Oseas 14:3 - La'aqtaqa Ñim Lo'onatac 'Enauacna 2013

³ Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Toba del Oeste

³ Asiria ja yaqanatet ta'le qo'mi nec'alaĝatedegue, uotaĝa jajoĝoye da'me jonaqalegue joga'me pegaq. Male ja jenaĝa “Qanedios” joga'me ch'e qat'onatac, qa'a am onolec am Jaliaĝanec avichoĝode'n jogaa'me jape'l.»

Oseas 14:3 Referans Kwoze

Salmos 68:5

Ñim Lo'onatac 'Enauacna maye netaña añi qui'itta lalamaqte atamnaxaqui, Ñimaye nacheñi ñi lta'a na qaicaua caua lta'al. Qataq nacheñi ñi iueettapeguelec ana pa'aipi.

Salmos 10:14

Cha'aye mashe 'auauaachigui qataq 'aumeteetac na ỹo'ottacpi, ỹoqo'oye maiche 'aupa'aiguet da 'auo'ot ca nhuaxanaguec, cha'aye 'am ỹe'egueetacot na qaica ca mpaxattalec, qataq 'autauan na qaicaua caua lta'al.

Oseas 14:8

Nache na Efraín, 'enapec qome: ¿Ta'ainco' taxa da satapegueua'a nam ne'enaqtac atamnaxala'pi? ¡Cha'aye Aỹem ña'axaỹaxana qataq selo'ogue qome ne'ena ỹalamaxat nhuo' le'ecpi! Nache Aỹem sheeta'am qome ana qo'oipaq pino maye nache 'eetai' da daralata da lo'oxoỹaxac, qaq ne'ena ỹalamaxat nhuo' le'ecpi Aỹem ỹachegoxoto'ot qome da alaỹaxac.»

Oseas 5:13

Nache ye Efraín qom ila'a da lalolaxa, qataq ye Judá qom ila'a da lque'emaxa, huaña qome nache ye Efraín, nqo'ona so 'amaqtaqaic nta'a ye Asiria, da iỹaxanaique ca ntaunaguec, qalaxaye somaye saishet qome da no'oita naqa'en, qataq saishet da nataren na lque'emaxa.

Oseas 2:17

Huaña qome nache ñeqateeguesop na alap da le'enaxat na saq 'en atamnaxala'pi, nache saishet qome da qaltaq ỹe'eguelaxa da nasaqtapeguec.

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Isaías 30:16

nacherata da qoñiita': «saishet, qomi' sataxauec qome sonaxalec na caipi.» Aja', nache 'eetec qome da qauataiuec. Qaq nataqa'en qoñiita': «Sonaxangui qome ana naigonapi maye ỹataqta qayaqaipi.» Aja', qaq nache 'eetec qome da ỹataqta qayaqaicpi cam qami' icana'ape.

Salmos 33:17

Na caipi qalaq nataqa'en saishet da huo'o ca nca'alaxatec, na'aictaxa da ỹataqta 'añaxaicpi, qalaxaye saishet da huo'o ca nca'alaxatec.

Juan 14:18

Aỹem saishet da qami' sala't; Aỹem ñe'eguelaq qome da yaqto' qami' soota'agueta.

Oseas 12:1

Na Efraín qalaq chectac na la'at, qaq 'enauac ye na'a'q da quetague' na la'at maye chegaqa'ague da nala' lliguisheguem. Qataq nquigaxattauec na latenataxanaxacpi qataq qaica ca iren, qataq naỹamaxate' ye Asiria, qataq ỹamaxa na nme aceite ye Egipto.

Oseas 8:9

cha'aye namayepi tasheguema ye Asiria, 'eeta'am na 'ashena no'onaxa le'ec maye huegaqaic. Qaq na Efraín qalaq desheenaxata'a ana quisheguetaxaipi.

Oseas 8:6

Cha'aye ñi'iñi huaca llalec ñimaye lalamaxat na Israel le'ecpi, ñimaye le'enaqtac som ỹaỹaten da le'enaqtaxanaxac, qaq ñimaye saishet da nacheñi Ñim Lo'onatac 'Enauacna. Qaq ỹoqo'oye ñi'iñi huaca llalec, maye netaña ye Samaria, ñimaye dolagui qome.

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Ezequiel 37:23

Qataq saishet qome da ỹe'eguelaxa da qaltaq nshepaxanaqcheela't, souaxat da ỹo'oxoreetac na nqolacpi maye nqaigaxat, qataq da ỹo'ottac na ỹotta'a't lasouaxashetpi. Aỹem sesoueeguesop qome 'enauac nam ỹo'ot da saỹalaq maye ỹo'ottac namayepi, qataq seỹouec na lasouaxashetpi. Qaq huaña qome nache ỹalamaxat namayepi, qataq Aỹem Natamnaxala' qome.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Isaías 36:8

Qaq 'am Ezequías, no'on da 'anaỹamaxate' ñim ña'aco' maye nta'a ye Asiria. Nache aỹem 'am sanem ca dos mil caipi, da 'auanata cam ishet da nelec camayepi.

Isaías 31:3

Nam Egipto le'ecpi namayepi chochaq shiỹaxauapi, qaq saishet da atamnaxala'pi, nam lalopi caipi qalaq ỹoqta 'eesa lapat, qaq saishet da saq cha'api. Qaq Ñim Nataxala' qom ỹaasheguem na lhuaq da yaqto' iuaxan namayepi, nache nam detaunaxaatacpi qataq nam qaitauaatacpi huañi qome, nache 'enauac qome da deqat namayepi.

Isaías 30:2

Qataq namayepi saishet da aỹem inattac, nacherata da sanaỹaloxon da taỹa ye Egipto, da dequiguiỹo'ot ñi Faraón da npaxaalec namayepi, qataq nache deuaqtacot na lpaqal ye Egipto.

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

Isaías 2:20

Qaq que'eca na'a'q nache ca shiỹaxaua ỹasaxauec qome ca ne'enaqtac maye natamnaxala', ỹanem aca chegoxonaxapi qataq micaipi, cam ne'enaqtac atamnaxala'pi maye chegaqaigui na oro qataq na plata, maye maiche lo'onatac co'ollaxa da yaqto' natameetacot.

Isaías 1:29

Qaq huaña qome nache qaua'aquiilec ana enciinapi, qataq nam nanaxanaqa'piolec maye ỹataqta qanqopichiỹa, nam huaña naxa da qavio'oxoreñi nam ne'enaqtac atamnaxala'pi.

Salmos 146:9

Ñim Nataxala', ntela'a nam chegaqauecpi, qataq itauan nam qaicaua caua lta'al qataq ana pa'aipi, qalaxaye ỹo'ot da deqat da nqa'aicỹaxac nam qauemaicpi.

Salmos 146:3

Saishet qome da qauacheeto'ot da qarpi'iỹaxaqui, na 'amaqtaqaicpi shiỹaxauapi, nam shiỹaxauapi maye saishet da deca'alaqtaxan,

2 Crónicas 16:7

Qaq nache huetoiguilo se'esoua na'axa'te da so na'aqtaxanaxanec Jananí, nqo'ona co'ollaxa so Asa, maye nta'a ye Judá, nache 'enapega 'eeta': «Qaq cha'aye 'auapagaqnauec da 'aupe'etega ñi nta'a ye Siria, qaq saishet da 'aupi'iỹa'a Ñim Nataxala' maye 'Anatamnaxala', ỹoqo'oye saishet qome da 'oxonec na nalleppi ñi nta'a ye Siria.

Deuteronómio 17:16

Qataq que'eca nta'a saishet qome da qalota ca lalo caipi, qataq saishet da ỹamaxa ye Egipto ca shiỹaxauapi da yaqto' nquiguec ca lalo caipi, cha'aye Ñim Nataxala' qami' 'enapegalo co'ollaxa, 'eeta': ‹Saishet qome da qaltaq qavi'iguelaqaigue ne'ena qoyiqui›

Zacarías 13:2

Nache que'eca na'a'q, ñeqateeguesop qome 'enauac ne'ena 'alhua, na le'enaxatpi na ne'enaqtac atamnaxala'pi, yaqto' saishet da nache queta da qanatameetacot. Qataq nataqa'en ñeqateeguesop qome ne'ena 'alhua na ntaxaỹaxanaxanecpi, qataq 'enauac nam saqcha'a na'añaxacpi maye qauem. Qaq 'era da san ỹa'aqtac Aỹem Nataxala'.

Jeremías 49:11

Aỹem 'aua'aqta'a da selo'ogue na 'ansaploqpi. Ana 'ampa'aipi ishet qome da Aỹem pi'iỹa'a.»

Oseas 4:12

Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Oseas 13:2

Qaq namayepi ñaq queto'ot nagui da ỹo'ottac nam lasouaxashetpi, cha'aye nqatel na lcat plata, nache ỹo'ot na natamnaxala'pi maye maiche lo'onatac na lcat lo'opi. Ime, nache 'eeta': «Ña qaỹa'añem na qarachetaqtaxanaxachi». Nache na shiỹaxauapi napigoxoi' nam natamnaxala'pi, maye 'eeta'am na huaca llalec da lataxac.

Jonás 2:10

Huaña nache Ñim Nataxala', 'enapega aso nỹaq late'e, nache asomaye anolec so Jonás, huaña naqa'en so loigue aso auaxai.