Oseas 13:16 - La'aqtaqa Ñim Lo'onatac 'Enauacna 2013

¹⁶ Qaq na nhuo' le'ecpi ye Samaria qalaq talec qome ca nhuaxanaguec, souaxat da dataỹa'aguet Ñim Natamnaxala'. Qataq qairolec ca ỹeelonec da qaỹalauat, na llalaqpi qalaq qaiuaxaneguet qome na 'alhua da qaỹalauat, qataq ana hualaxaipi qaipeleca'ague qome ana da'am.

Toba del Oeste

¹⁶ Joga'me noic jo'ne Samaria naqaega ualegue qomle jenjo' nec'atenaĝanaĝac, qa'a yataqata 'yotan joñe'me Dios. Male yele'u qa'a ualo'te ñe'me nedaĝanaĝat jo'ne yayaqa yemeda naa'me lael; joga'me c'oqo'tepi male yataqata qoyajaĝa'ña jena'me aleua, jogaa'me yauo' jo'ne qo'uaĝael ualo'te da'me qoyichaĝayelo da'me qoyala't.»

Oseas 13:16 Referans Kwoze

2 Reyes 15:16

Qaq nache huetoiguilo se'esoua na'axa'te da so Menajén, iloquiaxan co'ollaxa so huaqta'a't nỹecpi ye Tifesaj, nache ỹacona 'enauac som nogoxoshetpi maye huetaigui somaye, qataq som logoxoshetpi so saqaỹapequepi somaye. Qaq souaxat da saishet da qaỹauateguet co'ollaxa somaye, nache chegoqchiguiña ye Tirsa da iloquiaxan co'ollaxa, nache nataqa'en ipeleca'ague ana da'am aso hualaxaipi.

2 Reyes 8:12

Nache so Jazael, inat somaye, 'eeta': ¿Ta'ainco' ye 'anỹeetac? nache so Eliseo, 'enapeco': Cha'aye saỹaten da 'auo'otec qome ca qauem na Israel le'ecpi, cha'aye 'auavigaxat qome na lle'eguenaxaquipi, qataq 'aurolec na ỹeelonec da 'aualauat na nsoxoppi, qataq 'aualauat nam ñaqpiolec maye llalaqpi namayepi, qataq 'aupeleca'ague ana da'am ana hualaxaipi.

Isaías 13:16

Qataq ỹauaachigui qanqa'en da qaiuaxaneguet na 'alhua cam qapio'olec llalaqpi, qataq qui'itchiguilo qanqa'en naua lma'ate qataq qancat ana lhuapi.

Amós 1:13

Qaq Ñim Nataxala', 'eeta': Na Amón le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da nshetaique da nquigaxatec na na'alhuapi, nache namayepi ipeleca'ague ana da'am ana hualaxaipi maye lma' ye 'alhua Galaad.

Nahúm 3:10

Qalaxaye ñaqaiyeta ye Tebas le'ecpi noxonecpi co'ollaxa, nache qaỹauega ye ỹaqa'a 'alhua, qaq natai' llalaqpi qalaq qaiuaxaneguet na 'alhua da huaña ana lamaqai na nqa'aicpi, qaq nam shiỹaxauapi maye huo'o naq 'enec qalaq qanallichigui, qataq lcat qanqa'en na lquetpi nam lataxala'pi namayepi.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Miqueas 1:4

Qaq ana qasoxonaxapi quiguiñi qome souaxat da pelec Ñimaye, 'eeta'am ana dapic lapa da qaỹasaxangui ca norec nache quiguiñi. Qaq nam ca'amapega't 'alhuapi qalaq colaxagui qome, 'eeta'am na 'alhua da ichec ca ỹataqta chaxaguet la'auaxac na 'etaxat.

Amós 9:1

Qaq ime, nache sela'a Ñim Nataxala', nachattaua'a na laỹe añi nca'atoxonaxalate, nache aỹem 'enapega, 'eeta': «'Auaxaalec qome na pa'asheguem ana lauoqtepi añi atamnaxaqui, yaqto' cholaxan na l-llecnaxanaxatpi nache da naañi na laỹepi nache talec na lqaic na shiỹaxauapi. Qaq ca lca'alaxaicpi namayepi nache serolec qome ca ỹeelonec da salauat. Nache ỹataqta qaica qome ca ishet da datauec, qataq qaica qome ca nca'alec.

Amós 3:9

Ña qaua'aqtaxañi qome da huaña na nma' lta'araicpi ye Asdod, qataq da huaña na nma' lta'araicpi ye Egipto, qoñiita': «Qalapoñiỹa't qome huaña aye qasoxonaxapi ye Samaria, nache qaumichiñi da qaica ca laỹamqa' nam hueta'a yemaye, qataq da ỹataqta qaica ca qairen na hueta'a yemaye».

Oseas 11:6

Nache qairolec qome ca ỹeelonec, da qailaxachigui na huaqta'a't nỹecpi maye lalamaxatpi, qataq qailaxachigui na lpaqtaxatpi namayepi, qataq qanlaxaañi na maiche lapaxañi lataxacpi namayepi.

Oseas 10:2

Qaq ne'ena Israel le'ecpi, colaxagui da lquiyaqteỹaxac, qaq namayepi nagui huo'o da lasouaxashet. Ñim Nataxala' ilaxachigui qome ana lca'atoxonaxalatepi namayepi, qataq nlaxaañi nam natamnaxala'pi coma'.

Oseas 7:14

Qataq saishet da ỹataqta lquiyaqteỹaxac da aỹem nachoxoreetacot, da huetalec ye lmala' da huo'o da nachoxoc. Qaq da iỹaxanaique na trigo qataq na lataxa nache ique'emaqchet da lo'ocỹaxac; ¡qaq ỹataqta aỹem dataỹa'aguet namayepi!

Isaías 17:3

Ye Efraín maye na'amaqteetapigui naxa ye Israel, qalaq nlaguiñi qome ye huaqta'a't nỹecpi maye mpaxattaua'a, qaq nache 'eeta'am qome ye Damasco, qaq cam no'onaña ye Siria, qalaq saishet qome da hueto'ot da namaxasoxonaxac. Qaq 'era da la'aqtac Ñim Nataxala' maye Qaica ca Ỹaqalanapec.

Isaías 8:4

Cha'aye ye nogotolec qom saxanaxa da ỹaỹaten da 'eeta' ‹taxare› qataq da 'eeta' ‹chera›, nache ye Damasco qataq ye Samaria ỹataqta qanhuotta qome, nache da lsallaxa qaira'a qome ñi nta'a ye Asiria.»

2 Reyes 17:18

Qaq ỹoqo'oye Ñim Nataxala', ỹataqta dalemataỹa so Israel le'ecpi nache ỹo'orauec, qalaxaye no'onaxatañi so maiche nalamaxat nhuo' le'ecpi maye chegoxoguet so Judá.

2 Reyes 17:6

Qaq co'ollaq mashe ivi' soua nueve vi'iye da lo'onataxanaxac so Oseas, nache so nta'a ye Asiria, loxonec co'ollaxa ye Samaria. Huaña nache ỹauec so Israel le'ecpi, ỹauega ye Asiria, nache ỹanalec ye 'alhua le'enaxat Jalaj, qataq ye Jabor, qataq ye tala Gozán, qataq yem huaqta'a't nỹecpi maye lalamaxat so meedopi.

2 Reyes 17:5

Huaña, nache so Salmanasar taỹa co'ollaxa da iloquiaxan 'enauac yi'iye 'alhua, qataq coleesop da nauan ye Samaria, qaq nache queto'ot da iloquiaxaatac yemaye soua tres vi'iye.