Oseas 13:12 - La'aqtaqa Ñim Lo'onatac 'Enauacna 2013

¹² Qaq nam qauem maye ỹo'ot co'ollaxa so Efraín nanettañi, qataq nam lasouaxashetpi qoỹettañi.

Toba del Oeste

¹² »Joga'me ja no'en jo'ne Efraín loĝot yataqata joote qoyediñe ca'li, yataqata 'uo joga'me lomalate da'me loec.

Oseas 13:12 Referans Kwoze

Da na'aqtaguec so Job 14:17

nache ỹataqta 'auapogoña da 'oxot na ñepe'enaxacpi, qataq 'auapalaxat 'enauac na ỹasouaxashetpi.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Da na'aqtaguec so Job 21:19

Cha'aye qoỹenapec naxa, da Ñim Lo'onatac 'Enauacna iqataxaatai' ca nhuaxanaguec na llalaqpi na qauemaicpi. Qamaq nachena taxa na qauemaicpi da ỹauo'o ca nhuaxanaguec yaqto' huo'o ca ỹaỹaten.

Jeremías 2:22

Qaq na'aictaxa da 'anỹo da 'auỹoxona ca no'on nỹoxonaxat, qataq da 'auỹoxona ca qalota nỹoxonaxatpi, qalaxaye nache 'eetai' qome da Aỹem hueto'ot na 'arasouaxashetpi. Qaq 'era da ỹa'aqtac, Aỹem Nataxala'.