Oseas 13:1 - La'aqtaqa Ñim Lo'onatac 'Enauacna 2013

¹ Qaq nam shiỹaxauapi ye Efraín naxa da detaqa, nache na laỹepi nhuo' le'ecpi maye chegoxoguet so Israel, ỹataqta huo'o naq 'enec naqa'en namayepi. Qalaxaye ye Efraín ilem na lasouaxashetpi, souaxat da natameetacot so Baal.

Toba del Oeste

¹ Ca'li joñe'me Efraín dojetac, jena'me Israel yataqata 'uo da'me lauategaĝac; qalaĝaja Efraín male ualegue leleuaĝa ca'li ya'uo jenjo', da'me netamenot joñe'me Baal.

Oseas 13:1 Referans Kwoze

Oseas 11:2

Qalaxaye co'ollaq ỹapac da seỹaxaatega, nache lamaxa nquictauec da aỹem ca'ai. Nache namayepi ỹaatacot ana lachetaqtaxanaqte nam saq 'en atamnaxala'pi, qataq ỹavigaxattac na lchenaxanaxat da ỹanot nam ne'enaqtacpi.

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Proverbios 18:12

Da ime da 'amqaanaxac nache anac da saqaipaigui ca qaỹo'ot, qataq da ime da qaica ca na'amaqchec nache nca'attalec da qaica ca qaiueetac.

1 Reyes 12:25

Qaq so Jeroboán, qaltaq no'oxoosheguem so huaqta'a't nỹecpi ye Siquén, maye nalec aye qasoxonaxapi ye Efraín, qaq somaye nache naña co'ollaxa yemaye. Ime, nache no'oxoosheguem nataqa'en ye Peniel.

1 Samuel 15:17

Nache so Samuel, 'enapec: «¿Peta'a saisheto' da nache 'am co'ollaxa da qonapec qaica ca 'ara'amaqchec? Qalaqca 'avira'a da 'am lataxala' na maiche nalamaxat nhuo' Israel le'ecpi, qataq Ñim Nataxala' 'am ỹanagui da 'am lta'a na Israel le'ecpi.

Jueces 12:1

Qaq co'ollaq mashe qaỹata'ague de'era nache so ỹalleppi maye chegoxoguetpi so Efraín, naỹamaxat co'ollaxa nache taitague da le'ego so tala Jordán, nache taỹa ye Safón. Huaña, nache 'enapega so Jefté, 'eeta': ¿Ta'ainco' ye qomi' sa 'aucoyegue'n da yaqto' 'am setauanaq co'ollaq 'anqo'ona da 'auloquiaxan ye 'amoniitapi? ¡Qaq nagui, nache qouetaigui ñaqa'enaq ñi 'arma' da 'am savigaxataq!

Jueces 8:1

Qaq som nhuo' le'ecpi maye chegoxoguetpi so Efraín ỹataqta dalemataỹa co'ollaxa so Gedeón, nache ncotaỹapegue' souaxat da saishet da iỹaxana somayepi co'ollaq jec da delogui' so madianiitapi.

Josué 3:7

Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

Números 13:16

Qaq 'esoua soua le'enaqa'ate soua ỹale't maye ỹama'q co'ollaxa so Moisés, da demeenaxana ye 'alhua Canaán. Qalaxaye so Moisés naralaxat da le'enaxat so Oseas, som llalec so Nun, nache ỹanagui da Josué.

Números 13:8

Oseas, som llalec so Nun, som chegoxoguet na maiche lauo' le'ecpi so Efraín,

Números 10:22

Ime, qaltaq jec so alleppi maye ỹachetac aso la'anaqte na chegoxoguetpi so Efraín, qaq so lataxala' somayepi nacheso so Elisama, som llalec so Amiud.

Génesis 2:17

qalaxaye nacharata ara qo'oipaq maye chegaqaigui da qaỹauatton ca no'on, qataq ca qauem, saishet qome da qollec ana ala aramaye, cha'aye qom qollec nache 'aleu.»

2 Corintios 5:14

Da lsoxoyec So Cristo nachera da qomi' ỹauecta'agueta, cha'aye qomi' saỹaanaqta da 'oonolec so ileualec 'enauac na shiỹaxauapi, qaq ỹoqo'oye 'enauac na shiỹaxauapi 'eeta'am nataqa'en da ileu.

Romanos 5:12

Da hua'auchiguiñi nasouaxashet ana 'alhua chegoqchigui so Adán co'ollaq sa ỹalaq. Nache chegoqchigui de'era nasouaxashet da yo'oq da nleuaxa ana 'alhua. Qaq cha'aye 'enauac da huo'o da lasouaxashet, nache 'enauac nataqa'en da ileu namayepi.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Da na'aqtaguec so Job 29:21

Qataq 'enauac na aỹem na'axaỹaxaatega, ỹataqta ñe'emaxatta da iuatta'alo naua iqataxaco.

Da na'aqtaguec so Job 29:22

Qaq da setaqtac qalaq qaica ca aỹem ỹasata'aguet. Naua ỹa'aqtaqa qalaq ỹataqta qaỹamaategueta,

Oseas 2:8

Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Oseas 8:4

Qataq namayepi ỹauo'o co'ollaxa na lta'alpi, qalaxaye saishet da aỹem ipacapegue', qataq ỹauo'o na lataxala'pi maye saishet da sauatton. Qataq ỹo'ot nam natamnaxala'pi ỹachegoxotaigui na lalamaxat plata qataq na oro, nache ỹo'ot da maiche nlaguiñi namayepi.

Isaías 7:8

Ye nỹecpi ye Damasco nacheye ye netaña na nta'alpi ye Siria, qaq so Resín, nacheso so nta'a ye Damasco, qalaxaye qom inoxoorec caua sesenta y cinco vi'iye, nache na Efraín nlachiguiñi qome, nache ivitta'a da toolec.

Oseas 2:10

Qataq na nquisheshaxauapi ỹauaachigui qome ñaqa'en da aloic asomaye. ¡Nache qaica ca nca'alaxateeguesop da ihuaqỹaxac!