Oseas 13:10 - La'aqtaqa Ñim Lo'onatac 'Enauacna 2013

¹⁰ Qaq ¿hua'ague ca hueta'ague cam 'arta'a, da yaqto' nca'alaxatec na 'aralamaxat huaqta'a't nỹecpi? Qataq ¿ca hueta'ague cam 'arataxala'pi, maye 'auỹaxanot co'ollaxa da ỹauo'o ca 'arta'a qataq 'arataxala'pi?

Toba del Oeste

¹⁰ Qama'le nayi, ¿jego ue'tague joga'me adejaliaĝanec, qaedi am nec'alaĝategue? ¿Jegaua jogaa'me lajoĝola'te gaa'me noyaqa, jo'ne aue'n adejaliaĝanec nataq'aen adajoĝola'te ca'li?

Oseas 13:10 Referans Kwoze

Oseas 8:4

Qataq namayepi ỹauo'o co'ollaxa na lta'alpi, qalaxaye saishet da aỹem ipacapegue', qataq ỹauo'o na lataxala'pi maye saishet da sauatton. Qataq ỹo'ot nam natamnaxala'pi ỹachegoxotaigui na lalamaxat plata qataq na oro, nache ỹo'ot da maiche nlaguiñi namayepi.

Oseas 10:3

Qaq namayepi nagui yo'oqta da 'eeta': «Qaica ca qarta'a, souaxat da qaica ca 'enec ñaqa'enaq Ñim Nataxala'. Qalaxaye da huo'o ca qarta'a nache ¿Negue'to' ca ishet da qomi' ỹo'oteque?

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Zacarías 14:9

Qaq que'eca na'a'q, Ñim Nataxala', ilo'ogue qome 'enauac ana 'alhua. Ñim Nataxala' Nacheñita qome 'oonolec, qataq 'oonolec da le'enaxat.

Oseas 13:4

Qaq Ñim Nataxala', 'eeta': Aỹem Nataxala', Aỹem maye Aỹem 'Anatamnaxala', chegoqta'a co'ollaq qonetaña ye Egipto; saishet qome da 'auauo'o ca lỹa 'anatamnaxala', cha'aye qaica ca lỹa 'arca'alaxaqui nachaỹemta.

Jeremías 8:19

Da la'alaxac na ihuo' le'ecpi qaỹa'aqtega 'enauac ne'ena 'alhua: «¿Peta'a Ñim Nataxala' mashe saq hueta'a ye Sión? ¿Peta'a mashe saq hueta'a so nta'a?» Nache Ñim Nataxala' ỹasat, 'eeta': «¿Ta'ainco' da aỹem qanogoqchichi da qanatamñiitacot nam ne'enaqtacpi atamnaxala'pi maye qaica ca naigui qataq ỹaqa'a?»

Jeremías 2:28

'Am Judá, ¿hueta'ague ca 'anatamnaxala'pi maye 'aro'onatacpi? ¡Ỹataqta qalota nam 'anatamnaxala'pi 'eeta'am ca huaqta'a't nỹecpi! ¡Ña qonapega ctaxa da ñesheguem! ¡Shapegueto' da ishet da 'am nca'alaxatec qom 'am nvita cam qauem!

Isaías 43:15

Aỹem, nachaỹem Nataxala', maye so'ot co'ollaxa na Israel le'ecpi, Aỹem Qui'itta Atamnaxala', qataq aỹem Qarta'ai.»

Isaías 33:22

Cha'aye Ñim Nataxala' nacheñi Ñim qomi' ỹauecta'agueta nacheñi Ñim qomi' ilotegueto qataq nacheñi Ñim qarta'a. Qaq Ñimaye nacheñi ñim qomi' nca'alaxatrec qome.

Salmos 149:2

Qami' Israel le'ecpi, qantoñeetapeguec qome Ñim qami' lo'onataqa, qami' Sión lashe', qantoñiitapeguec qome Ñim Qarta'ai.

Salmos 89:18

'Am Nataxala', nache 'am qarpaqtaxanaxat, qataq nache 'am qarta'a, 'am qui'itta Natamnaxala' na Israel le'ecpi.

Salmos 74:12

Qaq 'Am Atamnaxala', nache 'eetai' co'ollaxa soua hua'au' vi'iye da nache 'Am Ita'a. Qaq nache 'am da 'anda'a da lca'alaxa na huetalec ana 'alhua.

Salmos 44:4

'Am Ñatamnaxala' ¡'am maye nache 'am ita'a! Nache 'am maye 'aỹa'anem da loxonaxanaxac so Jacob.

Salmos 10:16

Ñim Nataxala' choche tatec da lo'onataxanaxac da Nta'a, qaq na ỹotta'a't shiỹaxauapi qalaq imeuo qanqa'en ana 'alhua.

2 Reyes 17:4

Qalaxaye so Salmanasar, maye nta'a ye Asiria, nanoma so Oseas da dataỹa'aguet somaye, cha'aye somaye huo'oi soua lamaxa'she, ỹamaxa so nta'a So, maye nta'a ye Egipto, qataq mashe saishet da ỹaneuo ana lsheetenaxanaqte maye iuen da ỹaneuo ye 'oonolec vi'i da yaqto' isheeten so nta'a ye Asiria. Ỹoqo'oye so nta'a Salmanasar, damaxasoxoolec co'ollaxa da qaỹaconeua'a somaye, nache qaicoñe'.

1 Reyes 12:20

Nache so Israel le'ecpi co'ollaq la'axaỹaxac da ñe'eguelaq so Jeroboán, nache damaxasoxoneuga da yaqto' taua'a qanqa'en so naponaxac, huaña nache somaye qoỹanagui da lta'a 'enauac so Israel le'ecpi. Nache ỹataqta qaica ca no'onañi se'eso nhuo' le'ecpi da ca'ategue so llalaqpi so David, qaq nachesota so maiche lalamaxat lauo' le'ecpi so Judá da no'onañi.

Oseas 3:4

Cha'aye qaỹoqtrec qome caua na'axa'te da na Israel le'ecpi, qaica ca lta'a, lataxala', qataq qaica ca lachetaqtaxanaxat, qataq aca lca'atoxonaxalatepi qataq qaica ca ltogue lapoxot, qataq ca natamnaxala' na maiche llalaqpi.

Oseas 7:7

Qaq 'enauac somayepi 'eeta'am aca nqatelaxanaxaqui maye 'ettaigui, da ỹavigaxat som lataxala'pi. Qataq 'enauac so lta'alpi da nmichiguiñi naqa'en, nache qaica da huo'otaq 'oonolec ca aỹem iỹaxaatacot.

1 Samuel 8:7

qalaxaye Ñim Nataxala' 'enapego' somaye, 'eeta': «'Auauo'o qome ca iỹaxaataique ne'ena shiỹaxauapi, cha'aye saishet da nache 'am da 'am ỹo'otan namayepi, maye nachaỹem maye aỹem ỹo'otan da yaqto' saishet da selotague'.

Lamentaciones 4:20

Qaq nataqa'en som lca'aguishec Ñim Nataxala' noxonec, som ỹa'añaqchettac co'ollaxa da qanachaalataxac, som nta'a maye setaxasoqtega naxa shenaqta': «Souaqto'ot qome na lpaqal da salegaqtaigui na ỹotta'a't shiỹaxauapi».