Oseas 2:3 - La'aqtaqa Ñim Lo'onatac 'Enauacna 2013

³ Cha'aye da saishet da ỹaxaañi de'era, nache so'orauec qome, qataq saleeta'ague ñaqa'en 'eeta'am so na'a'q co'ollaq ñiguiñi. Huaña nache 'eeta'am ñaqa'en ca toolec 'alhua, qataq ca deqaqta 'alhua, huaña nache ilem ñaqa'en na laquip.

Toba del Oeste

³ Di'me noic jo'ne Israel, qom ja ya'uo jena'me jenjo', qama'le ñaqa't qomle gaa'me leuo lael: jadenaĝat ena'am ca'li yemta 'niyiñe. Qama'le jen qaqata, ena'am di'me aleua jo'ne totapega't, qama'le jalatec da'me jen yeliñquip.

Oseas 2:3 Referans Kwoze

Ezequiel 16:22

Qaq 'enauac nam ỹataqta qaiqaiga 'auo'ottacpi, qataq da 'arquisheguetaxac, nachena na ỹo'ot da 'aucoua'ai da 'eetec co'ollaq ñaq 'am nogotole, qataq co'ollaq imauec da qouetauec, qataq 'ancocatapigui na 'artago'q.

Ezequiel 19:13

Qaq nagui qalaq ñaxattalec qanqa'en ye toolec 'alhua, yem 'alhua maye deqaqta qataq qaica ca 'etaxat.

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Apocalipsis 17:16

Qaq se'esoua diez lcouel maye 'auauaachiguilo se'eso shiguiỹac, qataq so shiguiỹac leguemaxaic ỹataqta nquiỹa qome aña'añi quisheguetaxai, nache añimaye qaỹacona qome 'enauac na hueto'otpi. Nache ỹataqta huetauec qanqa'en, qataq qanallec na lapat, ime nache qaỹasaxangui ca norec da qaỹavigaxat.

Jeremías 51:43

Nam lalamaxat huaqta'a't nỹecpi maye ỹotta'a't naua nañalo qalaq ỹe'eguelaxa da tooleguete, nache na 'alhua ỹataqta deqaqta, qataq nlachiguiñi, nache qaica ca ishet da nalec, huo'otaq da choche nlectelec.

Jeremías 22:6

Cha'aye Ñim Nataxala' 'eeta' da la'aqtac maye talec ñi nma' lta'araic ñi nta'a ye Judá: «'Am 'eeta'am ñaqa'en añi qasoxonaxa ye Galaad, qataq añi lmilo añi qasoxonaxa ye Líbano, qalaxaye san da ỹa'aqtac da 'am she'eguelaxata qome da 'am toolec, nache qaica qome ca 'am netalec.

Jeremías 17:6

Qaq camaye, 'eeta'am aca qo'oipaqole ỹaxataxarai maye huetalec ca toolec 'alhua, da saỹauano' da qailo'ogue, qataq ñaxattaigui na coma', qataq na 'alhua maye 'euaxaic maye qaica ca netalec.

Jeremías 13:26

Qaq Aỹem nataqa'en ỹataqta 'am ñesochiguiñi qome yaqto' 'am talec da lta'araic 'ara'agaxa.

Jeremías 12:10

Qalota na nataxala'pi na ilaxachigui na ỹanaxanaqa' uva lma'pi qataq nlaxaañi na ỹalamaxat no'onaxapi. Nache ỹo'ot da toolec naqa'en nam 'alhua maye ỹataqta ỹauotaxat.

Jeremías 4:26

Qataq samata'a nam no'on uva lma'pi qalaq ỹataqta toolec, qataq 'enauac som huaqta'a't nỹecpi ỹataqta nlachiguiñi. Cha'aye da ỹataqta chaqaic layeloxo Ñim Nataxala', nachera dam ỹo'ot da huo'o de'era.

Jeremías 2:31

Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Isaías 64:10

Nam 'aralamaxatpi qui'itta huaqta'a't nỹecpi maye ỹotta'a't naua nañalo namayepi ỹataqta toolec, na Jerusalén qalaq nlachiguiñi qataq dolachigui.

Isaías 47:3

yaqto' qaimeten da 'aro'ocỹaxac maye huetauec, aja', ỹataqta imauec qome da qaỹauaachigui da 'aro'ocỹaxac qom qouetauec, cha'aye Aỹem sepalaique ivi', nache qaica ca sechoxoreetac.

Isaías 33:9

Ana 'alhua huasootac qataq daquicotac, ye Líbano qalaq huo'o da lcoxo nache deqaqa, qaq ye ca'amegue ye Sarón qalaq 'eeta'am ca toolec 'alhua, ye Basán qataq añi qasoxonaxa Carmelo qalaq deqat da lyac na huetalec.

Jueces 15:18

Qaq cha'aye so Sansón ỹataqta ỹaguec na laquip, nache iỹaxanot Ñim Nataxala', 'eeta': «¿Ta'ainco' ye aỹem 'aỹa'anem da lta'araic ỹa'añaxac da sauegaxan, qaq nagui qalaq seleu souaxat na ỹaquip, qataq da aỹem ỹalauat nam ỹalleppi maye sa ỹa'amaqtenaxanaxauapi?»

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Oseas 2:10

Qataq na nquisheshaxauapi ỹauaachigui qome ñaqa'en da aloic asomaye. ¡Nache qaica ca nca'alaxateeguesop da ihuaqỹaxac!

Jeremías 14:3

Na sallaxanecpi qalaq ỹamaq naxa na lamaxashecpi da ilaique 'etaxat, nache namayepi taỹa ana laỹe'pi na 'etaxat, qalaxaye saỹanata, nache qui'itchiguilo naxa naua laco'oña da ỹe'eguelaq, nache saỹaỹaten ca 'eetec qataq nlaqchigui da la'aloxo, qataq ỹapoleguete naua lqaigo.

Oseas 13:15

Qaq na Israel, na'aictaxa qome da dasovi da 'eeta'am aca huoue, qalaxaye anac qome ca la'at maye chegaqa'ague da nala' lliguisheguem, cam lta'araic la'at maye chegoqtelec ye toolec 'alhua, nache deqaqa naqa'en ana laỹe'pi na 'etaxat qataq na npaxaatasheguem 'etaxat. Qataq na npa'aguenaxauapi namayepi deuotaxanec qome na logoxoshetpi, qataq nam ỹataqta no'on no'otaxatpi.

Jeremías 51:5

qaq na'aictaxa da na Israel le'ecpi qataq na Judá le'ecpi nlaqaalec naqa'en na na'alhua na lasouaxashetpi, qalaxaye Aỹem Nataxala' maye Qaica ca Seqalanapec maye Qui'itta Natamnaxala' na Israel le'ecpi, saxanaxa da salat namayepi.