Oseas 13:8 - La'aqtaqa Ñim Lo'onatac 'Enauacna 2013

⁸ Qataq ñauaneguet qome namayepi da seloquiaxan, sheeta'am aca oso da deqa't caua llalqa, nache ỹataqta secolaxattac añi lquiyaqte, qaq huaña nache sheeta'am ca llon da sachec namayepi, huo'otaq ca huauec shiguiỹac da ỹataqta secolaxattac namayepi.

Toba del Oeste

⁸ Male jec'ate'ga jodi'me naq'aic jadenaĝat jaga'me potae polio' jo'ne yejoma'ape gaa'me c'oqo'te, qama'le qomle yataqata ñaqat jaga'me lequidiaqate. Jena'am joga'me jauaĝaic da'me paja'a jalic joga'me jauana, nataq'aen jena'am jaga'me pioĝodalo da'me deque'e.

Oseas 13:8 Referans Kwoze

2 Samuel 17:8

Cha'aye 'am, 'auaỹateeta da so 'arta'a, qataq so nalleppi ỹataqta 'añaxaicpi, qataq nagui camaye yo'oqta da ỹataqta denotac, 'eeta'am aca shiguiỹac da qaiuotaxaneque caua llalqa. Qataq so 'arta'a ye ỹataqta nalaataxaic, nache da pe qaq yo'oqta da saishet da ỹalectaigui so nalleppi.

Jeremías 12:9

Na ỹalamaxat nhuo' le'ecpi, 'eeta'am ca maỹo maye ỹataqta 'onaxaic da lo'oxoỹaxac na laue, cam saiuoten naxa na laỹepi maỹopi. ¡Ñaq qauanaqui qami' shiguiỹacpi maye qami' qauemaicpi qalaỹoñiỹa't qome da qauo'oche ca qarquia'axaqui!

Isaías 56:9

Qauanaqui qami' huauec shiguiỹacpi, qataq 'enauac qami' shiguiỹacpi maye qami' aviaq le'ecpi, qauanaqui da qollequi ana nlopi qaguetapi,

Isaías 5:29

qaq da desoqo qalaq 'eeta'am ca llon maye desoqtai' da huo'o ca loxonec, qaq da ỹache cam loxonec camaye nache qaica ca ishet da deuotaxanec.

Proverbios 17:12

Ỹataqta huo'o naq naigui da qanatena'aguet aca potai maye denotegueleguete caua llalqa, qaq saq 'ena'am ca qaica ca ỹaỹaanapec maye ỹo'ottac da no'oopashaxac.

Salmos 80:13

Qataq ana ỹolopi qalaq nlaxaañi, qataq na huauec shiguiỹacpi ỹauta asomaye.

Salmos 50:22

Qaq qami' maye qaucouaỹa'ai Ñim Lo'onatac 'Enauacna qauaỹaañita nagui de'era, cha'aye sa iuena'a da qami' secolaxata'ape, nache saishet da huo'o ca qami' iueeleguete.

Jeremías 25:38

Ñimaye nnoxonec 'eeta'am ca llon da chegoqoolec ca lauanaxanaqa', qaq na na'alhua namayepi ỹe'eguelaxa da toolec, cha'aye 'eroigui da layeloxo Ñim Nataxala', nache namaxa namayepi da alaataxac maye ỹataqta chaqaic.

Oseas 2:12

Qataq qaiquesoq ñaqa'en ana lañiguishe uva qataq ana higo, maye da detaxaỹa naxa, nache 'enapec: «Ne'enapi maiche ñesheetenaxatpi, maye aỹem ỹanem nam ñequishishaxauapi.» Nache so'otec da ñaxaalec ñaqa'en ana huoue, yaqto' chec na shiguiỹacpi maye huauec.

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.