Oseas 13:5 - La'aqtaqa Ñim Lo'onatac 'Enauacna 2013

⁵ Qaq aỹem 'am selotague' co'ollaq huaña ye toolec 'alhua, yem 'alhua maye ỹataqta deqaqta.

Toba del Oeste

⁵ Am jetela ca'li oue'ta di'me aleua jo'ne totapega't jo'ne yataqata p'e.

Oseas 13:5 Referans Kwoze

Deuteronómio 32:10

Nam ilalec co'ollaq netalec ye toolec 'alhua, yem 'alhua maye deqaqta souaxat so la'at lta'araic, qaq Ñimaye nache nsoxola't, qataq ỹapaxaguen, qataq ilo'ogue 'eeta'ama naua la'ai llale da ỹataqta ntela'alo.

Deuteronómio 8:15

qataq qoquiitalec nataqa'en ye toolec 'alhua maye chaqaic qataq qalochiguiñi, qataq nlaqtelec na 'araxanaq maye qanlem na lshenataxanaxa, qataq na pe'elaqtoic, qataq qaica na 'etaxat. Qalaxaye Ñimaye qami' ỹanema so 'etaxat ỹachegoxotaigui aso coma' da yaqto' qami' nỹomaxa'n,

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Gálatas 4:9

Qalaxaye nagui qauauattoñi Ñim Lo'onatac 'Enauacna. Qaq dam ỹoqta 'eesa 'eeta': Ñimaye maye qami' ỹauatto'n. Qaq ỹoqo'oye saishet da saỹaten da chaq ta'ainco' da sa qami' ala'q da qanañañiỹot nam qanatameetacotpi maye saq 'en. Ye namayepi qaica ca la'añaxac qataq qaica ca naigui.

Nahúm 1:7

Ñim Nataxala' soxoraic, Ñimaye ñe'eguenaxala' da qaivireguet ca nhuogoxo, qataq npaxaalec nam pe'etecot Ñimaye,

Salmos 142:3

Naxa da mashe qaica ca ỹa'añaxac, qalaq 'Am Nataxala', aỹem 'auachaxana so nqa'aic, cha'aye so nqa'aic maye shectague' qoỹanangui aso nqoinapi.

Salmos 63:1

'Am maye 'Aro'onatac 'Enauacna, maye 'am Ñatamnaxala', ỹataqta huo'o da iyaxa da 'am ñimitaique, cha'aye ỹataqta huo'o da iuennataxa da qoneta, qataq 'enauac da ñachaalataxac 'am iuen, 'eeta'am ca 'alhua daqaqta maye iuen ca 'etaxat.

Éxodo 2:25

Nache Ñim Lo'onatac 'Enauacna ỹamata'a so Israel llalaqpi nache ỹoqocha'a souaxat de'era huaigui somayepi.

1 Corintios 8:3

Qalaxaye Ñim Lo'onatac 'Enauacna, ỹauattoota 'enauac nam ỹauotec Ñimaye.

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Jeremías 2:2

«Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Salmos 31:7

Da 'arsoxoyec ỹo'ot da ñetonaxac qataq da ỹamaicỹaxac, cha'aye 'am ỹataqta 'auauaachigui da ỹaquicoxo, qataq 'auaỹateeta na ñeque'eenaxacpi.

Salmos 1:6

Cha'aye Ñim Nataxala', ỹataqta ntela'a da llecỹaxac nam no'on da lataxac, qaq da llecỹaxac na qauemaicpi qalaq taỹa'a da nlaguiñi.

Génesis 31:40

Qaq ye na'a'q, qalaq aỹem ỹalauat na lqui'ic na ntap, qaq ye pe, qalaq aỹem ỹalauat na lqui'ic na latomaxa. ¡Qataq ivira'a da qaica ca ỹo'ochaxa!

Oseas 5:3

Qaq aỹem, ỹataqta sauatton na Efraín, qataq na Israel saishet da sa sauatton. Qalaxaye na Efraín, quegue da nquisheguetaxac, qaq na Israel, qalaq ỹataqta nshepaxanaqcheela't».

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.