Oseas 13:3 - La'aqtaqa Ñim Lo'onatac 'Enauacna 2013

³ Qaq ỹoqo'oye namayepi 'eeta'am na sheue ye nte'eta, qataq 'eeta'am na 'aỹa, da ña nte'etom nache qaica, qataq 'eeta'am na 'auaqpi da ỹache na la'at lta'araic, qataq 'eeta'am na nmala'q da quisheguemgue ca lliguisheguem da huaỹoxoosheguem.

Toba del Oeste

³ Chane'eja ena'am joga'me loiquiaĝa nale ne'teta, uotaĝa nichaĝa nale yamta'le 'yoĝoñi, jo'ne nale ne'teta male qaya; ena'am joga'me epaĝa lojoche nale layat yayoĝon, ena'am joga'me nemala' nale ta'ya ga'me nemala' ladic.

Oseas 13:3 Referans Kwoze

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Salmos 1:4

Qaq na qauemaicpi qalaq saishet da nache 'eetec de'era, cha'aye namayepi 'eeta'am na 'auaqpi deqaqta da ỹaỹoxonaqchet na la'at.

Salmos 68:2

nache 'eeta'am na lmala'q da nlagaxat. Qataq quiguiñi 'eeta'am ana dapic lapa da tangui na norec, da huo'o Ñimaye nache qanauec na qauemaicpi.

Daniel 2:35

Qaq huaña nache so lcat, nqatelliguishec 'alhua, bronce, plata qataq so oro, 'enauac somayepi da dolachigui nache nda'a't lsoche, 'eeta'am da ivita ye napaxaỹaxa da qaichegoq na trigo, nache na la'at ỹaỹoxonaqchet na lvi, nache qaica ca no'onaxatañi. Qalaxaye som coma' maye ilaxachigui co'ollaxa se'eso ne'enaqtac, somaye nañigui da late'erai qasoxonaxa, nache ỹataqta imattalec ana 'alhua.

Isaías 17:13

Qalaxaye Ñim Lo'onatac 'Enauacna, qom nlaxa namayepi, nache datauec taỹa ca qaỹoqta, 'eeta'am ca 'auaqpi da ỹache ca la'at, nache talec naqa'en ana qasoxonaxapi, huo'otaq aca cotaque da huaỹoxon naqa'en ca la'at lta'araic.

Da na'aqtaguec so Job 21:18

¿Che laguio' co'ollaxa da ilagaxattac namayepi, da 'eeta'am naqa'en na 'auaqpi, da ỹache ana daua'ache?

Da na'aqtaguec so Job 30:15

Nache na ỹo'ot da ncolanaxa aỹem talec, nache da ỹo'oxoyec imeuo, 'eeta'am da ỹache na la'at, qataq da isallaxa qalaq 'eeta'am na lo'oc da huaỹoxon.

Sofonías 2:2

llaxatemaq ñaq saxanaxa da qami' qaichego'q da qoñeeta'am ca 'auaqpi, maye nacheye ye 'oonolec na'a'q huaigui da huaỹoxon; qataq da ñaq saxanaxa da qami' taleguete cam 'ettaigui layeloxo Ñim Nataxala', qataq ñaq saxanaxa da qami' nvitalo cam na'a'q maye huaigui ca layeloxo Ñim Nataxala'

Zacarías 8:12

Qaq qom danaxan namayepi qalaq huo'o da l-lagaxayec. Qataq ana lañiguishe uva huo'o qome ana ala, qataq na na'alhua no'on naqa'en 'enauac nam nañiguishecpi, qataq na piguem chegaqasheguema qome na 'aỹa. Qaq Aỹem so'otec qome da yaqto' hueto'ot 'enauac de'era, nam no'onañipi ne'ena nhuo' le'ecpi.