Oseas 2:10 - La'aqtaqa Ñim Lo'onatac 'Enauacna 2013

¹⁰ Qataq na nquisheshaxauapi ỹauaachigui qome ñaqa'en da aloic asomaye. ¡Nache qaica ca nca'alaxateeguesop da ihuaqỹaxac!

Toba del Oeste

¹⁰ Qom maliaĝa dajo'tagueta jogaa'me lojaĝa'u, male jen jale'tague: ¡jena'me jenjo' ja nepaten jo' qomle!

Oseas 2:10 Referans Kwoze

Ezequiel 23:29

Qaq yemayepi 'am nquiỹa qome, nache ỹauo'o lalamaxat nam chegaqaigui co'ollaxa da 'aro'onataxanaxac, qataq ivitta'a da ỹataqta qouetauec naqa'en, nache imauec da yo'oqta da 'aro'ocỹaxac maye 'aỹa'aneguet co'ollaxa da quisheguetaxac. Dam 'arataxac maye maiche 'ananoiqueetac naxa da huo'o ye 'auo'ot, qataq da 'arquisheguetaxac,

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Miqueas 5:8

Qaq nache 'eetec nam no'onañipi lauo' le'ecpi so Jacob qom ỹalectaigui na ỹotta'a't shiỹaxauapi, qalaq 'eeta'am ca llon da ỹalectaigui nam huauec shiguiỹacpi, qataq ca llon llalec da nlecchiguingui aca qaguetapi, nache icolaxattac, qataq ilaxachigui nache saishet da huo'o aca ỹetauec da nca'altauec naqa'en.

Oseas 2:3

Cha'aye da saishet da ỹaxaañi de'era, nache so'orauec qome, qataq saleeta'ague ñaqa'en 'eeta'am so na'a'q co'ollaq ñiguiñi. Huaña nache 'eeta'am ñaqa'en ca toolec 'alhua, qataq ca deqaqta 'alhua, huaña nache ilem ñaqa'en na laquip.

Jeremías 13:26

Qaq Aỹem nataqa'en ỹataqta 'am ñesochiguiñi qome yaqto' 'am talec da lta'araic 'ara'agaxa.

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Isaías 3:17

Ñim Nataxala' ỹo'otec qome da qui'it na lqaic anamayepi, qataq ỹachaxan qome da huetauec anamayepi.»

Proverbios 11:21

Qaq ỹoqta 'eesa da ca qauemaic saishet da sa qaỹauo'o ca nhuaxanaguec, qaq na no'on da lataxac qalaq nca'alec.

Salmos 50:22

Qaq qami' maye qaucouaỹa'ai Ñim Lo'onatac 'Enauacna qauaỹaañita nagui de'era, cha'aye sa iuena'a da qami' secolaxata'ape, nache saishet da huo'o ca qami' iueeleguete.

Oseas 6:9

Qaq so nqa'aic maye taỹa'a ye Siquén, qalaq hueta'a na ntaxaỹaxanaxanecpi maye 'eeta'am nam cachaxaicpi da nauaata'aguet na shiỹaxauapi, qaq huaña da decache qataq da dalaataxan.

2 Crónicas 24:7

Cha'aye aso ỹataqta qauem da lataxac Atalía, qataq soua llalqa nlaxaayiñi co'ollaxa aso atamnaxaqui maye lalamaqte Ñim Lo'onatac 'Enauacna, qataq imato'ot da ỹanot som ne'enaqtac natamnaxala'pi so sa qaishetapecpi nogoxoshetpi maye lalamaxat aso atamnaxaqui maye lalamaqte Ñim Nataxala'.

Ezequiel 16:16

Qataq 'auo'onataxana aso 'arpoto da 'auo'ot na 'arpe'lpi 'aỹa'analec ana lcomaraxalatepi da 'avio'oxoren na ỹaqa'a atamnaqa'pi, qataq nache huaña da 'anquishestague' namayepi. Qaq saỹauano' da qaỹauaachigui co'ollaxa ca 'ena'am de'era.

Ezequiel 16:19

Qataq 'aỹa'anot namayepi da 'arachetaqtaxanaqte aso nauole maye 'am sanem co'ollaxa, asom chegaqaigui na ỹataqta no'on trigo, qataq so aceite qataq so dapic lli'i, maye 'am sequia'axaateguec co'ollaxa. Qaq 'era da ỹa'aqtac Aỹem Nataxala'.

Oseas 10:1

Na Israel le'ecpi, qalaq 'eeta'am ana nañiguishe uva maye ỹataqta qalochiguiñi, qalaxaye co'ollaq ỹataqta qalota ana alapi, nache nataqa'en nquictauec ana no'oxoosheguem nca'atoxonaxalatepi. Qataq co'ollaq mashe ỹataqta 'onaxaic na na'alhuapi, nache nataqa'en ỹataqta 'onaxaic naqa'en nam saq 'en natamnaxala' coma'pi.

Oseas 13:1

Qaq nam shiỹaxauapi ye Efraín naxa da detaqa, nache na laỹepi nhuo' le'ecpi maye chegoxoguet so Israel, ỹataqta huo'o naq 'enec naqa'en namayepi. Qalaxaye ye Efraín ilem na lasouaxashetpi, souaxat da natameetacot so Baal.