Oseas 2:12 - La'aqtaqa Ñim Lo'onatac 'Enauacna 2013

¹² Qataq qaiquesoq ñaqa'en ana lañiguishe uva qataq ana higo, maye da detaxaỹa naxa, nache 'enapec: «Ne'enapi maiche ñesheetenaxatpi, maye aỹem ỹanem nam ñequishishaxauapi.» Nache so'otec da ñaxaalec ñaqa'en ana huoue, yaqto' chec na shiguiỹacpi maye huauec.

Toba del Oeste

¹² Japalaĝa't qomle gaa'me nanal jo'ne uva lichidijat nataq'aen jaga'me higuera jo'ne jalcote, naqagaua jo'ne yepetapega yanema ca'li gaa'me lojaĝa'u. Yataqata jeleguemaĝata ga'me yaĝat lichidijat, qama'le gaa'me yejidi yali'j jo' qomle.

Oseas 2:12 Referans Kwoze

Isaías 7:23

Qaq que'eca na'a'q, nache nam nanaxanaqa'pi uva lma'pi maye ñaxattalec ana mil nañiguishepi maye ivi' co'ollaxa ana mil anom plata añi lasheue, qalaq nda'a't da ñaxattalec qome aca ỹaxat qataq aca huoue.

Isaías 5:5

Qaq nagui qami' sa'aqtaxanema da iuennataxac da so'otec na ỹanaxanaqa' uva lma': Ñeqat qome na lpaqtaxat yaqto' qailaxachigui, qataq samaxañi qome so lpaqtaxanaxat coma' yaqto' qaỹapetapigui.

Oseas 13:8

Qataq ñauaneguet qome namayepi da seloquiaxan, sheeta'am aca oso da deqa't caua llalqa, nache ỹataqta secolaxattac añi lquiyaqte, qaq huaña nache sheeta'am ca llon da sachec namayepi, huo'otaq ca huauec shiguiỹac da ỹataqta secolaxattac namayepi.

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Oseas 9:1

Qaq 'am Israel, saishet da 'auamachiguiñi, saishet da 'auparenaxaatai' da 'antonaxac da 'eeta'am na laỹepi shiỹaxauapi, cha'aye 'anquishishigui da 'ara'amqaanataxanaxac, souaxat da qoca'ai Ñim 'Anatamnaxala'. Cha'aye 'anqopita da 'auaconeguet da nsheetenaguec da 'anquishishaxac, da huaña ye nchegoxosoxonqa' ana ala na nañiguishec.

Jeremías 26:18

«So na'a'q maye huetoigui da lo'onataxanaxac so Ezequías, maye nta'a na Judá, nache so Miqueas maye lma' ye Moreset ỹachegoxotchigui da le'enaxat Ñim Nataxala' da da'aqtaxanem 'enauac na nhuo' le'ecpi na Judá, 'eeta': ‹Ñim Nataxala' maye Qaica ca Ỹaqalanapec, 'eeta': Na Sión ỹe'eguelaxa qome da 'eeta'am ca 'alhua maye qana'ayesheguem, na Jerusalén qalaq qailaxachigui qome nache lapoosheguem qaq yem qaỹoqotcheguec 'alhua maye netaña añi atamnaxaqui qalaq ndotec qome na nloche ñaxaalec.›

Jeremías 8:13

Ñim Nataxala' 'enapec: «Aỹem sechec qome nam ỹalamaxat nhuo' le'ecpi 'eeta'am ñaqa'en ca trigo. Qataq qaca qome aca no'onañi ala ana uva, qataq aca 'oonole ala ana hiigo. Nachaqanata ana lauepi lqaxaỹaxai da no'onañi.»

Isaías 29:17

Qaq yem aviaq ye Líbano mashe saqaỹaloq da nlaguiñi nache qoỹanaxaalec qome, qaq nam no'on nanaxanqa'pi qalaq ỹe'eguelaxa da aviaq.

Salmos 80:12

¿Ta'ainco' da 'anlaxaañi so lpaqtaxat asomaye, cha'aye 'enauac na nlectot asomaye nache napoc ana ala?

Jeremías 5:17

Qaq camayepi chec qome na 'añiguishec ala qataq nam 'oq, qataq ỹalauat qome na 'aỹa'alaqpi ỹalleppi qataq ana 'aỹa'alepi 'alpi. Qataq chec ana 'arelopi qaguetapi qataq na huacapi, qataq ana 'añiguishe uvapi, qataq ana hiigopi. Qataq irolec qome nam lo'ogoxonaxatpi da ilaxachigui na huaqta'a't nỹecpi, nam qampaxattaua'a maye 'aupe'etega naxa.»

Jeremías 13:26

Qaq Aỹem nataqa'en ỹataqta 'am ñesochiguiñi qome yaqto' 'am talec da lta'araic 'ara'agaxa.

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.