹem shenapec da sa sauatton, nache Aỹem choche satenataxaatac, sheeta'ama qami'.

Amós 7:16

Qaq ỹoqo'oye nagui 'ana'axaỹaxana da la'aqtac Ñim Nataxala', cha'aye 'am qonapec: ‹Saishet da 'aua'axata'a ca qauem da talec na Israel le'ecpi, qataq da 'auataỹa'aguet na chegoxoguetpi so Isaac.›

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Jeremías 34:4

Qalaxaye na'aictaxa de'era 'am Sedequías maye 'am nta'a na Judá, ñaq 'ana'axaỹaxana da ỹa'aqtac, Aỹem Nataxala' 'am saxatem da saishet da 'am qairolec qome ca ỹeelonec da 'am qaỹalauat.

Jeremías 19:3

Nache qoneta': ‹Qami' nta'alpi na Judá, qataq qami' maye qoviita'a na Jerusalén, qana'axaỹaxañiỹa de'era la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Aỹem ñamaxa qome ca ỹataqta lta'araic lchec ne'ena nma', qaq 'enauac qome cam hua'axaỹa da qaỹa'axat camaye, nache dauaxanguilo naua ltela lauaco.

Jeremías 9:20

Qami' 'alpi, ñaq qana'axaỹaxañiỹa da la'aqtac Ñim Nataxala', ñaq qana'axaỹaxañiichigui da la'aqtaxanaxac Ñimaye. Ñaq qauapaxaguiñic da nnoinaxac ana qaỹa'alepi qataq ana nauochaxauapi ỹapaxaguenec da laquicoxo, 'eeta':

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Jeremías 6:13

Qaq 'enauac na ỹepi qataq nam ñaqpiolec, nacherata da iuennatega da lcachaxac da chegaqaigui da lauegaxanaxac, na na'aqtaxanaxanecpi qataq na ntaxaỹaxanaxanecpi qalaq 'enauac da decachetac.

Jeremías 4:28

Ana 'alhua nlaxagui qome da naquicoxo, na piguem qalaq ỹapolec qome na napalaxa. Mashe san da ỹa'aqtac qaq saishet qome da ñaralaxat, damaye mashe iuennataxac qaq saishet qome da huo'o da ñetogotaxac.

Jeremías 2:4

Ñaq qana'axaỹaxañiỹa da la'aqtac Ñim Nataxala', qami' maye qauachegoqoiguet so Jacob, qataq 'enauac qami' nhuo' le'ecpi maye qauachegoqoiguet so Israel.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Isaías 34:8

Cha'aye que'eca na'a'q huetoigui qome da Ñim Nataxala' ipalaique lvi', cam vi'i maye huaigui da ỹe'eguelaxateguet qome nam qauempi maye qaỹo'otec co'ollaxa ye Sión.

Isaías 28:14

Qaq qami' ỹalleppi maye qaica ca qaureñi, maye qauloitague' na nhuo' le'ecpi na Jerusalén, ña qana'axaỹaxañiỹa da la'aqtac Ñim Nataxala'.

Isaías 5:3

Qaq nagui, qami' maye qarmaye na Jerusalén, qataq qami' ỹalleppi maye qarmaye na Judá, ña qaua'axache nagui ¿negue't ca huo'o ca lasouaxashet? Nam ỹanaxanaqa' qalqo' aỹem.

Isaías 1:10

Qami' nataxala'pi ye Sodoma ña qana'axaỹaxañiỹa da la'aqtac Ñim Nataxala', qami' nhuo' le'ecpi maye qarmaye ye Gomorra ñaq qana'axaỹaxañiichigui da qami' ỹapaxagueneque Ñim Qanatamnaxala'.

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Isaías 59:4

Qaica ca ỹa'axateuo cam 'eesa, qataq qaica ca no'on da lataxac nam nmit na nasouaxashetpi, nda'a't da pe'etega da natenataxanaxac qataq naua na'aqtaqa maye saq 'eesora, namayepi nlaqchigui na qauem, qataq deco'oic da nalaataxanaxac.

Isaías 59:8

Namayepi saỹauatton so nqa'aic maye huo'o da nlagaxayec, nam ỹo'ottacpi qalaq qaica ca ỹaỹamaqchiguiñi. Naua nqa'aico maye quetagueto qalaq namaxaguilo, qaq cam quetague' namayepi qalaq saishet da ỹanata ca nlagaxayec.

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Jeremías 51:5

qaq na'aictaxa da na Israel le'ecpi qataq na Judá le'ecpi nlaqaalec naqa'en na na'alhua na lasouaxashetpi, qalaxaye Aỹem Nataxala' maye Qaica ca Seqalanapec maye Qui'itta Natamnaxala' na Israel le'ecpi, saxanaxa da salat namayepi.

Joel 1:2

Qami' nqueroxonecpi, ña qana'axaỹaxañiỹa de'era, qataq 'enauac qami' maye qoñiitalec ne'ena 'alhua. ¿Peta'a huo'o co'ollaxa ca na'a'q da qauauañiichigui ca 'eeta'am de'era, nam qoviitaiguilo na'axa'te huo'otaq soua na'axa'te maye huetaiguilo so hua'au qarta'ailpi?

Salmos 81:9

Saishet qome da 'auauo'o ca 'anatamnaxala' chegaqauec, qataq saishet da 'anatameetacot ca ỹaqa'a atamnaxala'.

Jeremías 2:9

Qaq ỹoqo'oye, aỹem Nataxala', qami' sataỹa'agueta qome da qami' ñimi't, qataq nam qaỹa'alquipi qataq nam qarhuallipi. Qaq 'era da ỹa'aqtac Aỹem Nataxala'.

Jeremías 9:7

Qaq ỹoqo'oye Aỹem Nataxala', maye Qaica ca Seqalanapec, shenapec: ¿Negue'to' ca lỹa lataxac da so'otec na ỹalamaxat nhuo' le'ecpi? ¡Qomye nacherata da sasaxangui ca norec da yaqto' seỹo!

Jeremías 11:7

Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.

Ezequiel 16:35

Qaq ỹoqo'oye 'ana'axaỹaxaachigui da ỹa'aqtac, 'am quisheguetaxai:

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.

Oseas 12:3

Qaq nache chegoqta'a co'ollaq ñaq taỹa'a da ñiguiñi so Jacob, nache npa'axaalec da lañoxoc so lqaỹa, qaq co'ollaq mashe ỹe somaye nache nalaqaatague' som lamaxashec Ñim Lo'onatac 'Enauacna.

Amós 3:1

Qami' Israel le'ecpi, ña qana'axaỹaxañiỹa da la'aqtac Ñim Nataxala', da 'enapega nam nhuo' le'ecpi maye nqateeguesop co'ollaxa ye Egipto, 'eeta':