Oseas 12:2 - La'aqtaqa Ñim Lo'onatac 'Enauacna 2013

² Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.

Toba del Oeste

² Joñe'me Jaliaĝanec ya'uo laqalaic di'me Israel, ya'uo lec'atenaĝanaĝac di'me noic jo'ne Jacob, qa'a yajouaĝat da'me ja no'en lelnataĝaco; yejeteneque da'me mach'e etede'ec joga'me yauotedac.

Oseas 12:2 Referans Kwoze

Miqueas 6:2

Qami' qasoxonaxapi qataq qami' maye qami' no'oxootaleguete ana 'alhua, ñaq qana'axaỹaxañiỹa da ncotaxac Ñim Nataxala', cha'aye Ñimaye taỹa'a da nmit na lalamaxat nhuo' le'ecpi, qataq ncotaỹapegue' qome na Israel le'ecpi.

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Isaías 10:6

Samaxalec qome da iloquiaxan nam shiỹaxauapi maye qauemaicpi, nam shiỹaxauapi maye aỹem inogoqchet, yaqto' decachiỹa qataq deuotaxanec da lsallaxa, qataq yaqto' petapigui 'eeta'am ca nshaxa maye huetangui na nqa'aicpi.

Gálatas 6:7

Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi.

Romanos 2:6

Qaq que'eca na'a'q Ñim Lo'onatac 'Enauacna ỹami' ñi 'oonolec cam naigui ca lo'onataxanaxac.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Oseas 4:9

Qaq ne'ena nhuo' le'ecpi, nache 'eeta'am ñaqa'en qome na ntaxaỹaxanaxanecpi, da sauo'o ca nhuaxanaguec, souaxat dam qauem lataxac namayepi.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Jeremías 25:31

Da l-llimiaxa da lavilỹaxac, qalaq ivira'alo naua loga'te ana 'alhua, cha'aye Ñim Nataxala' lapaxañi qome ca ltaxaỹaxac da dataỹa'aguet na ỹotta'a't shiỹaxauapi, nache iỹaxaneuga qome da nmit 'enauac na shiỹaxauapi, da yaqto' ỹaneguet da l-leuaxa nam qauemaicpi. Qaq 'era da la'aqtac Ñim Nataxala'.›»

Isaías 59:18

Ñim Nataxala' ỹanem qome ñi 'oonolec cam naigui nam ỹo'ottacpi, qataq ỹauo'o ca nhuaxanaguec nam mpa'aguenaxauapi. Qataq nam nquiỹatega Ñimaye, ỹanem qome ca nsheetenaguec, ivira'a nam shiỹaxauapi maye netalec ana ỹaqauga 'alhuapiolec aso auaxai.

Isaías 24:21

Que'eca na'a'q Ñim Nataxala' ỹauo'o qome ca nhuaxanaguec na 'añaxaicpi maye hueto'ot na piguem qataq na nta'alpi maye netalec ana 'alhua.

Isaías 10:12

Qaq Ñim Nataxala' qom imat 'enauac nam ỹo'otecpi qome añi qasoxonaxa Sión qataq ye Jerusalén, nache ỹauo'o ca nhuaxanaguec ñi nta'a ye Asiria souaxat da na'amaqchengui nam ỹo'otpi, qataq da ño'oxonnaxac qataq da napagaqaanaxac.

Isaías 3:11

¡Qaq choxoraxaso' ca qauemaic! Cha'aye ỹataqta qauem qome da llecỹaxac, cha'aye Ñim Lo'onatac 'Enauacna isheeten qome, ipacchigui naqa'en nam ỹo'otpi camaye.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Oseas 7:2

Nache saishet da tagui lauel da Aỹem ñetoueeta'ac 'enauac nam qauem maye ỹo'otpi. Qaq nagui qalaq coleesop nam maiche ỹo'ottacpi maye qauem, nam nache 'eetai' naxa da semeteetac.

Oseas 9:15

«Qaq huaña co'ollaxa ye Gilgal da ỹo'ot 'enauac na qauem namayepi, qaq nache huaña nataqa'en da seqaiga namayepi. Qaq souaxat nam qauem maye ỹo'otpi namayepi, nache so'orauec qom huaña ñi ima', qataq saxaañi da sauotec namayepi, cha'aye 'enauac nam lataxala'pi namayepi da sa ỹalaq.

Amós 2:4

Qaq Ñim Nataxala', 'eeta': Na Judá le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye sa ỹaconeguet nam lapaxaguenataxanaxacpi Ñim Nataxala', qataq sa ỹalaxagueta naua lqataxaco Ñimaye, nacherata da natameetacot nam ỹaqa'a atamnaxala'pi, maye natameetacot co'ollaxa so hua'au lta'alpi.

2 Reyes 17:4

Qalaxaye so Salmanasar, maye nta'a ye Asiria, nanoma so Oseas da dataỹa'aguet somaye, cha'aye somaye huo'oi soua lamaxa'she, ỹamaxa so nta'a So, maye nta'a ye Egipto, qataq mashe saishet da ỹaneuo ana lsheetenaxanaqte maye iuen da ỹaneuo ye 'oonolec vi'i da yaqto' isheeten so nta'a ye Asiria. Ỹoqo'oye so nta'a Salmanasar, damaxasoxoolec co'ollaxa da qaỹaconeua'a somaye, nache qaicoñe'.

Da na'aqtaguec so Job 15:2

«Ca ỹaanaxanaxaic da detaqa qalaq saishet da nasaxauec ca la'aqtac maye qaica ca naigui, qataq saishet da ỹashettaguilo naua ltaxaỹaxaco da 'eeta'ama na la'at,

Salmos 78:36

Qalaxaye na alap qataq ñi lachaxat, choche nanoldec naua 'onaxaiqa latenataxanaxaco,

Eclesiastés 5:15

Qaq dam 'eetec co'ollaq naỹa ana 'alhua, qaq nache 'eetec qom jec da ca'ai ana 'alhua: ỹataqta huetauec 'eeta'am co'ollaq cheta'ague da ñeguiñi, nache qaica ca ỹache 'enauac nam lalamaxatpi maye chegaqaigui dam lta'araic lo'onataxanaxac.

Isaías 30:6

Qaỹa'axata'a da 'eetec qome nam shiguiỹacpi ye Néguev: Qaq ye 'alhua maye nlaqaalec da lchec, yem hueta'a na llonpi maye desoqtai', qataq hueta'a na 'araxanaqpi qataq nam 'araxanaq maye ishet da huaỹo, qataq ỹache da lsallaxa qataq na no'on logoxoshetpi ỹachelec na l-laq na 'ashena qataq ana nauanaxanaxa, da ira'a ye Egipto yem nhuo' le'ecpi maye qaica ca ỹaỹaana'a,

Oseas 7:1

Qaq co'ollaq ñatareetac na Israel le'ecpi, nache yo'oq da lle'etaxaloxo na Efraín, qataq nam lasouaxashetpi nam Samaria le'ecpi, cha'aye namayepi ỹo'ottac da natenataxanaxac, nache na'aictaxa da yo'oxoñi qalaq inoxotaua'a na nỹecpi, qataq decachiỹot nam quetague' na nqa'aicpi.

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Oseas 8:9

cha'aye namayepi tasheguema ye Asiria, 'eeta'am na 'ashena no'onaxa le'ec maye huegaqaic. Qaq na Efraín qalaq desheenaxata'a ana quisheguetaxaipi.

Oseas 8:10

Qaq na'aictaxa da ỹanem na nme nam ỹotta'a't shiỹaxauapi, qalaxaye nache 'ena'am selagaxattac qome namayepi, nache huo'oi qome caua na'axa'te da nque'etaxangui da lque'eenataxanaxac na nta'alpi qataq nam nataxala'pi.