Oseas 3:1 - La'aqtaqa Ñim Lo'onatac 'Enauacna 2013

¹ Ñim Nataxala' qaltaq aỹem 'enapega, 'eeta': «'Aue qojec, nache 'aỹa'anem da 'arauotaxanaqtaic aca 'alo quisheguetaxai, maye lauatapiguiñi' nam nauochaxauapi. Cha'aye 'era da 'eetec Ñim Nataxala' da ỹauotec na Israel le'ecpi, na'aictaxa da ỹe'eguelaxa da ỹa'amaqteetac na ỹaqa'a atamnaxala'pi, qataq da naman da chectac anam nqaxaỹaqta uvapi maye qoỹanot naxa namayepi.»

Toba del Oeste

¹ Yitaĝa jayem dojapegue' joñe'me Jaliaĝanec, enaac: «Oc qama'le oue'tajop qomle jana'me adoua jo'ne cheuaĝae. Qa'a 'uo joga'me naigaĝaua jo'ne en lojaĝaua, qalaĝaja yataqata adoqopita qomle jana'me: auadenaĝat da'me yataqata joqopitalo joga'me Israel lec'oqo'tepi, mate mane'e yataqata jayem yoqovitedac nale, da'me netametapecoto gaa'me qop'iyapegalo jo'ne ja ejoda nataq'aen yali'j jogaa'me nacataje jo'ne chiyoqodayi joga'me uva jala, nach'egaua jo'ne qoye'n najaqajel nale.»

Oseas 3:1 Referans Kwoze

Jeremías 31:20

Na nhuo' le'ecpi maye chegoxoguet so Efraín, namayepi 'eeta'am ca ỹalec ỹauotaxat, ỹalec maye ỹactec da sauotec. Qaq na'aictaxa naxa da ñelaxa qalaxaye saishet da saxanec da seuennatega, da iquiyaqteỹaxac qalaq nỹeetai' qataq ñanomteguet da ichoxonnataxanaxa namayepi. Qaq 'era da ỹa'aqtac Aỹem nataxala'.»

Isaías 45:22

«Ñaq Aỹem qauamachiỹo'ot nache qanca'alleeuec, 'enauac qami' maye qoviita'alo naua loga'te ana 'alhua, cha'aye aỹem, nachaỹem Atamnaxala', qaq qaica ca lỹa.

Miqueas 7:7

Aỹem, qalaxaye seuata'aguet qome Ñim Nataxala', qataq sacheto'ot da ñaquitaxac Ñim Lo'onatac 'Enauacna maye ica'alaxaqui, cha'aye Ñimaye aỹem hua'axaỹa qome.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

1 Pedro 4:3

Cha'aye mashe qalote' soua na'axa'te da qauo'ocheetac nam qauem maye ỹo'ottac nam saishet da ỹa'amaqten Ñim Lo'onatac 'Enauacna. Se'esoua na'axa'te qami' qoviitaigui nam ỹotta'a't namanaxanaqtaiguesat, qataq na qauem nqopitaxanaqtaiguesat, qataq qami' taxaiqa, qataq qaualliquiitaua'a na naponaxacpi maye ishet da huaigui da qaỹo'ot ca qauem, qaq dam ỹataqta ỹactec da qauem maye qauo'ocheetac, nachera dam qanatamñeetacot na ne'enaqtacpi maye saq 'en.

Zacarías 1:16

Qaq ỹoqo'oye Aỹem Nataxala', sheeta': Aỹem nagui she'eguelaxa da sechoxoren ye Jerusalén, qataq so'otec qome da qaltaq qanauaxaỹaxaasheguem añi atamnaxaqui, qataq 'enauac yem huaqta'a't nỹecpi.›»

Jeremías 3:20

Qalaxaye 'eeta'am aca 'alo da sa ỹalaxaguet ca lhua, qaq nache 'eeteque qami' da saq aỹem qaualaqaiguet. Qaq 'era da ỹa'aqtac Aỹem Nataxala'.

Salmos 123:2

'Eeta'am ca nlatac da ilochiguilo naua lhuaxaye ca na'aco', qataq 'eeta'am aca nlata da ilochiguilo naua lhuaxaye aca na'acoro, qaq nache 'eeteque naua qara'a'ite da ỹamatto'ot Ñim Nataxala' maye Qanatamnaxala', choche ivitta'a da qomi' ichoxore'n.

1 Corintios 10:21

Qataq saishet da qanỹomiigui aca ỹomaxaqui maye naigui da qaỹo'oxoren So Qarataxala', nache nataqa'en qanỹomiigui aca ỹomaxaqui maye naigui da qaỹa'amaqten na lamaxashecpi maye saqcha'a so pa'aguenataxanaxaic. Qataq saishet da qolliqui ca nallec maye naigui da qaiuennate So Qarataxala', nache nataqa'en qolliqui ca nallec maye qoỹanot na lamaxashecpi so pa'aguenataxanaxaic.

Amós 6:6

Qataq da qanỹomiigui na lataxa qalaq ỹataqta late'el naua qanỹomaxaquilli', qataq qancoyeetapigui na coraxat maye ỹataqta no'on da laitaỹaxac, qaq nache qaica ca qarhuogoqoi da nlaguiñi ne'ena 'alhua.

Amós 2:8

Qataq nca'aatrapeguelec nam choche npatanec nogoxotpi, da hueta'a ca sa qaỹapeque aca camachaqaca ana nca'atoxonaxalatepi, qataq desheenaxana na lataxa ỹauota'a ana anom ncachaqte, nam nỹomtapigui da hueta'a anam atamnaxaqui maye lalamaqte nam natamnaxala'pi.

Nehemías 9:31

Qalaxaye souaxat da lta'araic 'arauotaxanaqtaic, nache saishet da 'aulaxachigui somayepi, qataq saishet da 'aualat, cha'aye 'am maye Atamnaxala', ỹataqta 'am huotaxanaqtaqaic qataq 'am choxonnataxanaxaic.

2 Reyes 13:23

Qalaxaye Ñim Nataxala', huo'o da lauotaxanaqtaic somayepi, nache ichoxoren souaxat da naỹamaxataxac Ñimaye, co'ollaq naỹamaxate' so Abraham, Isaac qataq so Jacob, nache Ñimaye saishet da ilaxachigui somayepi, qataq saishet da ca'ai, nache ivitta'a nagui.

2 Samuel 6:19

Ime, nache 'enauac somayepi da ỹanem ñi 'oonolec aso 'oonole nauole 'ayiiña, qataq na laỹe so lapat, qataq aso nqaxaỹaqta ala ana uva. Qaq co'ollaq imeta somayepi nache 'enauac da ỹe'eguelaxalo soua lma'ate.

Jueces 10:16

Huaña, nache so Israel le'ecpi ỹalat so ỹaqa'a atamnaxala'pi da yaqto' qaltaq do'onataxanot Ñim Nataxala'. Nache Ñimaye ỹataqta sa nalo'oguet da 'eeta souaxat da nque'eenaxac so Israel le'ecpi.

Jueces 9:27

qaq soomaye tareuga co'ollaxa so lanaxanaqa' da nqat aso uva, da yaqto' ỹo'ot so lataxa, nache ỹo'ot so lta'araic lquia'axac, ime nache taua'a aso atamnaxaqui maye netaigui so atamnaxala'pi, nache deque'etac qataq nỹomtac, nache talec naqa'en na qauem la'aqtacpi so Abimelec.

Éxodo 32:6

Nache so nte'etom so lỹa na'a'q, nache no'ottasheguem somayepi da yaqto' ỹaneuo aso lachetaqtaxanaqte maye qaỹavigaxatta, qataq aso qanhuaachigui. Ime, nache 'enauac somayepi nso'ooñi da deque'e, qataq nỹom. Qaq so ime nache dasora't.

1 Corintios 10:7

Ỹoqo'oye qami' saishet da qaue'enaxache da 'eetec somayepi da huo'o na natameetacot na ỹaqa'api maye saq 'en qataq choche ne'enaqtacpi. Cha'aye naua nanettaleguete ana la'aqtac lmalate Ñim Lo'onatac 'Enauacna 'eeta': «So shiỹaxauapi nso'ooñi. Ime, qaq ỹo'ot so lquia'axac qataq nỹomtac. Ime, nache nachaañi da dasora't, qaỹo'oxoreetac na ne'enaqtacpi.»

Mateo 26:50

Nache So Jesús 'enapego': –'Am ñauochaxaua, cha'aye mashe qonetaina'a, qaq no'on da ñaq 'auỹalaxatapeguec da 'auo'ot cam huotaique da 'auo'ot. Nache so ỹalleppi ỹaconeua'a So Jesús da icoñerai'.

Oseas 7:5

Da ivita da qaique'elec so nta'a, nache nam nataxala'pi itaqchet somaye, nỹomaxangui na lataxa. ¡Qaq so nta'a ỹaconeguet na lhuaq som ỹe'enai'pi somaye!

Oseas 4:11

De'era quisheguetaxac qataq na lataxa, ỹo'ot da deqat da no'on nataxac.

1 Crónicas 16:3

Nache 'enauac so Israel le'ecpi, ỹalleppi qataq 'alpi da ñi 'oonolec somayepi ỹanem aso 'oonole nauole 'ayiiña, qataq aso ntoñiguishe maye lalegue na lapat, qataq aso nauole maye lalegue ana nqaxaỹaqta ala na nañiguishe.

Cantares 2:5

¡Ñaq aỹem qaua'añaqchichi, aỹem qaỹa'añim qome ana deqaqta ala ana uvapi, qataq aỹem qauquia'axañec ana manzana, cha'aye huotaique selem da lamaic da ỹoqopitaxanaqtaic!

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.