Oseas 13:11 - La'aqtaqa Ñim Lo'onatac 'Enauacna 2013

¹¹ Qaq ỹataqta salemata co'ollaq 'am sanem som 'auỹaxaataique 'arta'alpi, qataq ỹataqta salemata co'ollaq ñeqat somayepi.

Toba del Oeste

¹¹ Am jalemataya ca'li, qama'le ja'uo joga'me adejaliaĝanec; yem qama'le yitaĝa am jalemataya, chayovida'a da'me yitaĝa jeuodaĝanec joga'me.

Oseas 13:11 Referans Kwoze

1 Samuel 10:19

Qalaxaye nagui qami' qauo'otañi Ñim Qanatamnaxala'ai, maye qami' isoueeguesopa co'ollaxa 'enauac so lqalaiguesat, qataq so qanque'eenaxaqui, qaq nagui qami' qauo'otañi Ñimaye, cha'aye souaxat da qauỹaxañiỹaique ca qarta'ai da yaqto' qami' ilo'oguelo. Qaq ỹoqo'oye nagui qauanaqui, nache qanachaachiuo, qataq ñi 'oonolec ỹataqtac ca maiche lauo' le'ecpi qataq ca maiche llalaqpi.›»

Oseas 10:3

Qaq namayepi nagui yo'oqta da 'eeta': «Qaica ca qarta'a, souaxat da qaica ca 'enec ñaqa'enaq Ñim Nataxala'. Qalaxaye da huo'o ca qarta'a nache ¿Negue'to' ca ishet da qomi' ỹo'oteque?

Proverbios 28:2

Da huo'o da loquiaxac ca qanayeutaña 'alhua, nache ỹo'ot da nquictauec na nataxala'pi, qalaxaye ca nataxala' maye huo'o na ỹaỹaten da ilo'ogue camaye nache ỹaỹamaqchiguiñi naqa'en da lataxac que'eca qanayeuta'a.

1 Samuel 16:1

Nache Ñim Nataxala' 'enapego' so Samuel, 'eeta': ¿Chaq laguio', qaq 'axaañi da 'araquicoxo souaxat so Saúl? Ye aỹem mashe sa saỹamaxaren somaye da queta da lta'a na Israel le'ecpi. Ña qoñisheguem qome, nache 'auỹoxogui aca huaca lcoue ca 'arcoraxanaxat aceite, nache qojec da 'anqo'ona ye lma' ñi Yesé, maye naña ye Belén, cha'aye mashe lleca'aguishec ñi 'oonolec soua llalqa da yaqto' lta'a na Israel le'ecpi.

1 Samuel 12:13

Qalaxaye 'iñi nagui ñi nta'a maye qarca'aguishiqui. Ñim Nataxala' qami' ỹanema ñim qauỹaxañiỹaique co'ollaxa.

Oseas 10:7

Huaña qome nache qaica so nta'a ye Samaria, 'eeta'am ca 'epaq laỹe da ỹache na 'etaxat.

1 Samuel 10:17

Qaq co'ollaq ime, de'era nache so Samuel iỹaxanegue 'enauac so Israel le'ecpi, da yaqto' natamnot naqa'en Ñim Nataxala' da huaña ye Mispá;

1 Samuel 15:26

Nache so Samuel 'enapeco': Aỹem saishet da 'am ñenaicapegue', cha'aye mashe sa 'auaconeguet da lamaxasoxonaxac Ñim Nataxala', qataq Ñimaye mashe saishet da 'am ishetaxateguet da 'am lta'a naqa'en na Israel le'ecpi.

Oseas 3:4

Cha'aye qaỹoqtrec qome caua na'axa'te da na Israel le'ecpi, qaica ca lta'a, lataxala', qataq qaica ca lachetaqtaxanaxat, qataq aca lca'atoxonaxalatepi qataq qaica ca ltogue lapoxot, qataq ca natamnaxala' na maiche llalaqpi.

Oseas 8:4

Qataq namayepi ỹauo'o co'ollaxa na lta'alpi, qalaxaye saishet da aỹem ipacapegue', qataq ỹauo'o na lataxala'pi maye saishet da sauatton. Qataq ỹo'ot nam natamnaxala'pi ỹachegoxotaigui na lalamaxat plata qataq na oro, nache ỹo'ot da maiche nlaguiñi namayepi.

1 Samuel 12:1

Huaña nache so Samuel 'enapega 'enauac so Israel le'ecpi, 'eeta': Qami' qauauañiichigui da aỹem so'ot 'enauac nam qauỹaxañiỹaique, qataq sauo'o ñi qarta'ai.