Oseas 12:8 - La'aqtaqa Ñim Lo'onatac 'Enauacna 2013

⁸ Qaq na Efraín, qalaq 'eeta': ¡Aỹem ỹataqta aỹem sallaxanec, ỹataqta qalota ana llaỹoñiguishe aỹom! ¡Qalaxaye qaica ca ishet da anac da ỹauo'o ca ỹasouaxashet, da 'eetega sachegoxotaigui da icachaxac de'era isallaxa!

Toba del Oeste

⁸ Efraín 'laqatac: “Eja nayi yataqata jayem neuoyaq, yataqata jauana jaga'me laicaua. Qalaĝaja qaya'te yaqanatet ta'le 'uo joga'me en yaviyaĝajet, da'me nayi 'uo jaga'me yomataĝanaqate, qa'a eja te'me ja jayem 'te no'en”.

Oseas 12:8 Referans Kwoze

Apocalipsis 3:17

Cha'aye 'am qonetega da 'am sallaxanec, qataq ỹataqta 'onaxaic da 'icỹaxac qataq qaica ca 'aueetaique. Qalaxaye saisheto' da 'anauattoola't da qaica ca 'aramaicỹaxac qataq qaica ca ye 'am qataq 'am choxoraq qataq saishet da 'anauaañi qataq qouetauec.

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

1 Timoteo 6:5

qataq qaica ca loga't da loquiaxac. Qaq nam shiỹaxauapi maye ỹo'ottac de'era, namayepi ỹataqta sa ỹaỹaten da ỹaỹamaxatchiguiñi ca lhuennataxac, namayepi saishet da ỹaỹaten da 'eesa lataxac. Namayepi ipi'itaxaatega da qaỹachegoxotchigui da na'amqaanataxanaxac da qanauec ca lta'araic nsallaxa.

Zacarías 11:5

Nam desheenaxana anamayepi da ỹalauat, qalaq saq noma da huo'o ca lasouaxashet, qataq na imen anamayepi qalaq, 'eeta': ‹¡Sanot da ña'achec Ñim Nataxala', cha'aye mashe aỹem sallaxanec!› Qaq ivira'a na maiche nhuataxauapi anamayepi, da saishet da ichoxoreetac.

Proverbios 30:20

Aca 'alo maye ncachetague' ca sa lhua, 'eeta' da lataxac: deque'e, qataq iỹogui na alap, ime, nache 'eeta': «Aỹem qaica ca so'ot saỹaỹamaxañi.»

Proverbios 30:12

Qataq huo'o na ipi'itaxaatega da qui'itta da lataxac, qalaxaye saishet da iỹouec na ishepaxanaqchet da lataxac.

Salmos 52:7

«Ña qauloỹa ñim saishet da nmitaique, da ỹe'eguenot Ñim Lo'onatac 'Enauacna, nacherata da pe'etega da lta'araic lsallaxa, qataq nache queto'ot da lle'etaxaloxo.»

Salmos 49:6

Nam pe'etega da lsallaxa, qataq ño'oxoreetapigui na qalota lalamaxatpi,

Deuteronómio 8:17

Qataq saishet qome da qarhuennataqai, da 'eeta': «'Enauac de'era qarsallaxa damaye chegaqaigui da qaro'onataxanaxac, qataq da la'añaxac naua qarhuaxaye.»

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Lucas 16:13

Qaica ca namaxashec da ishet da do'onataxanoto caua dos na'aco'ye, cha'aye ishet da 'oonolec ca ỹauotec saq 'ena'am ca lỹa. Qataq ishet da ỹalaxaguet ca 'oonolec qaq ca lỹa qalaq saishet da ỹalaxaguet. Qaq nache 'eetec nataqa'en, da saishet da qaỹo'onataxanot Ñim Lo'onatac 'Enauacna qataq da nsallaxa.»

Lucas 12:19

Ime, nache maiche ntaqteguela't, 'eeta': Nagui mashe ỹataqta qalota nam ỹalamaxatpi maye saỹamaxat, namaye nalaiguilo caua saqaỹoqteguelo vi'iye. Nagui ñematec, seque'etac, ñeỹomtac, qataq samachiguiñi.›

Lucas 10:29

Qalaxaye som dapaxaguenataxaatapeguec na namaxasoxonaxacpi saishet da maguiñi souaxat de'era lasataxac So Jesús, nache qaltaq ỹe'eguelaxalec da inat Somaye, 'eeta': –¿Negue't cam ỹalamaxat iqaỹa?

Malaquías 3:13

Ñim Nataxala', 'enapec: Qami' ỹataqta sansatte' naua qara'aqtaqalli' da Aỹem qautaqaitega. Qalaq ñaq 'eetalec da qaunataxañeetac qoñeeta': «¿Negue't cam qauem qara'aqtac da 'am sataỹaqa'aguet?»

Habacuc 1:16

Qaq ỹoqo'oye namayepi ỹataqta ỹo'oxoren na laleguecpi qataq ana lqoinapi, nache ỹanot nam lachetaqtaxanaxat qataq ỹavigaxat na nchenaxanaxat da ỹo'oxoren namayepi, cha'aye nache chegoqchigui namayepi da sa qoue da lquia'axac namayepi.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

Jeremías 2:35

Qalaxaye na'aictaxa 'enauac de'era, 'am qonapec: ‹Aỹem qaica ca ỹasouaxashet. Ñim Lo'onatac 'Enauacna mashe saishet da aỹem denotega.› Aja', cha'aye qonapec da qaica ca 'arasouaxashet, nache Aỹem 'am sataỹa'aguet qome da 'am ñimit.

Malaquías 2:17

Qaq Ñim Nataxala', mashe qami' nasamiisopa da qami' na'axaỹaxaategalo; qalaq ñaq 'eetalec da qanataxañeetac, qoñeeta': «¿Negue't cam huo'omshe qomi' nasamiisopa?» Cha'aye qami' qoñiỹapec naxa, da Ñim Nataxala' ỹaỹamaxareeta nam ỹo'ottac na qauem, qataq machiguiñi Ñimaye souaxat namayepi. ¡Qami' sa qaua'amaqcheñi da Ñimaye, ỹataqta nalochiguiñi da lataxac!

Ezequiel 28:5

Qaq cha'aye sa 'anqalaate' da llec da 'anmenaxac, nache 'anquigaxattasheguem da 'arsallaxa, qaq de'era 'arsallaxa nachera da ỹo'ot da 'ana'amqaanaxac.

Oseas 4:8

Qataq ỹachegoxottapigui na lasouaxashetpi nam ỹalamaxat nhuo' le'ecpi da lquia'axac namayepi, ỹoqo'oye ỹayeeta'a da nache ỹo'ottac na qauem nam shiỹaxauapi maye ỹalamaxatpi.

Oseas 13:6

Qalaxaye co'ollaq mashe ỹaguec na qo'oqoi, nache naua qarquiyaqtelli' nlaxaguilo da qana'amqaanaxaqui, huaña nache Aỹem qaucoviỹa'ai.

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Proverbios 11:1

Ñim Nataxala' sa ỹaỹamaxaren aca naloqnaxanaxaqui sa naloguiñi, qalaxaye ỹaỹamaxareeta aca naloqnaxanaxaqui maye nalochiguiñi.

Jeremías 5:27

Naua lma'ate qalaq nlaqchiguilo na lcachaxatpi, 'eeta'am aca laỹe' na qoỹo da nlaqchigui qanqa'en. Qaq 'era da 'eetec namayepi da ivira'a da 'añaxaicpi qataq sallaxanecpi,

Amós 8:5

qataq qoñiỹapec naxa: «¿Chaq laguio' da inoxonec na nquia'axac maye qaỹo'ot naxa da dalaxaic ñi ca'agoxoic, yaqto' ishet da semenaq na ala na trigo? Qataq ¿chaq laguio' da inoxonec nam na'a'q mataxaqui, da yaqto' qaỹoqteua'a ñaqa'enaq aca lasheue da semenaq na ala na nañiguishec, sauoqta'a ana saq 'en naloqnaxanaxaqui?