Oseas 13:7 - La'aqtaqa Ñim Lo'onatac 'Enauacna 2013

⁷ Qaq ỹoqo'oye Aỹem sheeta'am qome ca llon, qataq sheeta'am ca quiyoc da huetaua'a na laỹe ca nqa'aic, da soicnapec namayepi.

Toba del Oeste

⁷ Chane'eja nayi da'me jayem jena'am ga'me jauaĝaic, jena'am ga'me quedoc nale nauatac joga'me naq'aic.

Oseas 13:7 Referans Kwoze

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.

Jeremías 5:6

Qaq ỹoqo'oye na llonpi maye chegaqaigui na aviaq mpa'auec qome, nache ỹalauat namayepi, qataq na qa'alaqpi maye huetalec na toolec 'alhua qalaq icolaxattac qome namayepi, qataq na quiyocpi iloquiaxan namayepi qom hueta'a na lalamaxat huaqta'a't nỹecpi, qaq cam pa'auec namayepi, nache icolaxattac, cha'aye qalota na lasouaxashetpi qataq qalota da latenataxanaxac.

Lamentaciones 3:10

Ñimaye, 'eeta'am ñaqa'en ca oso da aỹem nqapecto'ot, qataq ca llon da huotaique da aỹem iloquiaxan.

Amós 3:8

Qaq ¿negue'tom ca saishet da iviloxol da hua'axaỹa da desoqo ca llon? qataq da damaxasoxon Ñim Nataxala', nache ¿negue't cam saishet da ỹa'axat cam ỹa'axata'a Ñimaye?

Amós 3:4

Cha'aye ca llon da desoqo da huaigui ca aviaq, qache mashe huo'o ca loxonec, qataq ca llalec camaye da desoqo da huetaigui ca lauac, qache huo'o ca loxonec.

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Isaías 42:13

Ñim Nataxala' qom inoxonec nache 'eeta'am ca alaataxaic, qaq qom deloqui nache 'eroigui da layeloxo 'eeta'am ca alaataxaic, qataq nlamaxaren qataq ỹa'alaqtalec da nalaataxac, nache nauec qome na npa'aguenaxauapi.

Apocalipsis 13:2

Qaq se'eso shiguiỹac leguemaxaic, 'eeta'am da lataxac na quiyoc, qaq naua lchel, qalaq 'eeta'ama ana potai. Qaq na alap qalaq 'eeta'am na lỹa quiyoc. Qaq se'eso hua'auñi shiguiỹac leguemaxaic maye 'eeta'am na na'araxanaq ỹanem da la'añaxac da damaxasoxonapec se'eso shiguiỹac leguemaxaic maye chegaqangui aso auaxai.

Da na'aqtaguec so Job 10:16

Qaq da ñachaañi nache qoneta'am ca shiguiỹac maye dequi'iỹapec, da aỹem 'anqapecot da yaqto' aỹem 'ato, qaq 'era da 'eetec da ỹoltaq aỹem 'auachaxana da lta'araic 'ara'añaxac.

Jeremías 25:38

Ñimaye nnoxonec 'eeta'am ca llon da chegoqoolec ca lauanaxanaqa', qaq na na'alhua namayepi ỹe'eguelaxa da toolec, cha'aye 'eroigui da layeloxo Ñim Nataxala', nache namaxa namayepi da alaataxac maye ỹataqta chaqaic.