Oseas 2:5 - La'aqtaqa Ñim Lo'onatac 'Enauacna 2013

⁵ Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Toba del Oeste

⁵ Qa'a Israel qodajelaĝanec nale, ena'am jaga'me quejeguetaĝae; male qaya'te li'yoĝodic qa'a nenaĝategue ca'li: “Jep'iya'alo nayi gaa'me lequi'il ñe'me Baal, jogaa'me jo'ne ena'am ta'le yojaĝa'u, qa'a naqaegaua jo'ne yauote ga'me jouetaque nale: jayem yate'm joga'me jalic nataq'aen joga'me ñiyomigui, yauo'oe naa'me yeuo lael, nataq'aen joga'me ñeyoĝoqui, qama'le yataqata e'n jayem matac nale”.

Oseas 2:5 Referans Kwoze

Oseas 3:1

Ñim Nataxala' qaltaq aỹem 'enapega, 'eeta': «'Aue qojec, nache 'aỹa'anem da 'arauotaxanaqtaic aca 'alo quisheguetaxai, maye lauatapiguiñi' nam nauochaxauapi. Cha'aye 'era da 'eetec Ñim Nataxala' da ỹauotec na Israel le'ecpi, na'aictaxa da ỹe'eguelaxa da ỹa'amaqteetac na ỹaqa'a atamnaxala'pi, qataq da naman da chectac anam nqaxaỹaqta uvapi maye qoỹanot naxa namayepi.»

Oseas 2:8

Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Isaías 1:21

¡'Am huaqta'a't nỹecpi maye 'am laxaraic co'ollaxa qaq nagui qalaq 'avira'a da sa 'aualaq! Som shiỹaxauapi maye 'am netaigui co'ollaxa ỹataqta ỹo'ottac co'ollaxa da ỹaỹamaqchiguiñi lataxac, qataq ỹataqta no'on da lataxac, qaq nagui qalaq nda'a't na laataxanaxaicpi na 'am netaigui.

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.

Oseas 8:9

cha'aye namayepi tasheguema ye Asiria, 'eeta'am na 'ashena no'onaxa le'ec maye huegaqaic. Qaq na Efraín qalaq desheenaxata'a ana quisheguetaxaipi.

Oseas 4:5

Nache 'am qouañi qome, qouaigui ca na'a'q, qataq ca pe, nache qocañi' ca na'aqtaxanaxanec da qouañi qataq ñelaxaañi aca 'arate'e.

Oseas 2:2

Qaq Ñim Nataxala' 'eeta': ¡Ña qaviraxachiỹo'ot qome aso qarachi'i, cha'aye asomaye saishet da ihua, qataq asomaye saishet da aỹem lhua! ¡Qoñiỹapega da ỹaxaañi da ỹachaxaatac da lquisheguetaxac! ¡Qataq ỹaxaañi da nachaxaatega nam nquisheshaxauapi!

Jeremías 11:13

Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Jueces 16:23

Qaq huo'o so na'a'q nache so 'amaqtaqaicpi lataxala'pi so filisteopi, ỹo'ot so laponaxac da ỹo'ot so lta'araic lquia'axac da yaqto' ỹo'ot aso lachetaqtaxanaqte da ỹanot so natamnaxala' Dagón. Nache do'onaxaatac, 'eeta': «Ñi qanatamnaxala' qomi' ỹanema da qoroxonec ñi Sansón maye qampa'aguenaxaua.»

Oseas 1:2

Qaq 'ena na chegoqchiguiña da la'aqtac Ñim Nataxala' maye chegoqchigui naqa'en so Oseas, 'eeta': «'Aue qojec, nache 'auaroneguet qome aca 'alo quisheguetaxai, nache huo'oi qome caua 'aỹa'alqa, qaq caamaye nache chegaqaiguilo qome da quisheguetaxac, cha'aye nam netalecpi ne'ena 'alhua Israel ỹataqta nquisheshigui da la'amqaanataxanaxac, nache namayepi ỹataqta ca'ai Ñim Nataxala'.»

Jeremías 6:8

'Anaralaxat da 'arataxac 'am Jerusalén, cha'aye da saishet da qonetec de'era, nache salemata nache 'am sheca'ai, Qataq so'ot da 'am toolec, nache qaica ñaqa'en ca netalec 'am.»

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Ezequiel 16:4

Qaq som na'a'q maye huaigui da 'auañiguiñi, nache saishet co'ollaxa da qaicheguec so 'arcom, qataq saishet da 'am qanachelaxan, qataq saishet da 'am qaỹa'amen na toue, qataq saishet da qaỹauo'o ca 'ara'am laxataxat.

Ezequiel 16:35

Qaq ỹoqo'oye 'ana'axaỹaxaachigui da ỹa'aqtac, 'am quisheguetaxai:

Ezequiel 16:39

Qataq 'am saneguet da lhuaqỹaxac namayepi, da yaqto' nlaxaañi nam huaña naxa da 'anquishestague' namayepi, qataq nam huaña naxa da 'avio'oxoreetac na nqolacpi. Nache namayepi naỹoqnec qome ana 'arpoto, qataq ana 'onaxai 'ano'otaqtepi, nache ỹataqta imauec da qouetauec naqa'en.

Amós 8:13

Qaq que'eca na'a'q, nache anam ỹataqta 'onaxai qa'ampi, qataq nam ỹataqta 'añaxaicpi nsoxoppi qalaq decopchetac qome souaxat na laquip.