Oseas 2:13 - La'aqtaqa Ñim Lo'onatac 'Enauacna 2013

¹³ Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Toba del Oeste

¹³ Yataqata je'uaĝan qomle jañe'me, jouaĝat ga'me ua'a da'me yegoue ga'me yoĝoqui jo'ne yanema gaa'me lequi'il ñe'me Baal, ca'li yaediñe gaa'me 'noe'n li'yoĝodaqa'te jo'ne nechijaĝal nataq'aen loqolal, qaedi dejapichiyalo gaa'me lojaĝa'u. Qalaĝaja da'me jayem, yataqata ja jayem 'te uenata nale. Mach'e jayem jo'ne jayem Jaliaĝanec.»

Oseas 2:13 Referans Kwoze

Oseas 13:6

Qalaxaye co'ollaq mashe ỹaguec na qo'oqoi, nache naua qarquiyaqtelli' nlaxaguilo da qana'amqaanaxaqui, huaña nache Aỹem qaucoviỹa'ai.

Jueces 3:7

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Oseas 13:1

Qaq nam shiỹaxauapi ye Efraín naxa da detaqa, nache na laỹepi nhuo' le'ecpi maye chegoxoguet so Israel, ỹataqta huo'o naq 'enec naqa'en namayepi. Qalaxaye ye Efraín ilem na lasouaxashetpi, souaxat da natameetacot so Baal.

Oseas 11:2

Qalaxaye co'ollaq ỹapac da seỹaxaatega, nache lamaxa nquictauec da aỹem ca'ai. Nache namayepi ỹaatacot ana lachetaqtaxanaqte nam saq 'en atamnaxala'pi, qataq ỹavigaxattac na lchenaxanaxat da ỹanot nam ne'enaqtacpi.

Jeremías 7:9

Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Oseas 8:14

Qaq nam Israel le'ecpi, no'oxoosheguem na lma' lta'araicpi, qalaxaye icoua'ai Ñim Lo'onatac da nachaalataxac. Qataq na Judá le'ecpi, qalota na no'oxoosheguem huaqta'a't nỹecpi maye huo'o na lpaqtaxatpi, qalaxaye aỹem, ñamaxa qome ca norec da yaqto' ỹavic ñaqa'en na lma' lta'araicpi.

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Oseas 4:13

Qataq tasheguema na pa'asheguem ana qasoxonaxapi, qataq ana lcomaraxalatepi, da ỹo'ot nam lachetaqtaxanaxatpi, qataq da ỹavigaxat na lchenaxanaxatpi, qataq huo'ot naqa'en na lpaqal ana qo'oipaqpi rooblepi, 'aalamopi qataq ana enciinapi. Qaq ỹoqo'oye ana llalepi ncogagui qome da lquisheguetaxac, qataq ana latelpi lauatapiguiñi' qome nam sa lhuapi.

Oseas 2:7

Qataq icaateguiñi' qome nam nquisheshaxauapi, qalaxaye saishet da ivi', qataq nmittaique, qalaxaye saishet da ỹanata. Huaña, nache 'eeta': «Aỹem she'eguelaxa ca hua'auchiguiñi ihua, cha'aye co'ollaq sooto'ot, nache ỹataqta saỹamaqchiguiñi, qaq saq 'ena'am nagui.»

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Ezequiel 23:35

Qaq ỹoqo'oye Aỹem Nataxala', shenapec: «Qaq cha'aye Aỹem 'aucoua'ai, qataq Aỹem 'aỹa'aneguet na 'al-laq, nache 'anque'etaxangui qome da 'anhuaxanaguec souaxat da maiche 'ananoiqueetac da huo'o ye 'auo'ot, qataq nam 'arquisheguetaxacpi.»

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

Ezequiel 16:17

Qataq 'auo'onataxana ana 'ano'otaqtepi maye chegaqaigui na oro qataq na plata maye chochaq 'am saatem co'ollaxa, nache 'auo'ot na 'are'enaqtac lqui'ipi nam ỹalleppi, ime nache 'avio'oxoreetac,

Jeremías 23:2

Ñim Nataxala', maye Natamnaxala' na Israel le'ecpi, 'enapega na nataxala'pi maye ilotague' nam lalamaxat Ñimaye nhuo' le'ecpi, 'eeta': «Qami' qaulagaxacheetac ana ilopi qaguetapi, qataq datauec qanqa'eñi, nache saishet da qanchelỹa'a. Qaq ỹoqo'oye Aỹem nagui maiche qami' sepa'aigueta da sauo'o ca qanhuaxanaguiiqui souaxat nam qauem maye qauo'ocheetac. Qaq 'era da ỹa'aqtac Aỹem Nataxala'.

Jeremías 18:15

Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.

Jeremías 11:13

Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Jeremías 2:32

¿Aca qa'añole ishet peta'a da icoua'ai aca no'otaqtepi? ¿Qataq aca nauootac peta'a ishet da icoua'ai aca lapoto maye nauoxonaxaqui? Qalaxaye nam ỹalamaxat nhuo' le'ecpi mashe qaỹoqteguelo soua vi'iye da aỹem icoua'ai.»

Isaías 17:10

cha'aye 'aucoua'ai Ñim Lo'onatac 'Enauacna maye 'am nca'alaxatec co'ollaxa, qaq saishet da 'antoonec da nacheñi Ñim qaica ca 'eeta'am 'aye'eguenaxala'. 'Am 'auo'ottac na ỹataqta no'on nanaxanaqa'piolec, qataq 'aỹa'aateguiñi ana nañiguishe da yaqto' 'avio'oxoren som chegaqauec atamnaxala',

Salmos 106:21

Nache icoua'ai Ñim Lo'onatac 'Enauacna maye nca'alaxatec co'ollaxa somayepi, qataq ỹo'ot na lta'araic da la'amaqchec co'ollaq huaña ye Egipto,

Salmos 106:13

Qalaxaye saqaỹaloq co'ollaxa da icoua'ai na ỹo'otpi Ñimaye, nache sa iuata'a nam huotaique ỹo'otpi Ñimaye.

Salmos 78:11

Qataq icoua'ai na ỹo'otpi co'ollaxa Ñimaye. Nam qaica ca 'ena'am da llo'oxoyec maye ỹachaxana namayepi.

Da na'aqtaguec so Job 8:13

Qaq 'era da 'eetec da llecỹaxac 'enauac na icoua'ai Ñim Lo'onatac 'Enauacna, qataq da 'eetec da imeuo da naquitaxac na qauemaicpi.

2 Reyes 21:3

cha'aye qaltaq no'oxoosheguem so qaỹoqotcheguema atamnaqa'pi maye nlaxaañi co'ollaxa so Ezequías maye lta'a somaye, qataq no'oxoosheguem aso nca'atoxonaxalatepi da yaqto' qanatamnot so Baal, qataq ỹo'ot aso le'enaqta lqui'i aso Aserá, qaq nache 'eeta'am da 'eetec co'ollaxa so Ajab, maye nta'a ye Israel, nataqa'en natameetacot 'enauac ana huaqaañi late'eraipi maye neto'ot na piguem,

2 Reyes 10:28

Nache so Jehú, nqateeguesop ye Israel so Baal.

2 Reyes 1:2

Qaq so Ocozías naañi co'ollaxa, chegoqotcheguema so nalloxoqui, so pa'asheguem so lma' lta'araic, maye naña ye Samaria, nache somaye lta'araic so lque'emaxa. Qaq huaña nache huo'oi soua ỹama'q da yaqto' ichemaxata so Baal Zebub, maye atamnaxala' ye Ecrón, cha'aye somaye ỹauotaique da ỹaỹaten da ivira'a da qaltaq no'oita.

1 Samuel 12:9

Qalaxaye somayepi icoua'ai Ñim Nataxala' maye Natamnaxala', nache Ñimaye ỹaneguet co'ollaxa da la'añaxac so Sísara, som lataxala' so nalleppi so Jabín, som nta'a maye lma' ye Jazor, qataq da la'añaxac so filisteopi, qataq so nta'a maye lma' ye Moab, maye iloquiaxan co'ollaxa somayepi.

Jueces 10:6

Qaq so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala', souaxat da ỹo'oxoreetac so ỹotta'a't ne'enaqtac lqui'ipi so Baal qataq aso Astarté, nataqa'en so natamnaxala'pi so siiriopi, Sidón le'ecpi, moabiitapi, 'amoniitapi qataq so filisteopi. Nache ca'ai Ñim Nataxala', qataq ỹaxaañi da natameetacot Ñimaye.

Deuteronómio 32:18

'Am Israel, 'aucoua'ai co'ollaxa Ñim 'Arta'a maye 'am ntela'a, 'aucoua'ai Ñim Lo'onatac 'Enauacna maye 'am ỹanem da 'anachaalataxac.

Deuteronómio 6:12

Qaq ỹoqo'oye saishet qome da qaucouaỹa'ai Ñim Nataxala' maye qami' nqateeguesopa co'ollaxa ye Egipto, yem huaña co'ollaq choche qami' nlatacpi.

Éxodo 32:34

Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»

Isaías 65:7

dam lalaataxanaxac namayepi qataq nam lalaataxanaxacpi som lta'alpi. Somayepi ỹavigaxat naxa na lchenaxanaxat da huaña ana qasoxonaxapi qataq aỹem inogoqchettac da huaña ana lcomaraxalatepi. Qaq ỹoqo'oye Aỹem Nataxala' shenapec da seque'emaqchet qome namayepi da lasheue ñaqa'en nam ỹo'otpi co'ollaxa.

Ezequiel 16:12

qataq sauo'o aso chiguishaqte sanagui na 'armic, qataq sauo'oi soua 'arshetel, qataq sanagui na 'arqaic aso ỹataqta no'on aro'o.

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Lamentaciones 1:4

¡Na nqa'aicpi maye naỹa'a ye Sión qalaq huetangui da naquicoxo! ¡Nache qaica ca naỹa na naponaxacpi maye huaña naxa yemaye! Naua laso'omi yem huaqta'a't nỹecpi qalaq tooleguete, na ntaxaỹaxanaxanecpi qalaq nỹeetac souaxat da nqui'ic, na qa'ampiolec qalaq daquicota, nache imauec ye Jerusalén da nlaqchigui da naquicoxo.

Lamentaciones 5:14

Qaq mashe qaica so ỹa'axaiquipi maye hueta'a naxa na ñegueuopi ye huaqta'a't nỹecpi, qataq mashe sa qaỹa'axaỹa da lo'onaxanaxac so nsoxoppi.

Amós 8:10

Nache que'eca laloxoquipi na nquia'axacpi, qalaq nmeneguet ñaqa'en da qanỹeetapeguelec na leuaxaicpi, qaq da no'onaxanaxac qalaq nmeneguet ñaqa'en da achoxonnaxac, qataq so'ot da qaỹa'añiiñi na nogoxot nasouaxaqui, qataq da qanamarec naua qarqaigolli' souaxat da qanqui'iqui. Qataq qanoỹeñiitac qoñiita'am ca shiỹaxaua da ileu ca ỹataqta 'oonolec llalec, qaq da ime nache ỹataqta lta'araic que'eca qanqui'iqui.