Oseas 13:2 - La'aqtaqa Ñim Lo'onatac 'Enauacna 2013

² Qaq namayepi ñaq queto'ot nagui da ỹo'ottac nam lasouaxashetpi, cha'aye nqatel na lcat plata, nache ỹo'ot na natamnaxala'pi maye maiche lo'onatac na lcat lo'opi. Ime, nache 'eeta': «Ña qaỹa'añem na qarachetaqtaxanaxachi». Nache na shiỹaxauapi napigoxoi' nam natamnaxala'pi, maye 'eeta'am na huaca llalec da lataxac.

Toba del Oeste

² Qama'te jogaa'me Efraín lec'oqo'tepi maliaĝa yauote loe'j. Chiyaqayi jaga'me plata da'me yauote ga'me netametot: jenjo' yauote nale neda'ña joga'me lelnataĝa'j, ga'me yauote naajo' onataĝanaĝayaqa. Enapega't nale: «Auauoyi adajaqajequi», qama'le joga'me jiyaĝadipi yataqata qonec'ouoq jenjo' uaca c'oĝot lequi'i.

Oseas 13:2 Referans Kwoze

Oseas 2:8

Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Isaías 46:6

Qaq huo'o na ỹachegoxotangui na lachoxonaxaqui na qalota oro, qataq naloqten na lcat plata ỹachangui ana naloqnaxanaxaqui, ime nache iỹaxana cam ỹaỹaten da do'onataxana na lcat plata da yaqto' ỹo'ot ca natamnaxala' qaq da ime nache ỹa'atto'oto naua l-llectel camaye qataq ỹo'oxoreetac.

1 Reyes 19:18

Qalaxaye aỹem, no'onañi ñaqa'en ca siete mil na Israel le'ecpi, maye saishet co'ollaxa da ỹa'aldoto naua l-llecte so Baal, qataq saishet da napigoxoi'.»

Jeremías 10:4

qaq ime nache ỹauo'o na llo'oxoraxat plata qataq na oro, qataq ỹauo'o ana clavo qataq ana ltoqnaxanaqte, da iuaxaañi da yaqto' saishet da hua'axañi.

Romanos 11:4

Qalaxaye Ñim Lo'onatac 'Enauacna ỹasategueto' somaye, 'eeta': «Ñaqauo'o na siete mil Israel le'ecpi maye saishet da natamnot nam saq 'en lqui'ipi ñim qanatameetacot le'enaxat Baal.»

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Oseas 11:6

Nache qairolec qome ca ỹeelonec, da qailaxachigui na huaqta'a't nỹecpi maye lalamaxatpi, qataq qailaxachigui na lpaqtaxatpi namayepi, qataq qanlaxaañi na maiche lapaxañi lataxacpi namayepi.

Oseas 10:1

Na Israel le'ecpi, qalaq 'eeta'am ana nañiguishe uva maye ỹataqta qalochiguiñi, qalaxaye co'ollaq ỹataqta qalota ana alapi, nache nataqa'en nquictauec ana no'oxoosheguem nca'atoxonaxalatepi. Qataq co'ollaq mashe ỹataqta 'onaxaic na na'alhuapi, nache nataqa'en ỹataqta 'onaxaic naqa'en nam saq 'en natamnaxala' coma'pi.

Oseas 8:6

Cha'aye ñi'iñi huaca llalec ñimaye lalamaxat na Israel le'ecpi, ñimaye le'enaqtac som ỹaỹaten da le'enaqtaxanaxac, qaq ñimaye saishet da nacheñi Ñim Lo'onatac 'Enauacna. Qaq ỹoqo'oye ñi'iñi huaca llalec, maye netaña ye Samaria, ñimaye dolagui qome.

Oseas 8:4

Qataq namayepi ỹauo'o co'ollaxa na lta'alpi, qalaxaye saishet da aỹem ipacapegue', qataq ỹauo'o na lataxala'pi maye saishet da sauatton. Qataq ỹo'ot nam natamnaxala'pi ỹachegoxotaigui na lalamaxat plata qataq na oro, nache ỹo'ot da maiche nlaguiñi namayepi.

Isaías 46:8

Qaq ña qauennachiỹa'a qome de'era qami' maye qami' 'etaxaloxoicpi, saishet qome da qauennacheetega cam saq'en, ỹataqta qauennataxañiitelec qome damaye,

Isaías 45:20

Qalapoñiỹa't qome, nache qauanaqui, qanquiquiiuo 'enauac qami' lca'alaxaicpi nam ỹotta'a't nhuo' le'ecpi. Ỹataqta qaica ca laỹaanataxanaxac nam qaica'attaueeguepi naxa da ỹachetac na ne'enaqtacpi qo'oipaq, qataq natameetacot nam atamnaxala'pi maye saishet da deca'alaqtaxan.

Isaías 30:1

Qaq Ñim Nataxala' 'eeta': «¡Choxoraxaso' nam ñalaqpi maye saỹalaq, nam aỹem saipacapegue' naxa da huo'o na lapaxañi da ỹo'ot, qataq iqataxanai' da lapaxañi nam saishet da samaxalec, nache ỹataqta lapootasheguem na lasouaxashetpi!

Isaías 1:5

Qami' ỹataqta qanañañeeguet da qami' yeloxoiqa, na qaro'oqui qalaq mashe qaica ca ishet da qaiuaxaachiguiña. Naua qarqaigolle' qalaq mashe dolate', nache mashe imauec da qaica ca qara'añaxaqui.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

2 Crónicas 33:23

Qalaxaye saishet co'ollaxa da nmanot Ñim Nataxala' da 'eeta'am da ỹo'ot co'ollaxa so lta'a Manasés, nacherata da nquigaxattasheguem na lasouaxashetpi.

2 Crónicas 28:13

Nache 'enapega somayepi, 'eeta': Saishet da qanaviquiiua'a ne'ena na qoroxoñiquipi, cha'aye damaye huo'o qome naqa'en da qarasouaxashet hueto'ot Ñim Nataxala'. Cha'aye de'era qauo'oche, ỹo'ot qome da nquiguec na qanpe'enaxacpi, qataq na qarasouaxashetpi, cha'aye mashe ỹataqta qalota nam qarasouaxashetpi, nache Ñim Nataxala' ỹataqta dalemataỹa qome na Israel le'ecpi.

1 Samuel 10:1

Nache so Samuel ỹacona aso ncoraxanaqte maye laỹe' so aceite, nache icorelec na lqaic so Saúl, ime, qaq napigoxoi' nache 'enapega, 'eeta': Ñim Nataxala', 'am lca'aguishec nagui da yaqto' 'aulo'ogue na lalamaxat nhuo' Israel le'ecpi.

Números 32:14

Qaq nagui, qami' llalaqpi so 'etaxaloxoicpi, qansheetaique da qoquiitegue da lataxac so qarta'ailpi, nache qanquigaxacheeuec da lalemataic Ñim Nataxala' da dalemataỹa na Israel le'ecpi.

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Oseas 4:17

Qaq na Efraín ye ỹataqta nañaneguet da ỹa'amaqten nam ne'enaqtacpi. Qaq qaua'aqaita'a qome.

Oseas 8:5

Qaq qami' maye qarmaye na Samaria, aỹem ỹataqta seqaiga ñim ne'enaqtac huaca llalec, maye qanatamñeetacot. Nache aỹem ỹataqta 'eroigui da ỹalemataic da qami' salemataỹalo. ¿Chaq laguio' da qaviyiỹa da qami' qui'itte'?

Oseas 10:5

Qaq nam Samaria le'ecpi ỹataqta huo'o qome da lcolanaxa, souaxat da deqat ñim huaca llalec maye netaña ye Bet Avén. Qaq souaxat ñimaye, nache ỹataqta huo'o da nachoxonnaxac nam nhuo' le'ecpi qataq na na'aqtaxanaxanecpi, souaxat da deqat da llo'oxoyec.

Oseas 14:3

Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Isaías 44:11

Qataq 'enauac nam natamnot qome na nqolacpi namayepi huo'o qome da ne'enaguec, cha'aye nam ỹo'ottac na nqolacpi namayepi choche shiỹaxauapi. Qaq da 'enauac namayepi da nachaateuo da qanmit, nache huo'o qome da la'aloxo qataq da lcolanaxa.

Jeremías 8:5

Qaq 'am Israel, ¿ta'ainco' ye aỹem qoca'ai? 'Am Jerusalén ¿ta'ainco' da nache qoqueto'ot da Aỹem sa 'auaconeguet? ¿Ta'ainco' da 'auacona da sa 'aualaq, nache saishet da aỹem 'añe'eguelaxa?

Oseas 11:2

Qalaxaye co'ollaq ỹapac da seỹaxaatega, nache lamaxa nquictauec da aỹem ca'ai. Nache namayepi ỹaatacot ana lachetaqtaxanaqte nam saq 'en atamnaxala'pi, qataq ỹavigaxattac na lchenaxanaxat da ỹanot nam ne'enaqtacpi.