Oseas 3:5 - La'aqtaqa Ñim Lo'onatac 'Enauacna 2013

⁵ Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Toba del Oeste

⁵ Qalaĝaja qom yem jena'me jenjo', qama'le yitaĝa 'viyelaĝadetot joñe'me Jaliaĝanec mach'e Nedios, nataq'aen quetede'egue qomle ga'me chiyoĝoguet di'me David. Qom yovideta gaa'me noloqo'ote jo'ne p'atedegue, qama'le yataqata yoqochideta joñe'me Jaliaĝanec, nataq'aen yec'adeta joñe'me qaedi naĝadi'ñijop jouaĝat ga'me onaĝaic jo'ne yanema.

Oseas 3:5 Referans Kwoze

Jeremías 30:9

Nache namayepi Aỹem do'onataxanot qome, Aỹem Lataxala' qataq Natamnaxala' qataq so David, som sanem qome namayepi da lta'a.

Isaías 2:2

Que'eca pa'atec na'a'q, nache añi qasoxonaxa añim netalec añi atamnaxaqui maye lalamaqte Ñim Nataxala', añimaye ỹataqta qaỹoqotcheguemec qome, napacalec aca camachaqaca lỹa qasoxonaxa. Nache 'enauac qome na ỹotta'a't shiỹaxauapi da taỹa añimaye.

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

Miqueas 4:1

Qaq que'ecaua pa'atrec na'axa'te nache añi qasoxonaxa, maye nalec añi atamnaxaqui maye lalamaqte Ñim Nataxala', añimaye nachañi añi ỹataqta qaỹoqotcheguema qome, nache napacalec ana laỹepi qasoxonaxapi. Nache 'enauac na ỹotta'a't shiỹaxauapi anatega qome añimaye.

Ezequiel 38:8

Cha'aye qom huo'oi caua inoxoorec vi'iye, nache 'am samaq da 'auloquiaxan yem 'alhua maye huetaigui co'ollaxa da nloquiaxac, qalaxaye mashe qaltaq ỹe'eguelaxa da na'ayiñi, yem nhuo' le'ecpi maye nlagaxattac co'ollaxa, nache ỹalecta'aguet na qalota ỹotta'a't shiỹaxauapi, qataq qailaxachigui co'ollaxa, qalaxaye qaltaq ỹe'eguelaxa da laỹona't da hueta'a aye qasoxonaxapi ye Israel. Yem chegoqta'a co'ollaxa na qalota 'alhuapi, qaq nagui qalaq ỹe'emaqtac.

Ezequiel 16:63

Qaq qom sapalaxat 'enauac nam 'auo'otpi, nache 'am 'auennate qome nam qauempi maye 'auo'otpi co'ollaxa, nache ỹataqta huo'o da 'ara'agaxa, qataq souaxat da qaica ca qonec, nache saishet qome da qaltaq 'avi'eguelaxa da 'autaqtac. Qaq 'era da ỹa'aqtac, Aỹem Nataxala'.»

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Amós 9:11

Qaq que'eca na'a'q, nache qaltaq ñauaxaỹaxaasheguem qome ye mashe nlaguiñi lma' so David. Nache sapogui nam lpoxoỹaxapi, qataq ño'oxoosheguem nam mashe nlaguiñi, nache se'enaxatchigui so hua'auchiguiñi lataxac co'ollaxa,

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

Oseas 5:6

Qaq namayepi lỹatac qome ana lalo qaguetapi, qataq ana huacapi da nmittaique Ñim Nataxala', qalaxaye saishet qome da ỹanata, cha'aye Ñimaye ca'ai namayepi.

Daniel 10:14

Qaq ỹoqo'oye ñanac nagui da 'am sa'aqtaxanem, dam 'eetec qome na 'arhuo' le'ecpi que'ecaua pa'atrec na'axa'te, cha'aye som 'arauanaqchec co'ollaxa, nache ỹa'axatta'alo que'ecaua na'axa'te.»

Daniel 2:28

Qalaxaye huo'o Ñim Lo'onatac 'Enauacna maye neto'ot na piguem, maye ishet da ỹachaxan cam saqcha'a, qaq Ñimaye nacheñi ñi 'am ỹaỹaanaxanaxanec cam ñaq taỹa'a da yo'oq. 'Am nta'a, aỹem 'am sa'aqtaxanen som 'archoxonaxac qataq so 'arauanaqchec co'ollaq 'auo'ocheta:

Ezequiel 38:16

nache 'auloquiaxan ye ỹalamaxat nhuo' Israel le'ecpi. 'Am Gog 'amattalec qome ye 'alhua qoneta'am ca napo. Qaq que'ecaua pa'atrec na'axa'te, nache 'am ñanacot qome da 'auloquiaxan yem hueta'a ye ña'alhua, yaqto' 'am chegoqchigui ñaqa'en da na laỹepi ỹotta'a't shiỹaxauapi ỹaỹaten qome, da sachaxana namayepi da qui'itta ỹataxac.

Jeremías 33:17

Aỹem Nataxala', shenapec: nam chegoxoguetpi so David, qaica qome ca sa nso'ongui añi nso'onaxaqui somaye,

1 Reyes 12:16

Nache se'eso nhuo' le'ecpi co'ollaq ila'a da so nta'a, saishet da ỹoqocha'a da 'eetapeguec somayepi, nache somayepi nmasheguem, da 'eeta': «¡Qomi' saishet da saqtapegueua'a na lalamaxatpi so David! ¡Qataq saishet da ñeuanaqaua'a na lalamaxatpi so llalec so Yesé! ¡Qaq qomi' Israel le'ecpi, no'ono' da ñeqo'onaxalo naua qarpele'ete! ¡Qaq som David qalaq maiche ilo'ogue na maiche lalamaxatpi!» Huaña nache so Israel le'ecpi ỹe'eguelaxalo naua lpele'ete.

Deuteronómio 4:30

Qaq qom qaviyeeguet ca qanque'eenaxaqui, qataq ca qanqui'icỹaxaqui, nache da qavi'iguelaqaiỹa da qaualaqaiguet Ñim Nataxala',

Números 24:14

Qaq nagui, aỹem she'eguelaxa ye ima', qalaxaye hua'auñi da 'am sa'aqtaxanem dam ỹo'otec qome na Israel le'ecpi nam 'arhuo' le'ecpi, que'ecaua natrauo na'axa'te.

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Jeremías 30:24

Da layeloxo Ñim Nataxala', saishet qome da vi'iiguet, choche ivitta'a da imatta da ỹo'ot nam 'eetapeguecpi. Qaq anacta cam na'a'q maye huaigui da qami' qauaỹachiñi qome de'era.

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Isaías 9:13

Qalaxaye na nhuo' le'ecpi saishet da ỹe'eguelaqot Ñim Lo'onatac 'Enauacna, maye ỹo'ot co'ollaxa da nhuaxanaguec, qataq saishet da nmitaique Ñim Nataxala' maye Qaica ca Ỹaqalanapec.

Isaías 17:7

Qaq que'eca na'a'q, cam shiỹaxaua ỹe'eguelaxa qome da ỹamato'ot Ñim Lo'onatac da nachaalataxac, Ñim Qui'itta Natamnaxala' na Israel le'ecpi.

Oseas 1:11

Huaña qome nache lapona't na Judá, qataq na Israel le'ecpi, nache namayepi 'oonolec naqa'en ca lataxala', nache 'enauac na shiỹaxauapi ñe'eguelaxa qome ye Jerusalén. Nache ỹataqta lta'araic qome da la'amaqchec ye Jezreel que'eca na'a'q.

Oseas 11:10

Qaq namayepi qome, ca'attague' qome Ñim Nataxala', qaq Ñimaye desoqo qome, 'eeta'am ca llon. Qaq qom desoqo Ñimaye, nache na lalamaxatpi iviloxol qom anac, chegoqta'ague da nala' lliguisheguem.

Isaías 60:5

Qaq 'am, qom 'aula'a namayepi nache 'am 'eroigui da 'antonaxac, añi 'arquiyaqte qalaq nlaxagui qome da ntonaxac, cha'aye 'am qanda'a qome nam no'on logoxoshetpi nam shiỹaxauapi maye netalec ana ỹaqauga 'alhuapiole aso auaxai, qataq 'am qoỹanem qome da lsallaxa nam ỹotta'a't shiỹaxauapi.

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.