Oseas 13:4 - La'aqtaqa Ñim Lo'onatac 'Enauacna 2013

⁴ Qaq Ñim Nataxala', 'eeta': Aỹem Nataxala', Aỹem maye Aỹem 'Anatamnaxala', chegoqta'a co'ollaq qonetaña ye Egipto; saishet qome da 'auauo'o ca lỹa 'anatamnaxala', cha'aye qaica ca lỹa 'arca'alaxaqui nachaỹemta.

Toba del Oeste

⁴ 'Laqatac joñe'me Jaliaĝanec: «Jayem Jaliaĝanec jo'ne mach'e Anedios ca'li maliaĝa oue'ta jona'me Egipto: Ena'te a'uamaqaten ta'le aua'uo ga'me qop'iyapega laqaya, maq joda'me jayem auen onolec, qa'a jayem onolec da'me Adec'alaĝaiqui.

Oseas 13:4 Referans Kwoze

Oseas 12:9

Qalaxaye, Aỹem Nataxala' maye Aỹem 'Anatamnaxala' co'ollaq qonetaña ye Egipto, 'am she'eguelaxata qome da qaltaq qonetaigui na npe'lpi, 'eeta'am co'ollaq ñauanaxa't, huaña ye toolec 'alhua.

Isaías 43:3

Cha'aye Aỹem Nataxala' maye Aỹem Qui'itta Natamnaxala' na Israel le'ecpi, 'am ñeca'alaxatec qome, Aỹem 'am sesheenaxana, nache sanec ye Egipto, Etiopía qataq ye Sabá da nmenegueta ñaqa'en 'am,

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

2 Reyes 18:35

Qaq ¿negue'to' que'eca natamnaxala' ne'ena ỹotta'a't shiỹaxauapi, maye ishet da nca'alaxateeguesop nam na'alhuapi da la'añaxac ñi nta'a ye Asiria? ¿Qaq ca 'eeteco' da qaupi'itaxañeetega da Ñim Nataxala', ishet da nca'alaxatec ye Jerusalén?»

Oseas 2:15

Huaña, nache she'eguelaxatot qome aye lañiguishe uva, qaq ye ca'amapega't ye Acor, nache llegueuo qome ñaqa'en da naquitaxac. Huaña qome nache do'onaxaatac, 'eeta'am co'ollaq ñaq qa'añole, 'eeta'am da 'eetec so na'a'q co'ollaq ca'ai ye Egipto.

Oseas 2:20

Huaña nache 'am saroneguet, nache ỹataqta 'am ñalemaqte', huaña qome nache aỹem 'auauatton da Aỹem Nataxala'.

Oseas 11:1

Co'ollaq ñaq saxanaxa da ỹe na Israel le'ecpi, nache Aỹem ỹataqta ỹauotaxat, qataq sachegoxotchiguiña co'ollaxa ye Egipto da seỹaxana na ỹalaqpi.

Oseas 12:10

Aỹem, shenapega co'ollaxa so na'aqtaxanaxanecpi, qataq sanem da qalota ñaqa'en na lauanaqchecpi, qataq sachegoxotchigui somayepi da qami' setaxaiguilo sauota'a nam ỹaloqnaxanaxatpi.

Jonás 2:10

Huaña nache Ñim Nataxala', 'enapega aso nỹaq late'e, nache asomaye anolec so Jonás, huaña naqa'en so loigue aso auaxai.