Oseas 11:4 - La'aqtaqa Ñim Lo'onatac 'Enauacna 2013

⁴ Qaq Aỹem serolec co'ollaxa da huesotta ỹauotaxanaqtaic da ñaueguela't namayepi, qataq ñesoxouo, 'eeta'am ca nogotolec maye ñaq lleptac, nache ñeqateeguesop na qapa'atta maye npeetague' namayepi, nache sanem na aloq da sequia'axaatac.

Toba del Oeste

⁴ Da'me yoqopich'i ena'am ga'me ñec qaedi ñauela'ajalo jogaa'me; ena'am ta'le janayelo gaa'me leque'te, qa'a joqopitalo. Yataqata ñedotequena, jen davi'tegueta naa'me yanoqo, ena'am joga'me notolec nale maliaĝa uanoquetac; yataqata yecochiyalo jogaa'me qaedi jiqui'yaĝa'n.

Oseas 11:4 Referans Kwoze

Juan 12:32

Qaq qom ivita da Aỹem qaiuaxaneguet ca ñepe'enaxaqui, nache huaña qome, nache so'otec da 'enauac Aỹem qaỹa'amaqten.

Levítico 26:13

Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto da yaqto' saishet da nache 'eetai' da qami' l-lataqa yemayepi. Qataq qami' ñeqateeguesopa da qapa'atta qanlataguiiqui, nache huaỹoxootegue ñaqa'en da qarqauaxaqui.

2 Corintios 5:14

Da lsoxoyec So Cristo nachera da qomi' ỹauecta'agueta, cha'aye qomi' saỹaanaqta da 'oonolec so ileualec 'enauac na shiỹaxauapi, qaq ỹoqo'oye 'enauac na shiỹaxauapi 'eeta'am nataqa'en da ileu.

Oseas 2:8

Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

Salmos 105:40

Qaq co'ollaq iỹaxanaique aloq somayepi, nache Ñimaye namaq so qalota dachemipi, qataq ỹo'ot da icomatec naqa'en so nallec piguem le'ec.

2 Samuel 7:14

Qaq camaye nache Aỹem lta'a, qataq camaye ỹataqta ỹalamaxat ỹalec. Ỹoqo'oye camaye da huo'o ca lsomaxac, nache Aỹem seuaxan qataq salashen, sheeta'am ca camachaqca nta'a da ỹauota'a ca lalashenaxanaxat da iuaxan, qataq ỹalashen ca llalec.

Éxodo 16:32

Ime, nache so Moisés 'enapeco': «'Era da ỹan la'aqtac Ñim Nataxala', 'eeta': Qauachiỹangui qome aca naloqnaxanaxaqui maye ivi' dos kilos ana maná. Ime, qaq qauaỹamaxache yaqto' lmeena ca qaỹa'alquipi, yaqto' camayepi ishet qome da ỹauatton nam nallec maye qami' sequia'axategueeque co'ollaq qoviitalec na toolec 'alhua co'ollaq qami' ñeqateeguesopa ye Egipto.»

Deuteronómio 32:12

Ñim Nataxala' qami' ỹauecta'agueta co'ollaxa, ¡nache qaica ca ỹaqa'a atamnaxala' da itauan Ñimaye!

Deuteronómio 32:14

qataq qollequiitac naqa'en so huaca lche', qataq so isaxa't lche' ana qagueta, qataq so ỹataqta chaxaraic lapat so qagueta llalec, so qagueta qataq so quetaq lhuaraic maye huaña ye Basán, qataq qollequiitac so ỹataqta no'on ala so trigo, qataq qanỹomiitapigui so ỹataqta no'on lataxa maye lli'i aso uva.