Oseas 2:16 - La'aqtaqa Ñim Lo'onatac 'Enauacna 2013

¹⁶ Qaq huaña qome nache da aỹem detaxaỹa qalaq saishet da 'eeta': «'Am ỹataxala'.» Nacherata da 'eeta': «'Am ihua.» 'Era da ỹa'aqtac Aỹem Nataxala'.

Toba del Oeste

¹⁶ Qama'le ja yitaĝa ta'le etedac da'me jayem ladipa', dite da'me male etedac qomle da'me naqayem jo'ne loua'; mach'e jayem jo'ne Jaliaĝanec.

Oseas 2:16 Referans Kwoze

Isaías 54:5

Cha'aye Ñim 'am lo'onata co'ollaxa ñimaye ỹauo'o 'am lhua. Qaq da le'enaxat 'eeta', Nataxala' maye Qaica ca Ỹaqalanapec, Ñim 'arca'alaxaqui nacheñi Ñim Qui'itta Natamnaxala' na Israel le'ecpi, nacheñi Ñim Lo'onata 'enauac ana 'alhua.

Oseas 2:7

Qataq icaateguiñi' qome nam nquisheshaxauapi, qalaxaye saishet da ivi', qataq nmittaique, qalaxaye saishet da ỹanata. Huaña, nache 'eeta': «Aỹem she'eguelaxa ca hua'auchiguiñi ihua, cha'aye co'ollaq sooto'ot, nache ỹataqta saỹamaqchiguiñi, qaq saq 'ena'am nagui.»

Jeremías 3:14

Ñim Nataxala', 'eeta' da la'aqtac: «Ñaq aỹem qañe'eguelaqaỹa qami' qauemaicpi ñalaqpi, cha'aye nachaỹem Qarataxala'ai. Ñim 'oonolec nam huaqta'a't nỹecpi maye ỹotta'a't naua nañalo, qalaq 'oonolec qome ñi sacootaua'a da qoñeeta, qataq ñi 'oonolec nam maiche nhuo' le'ecpi, qalaq dos qome ñeua sacootaua'alo, nache ñe'eguelaxata na Sión.

Apocalipsis 19:7

Qaq ỹoqo'oye ỹataqta samaqtapiguiñi qome, qataq qomi' nlaqchiguilo da qantonaxac, qataq sho'oxorenaq Ñimaye, cha'aye mashe ivita ye laloqo' da huaron Ñi Qagueta Llalec. Añi lhua mashe sogote da naỹamaxattai', maye nachena nam 'amqaanataxanaxaicpi;

2 Corintios 11:2

Cha'aye aỹem huo'o da 'eco' ica'alaxanaxac da qoñiita. Qalaxaye de'era ica'alaxanaxac, damaye chegoqtot Ñim Lo'onatac 'Enauacna. Cha'aye aỹem sauotaique da qami' saronaxanaxanegueta So Cristo, qataq sauotaique da qami' sachaxaneua'alo Somaye, da 'eeta'am ñaqa'en aca qa'añole maye saxanaxa da huaron, da huaroneguet ca 'oonolec ỹale.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

Génesis 34:3

Qalaxaye somaye ye ỹataqta nqopita asomaye, nache huo'o da lyaxa da ỹañoxot asomaye da nataqa'en nqopita somaye.

Jueces 19:3

nache so leviita jec da ỹe'eguena'a asomaye da yaqto' nachoxonnot da ỹe'eguelaxaguet. Qaq somaye lỹatac co'ollaxa so lo'onataxanaxanec, qataq ỹaue'c soua dos 'ashena, qaq asomaye co'ollaq ilo'ot so lhua nache ỹauegueua'a so lma', nache so lta'a nataqa'en ỹa'amaqchiguiñi co'ollaq ilo'ot somaye.

Rut 2:13

Nache asomaye 'enapeco': 'Am ỹataxala', 'onaxaico' qome da nache 'eetai' de'era 'arauotaxanaqtaic. Cha'aye naua 'ara'aqtaqa aỹem ỹa'añaqche't, cha'aye aỹem 'ano'onaxatta da aỹem 'autaxaỹa, na'aictaxa da saishet da sheeta'am ana 'aro'onataxanaxanapi.

Isaías 40:2

da qaua'aqtaxañim na hueta'a ye Jerusalén qalaq huesotte' naua qara'aqtaqalle', qataq qaua'aqtaxañim da mashe ime da nlataguec, qataq mashe ime da isheeten nam lasouaxashetpi, qataq 'eeso'oya' da mashe ỹapacauec da nhuaxanaguec maye chegoqchigui da lhuaqỹaxac Ñim Nataxala' souaxat nam lasouaxashetpi.»

Ezequiel 20:35

Da qami' sauegalo yem toolec 'alhua maye qaỹoqtaique na nhuo' le'ecpi, qaq huaña qome yemaye nache qami' sataigueta da qami' ñimi't.