Oseas 11:3 - La'aqtaqa Ñim Lo'onatac 'Enauacna 2013

³ Qaq na'aictaxa 'enauac de'era, Aỹem sapaxaguenec da lqueuoxoc na chegoxoguetpi so Efraín, qataq sauecta'aguet co'ollaxa, ñasoqta'a na lhuaq namayepi, qalaxaye saishet da ỹaỹaaneguet da Nachaỹem da selotague' namayepi.

Toba del Oeste

³ Te'me 'uo jenjo', qalaĝaja yataqata yecochiya di'me noic jo'ne Efraín, yataqata japaĝaguenec da'me 'noota ladic, qalaĝaja jogaa'me ja yetade'n da'me naqayem da'me jetelalo.

Oseas 11:3 Referans Kwoze

Jeremías 30:17

'Am she'eguelaxatem qome da 'arca'alaxa, qataq ñataren na 'arque'emaxapi, qaq na'aictaxa na 'ampa'aguenaxauapi da 'enapec: ‹Na Sión ỹataqta qaỹalat qaica ca qochetega namaye.› Qaq 'era da ỹa'aqtac Aỹem Nataxala'.

Deuteronómio 1:31

qataq cai huaña ye toolec 'alhua. Nache qauauañiichigui da Ñimaye ỹataqta qami' nachetrashegue'm choche qami' nviraxatraua'alo ne'ena 'alhua, 'eeta'am ca nta'a da nachetasheguem ca llalec›.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Oseas 7:15

Qaq na'aictaxa da sapaxaguen co'ollaxa namayepi, qataq sauo'o da la'añaxa'c naua lhua'q, qalaxaye namayepi lapaxañi na qauem da yaqto' aỹem dataỹa'aguet.

Hechos 13:18

Ñim Lo'onatac 'Enauacna ỹataqta ntela'a somayepi co'ollaq quetalec so toolec 'alhua se'esoua cuarenta vi'iye.

Oseas 14:4

Da la'aqtac Ñim Nataxala', 'eeta': «Aỹem saỹamaxaañi qome da qauem lataxac namayepi, nache choche sechoxoren, souaxat da sauotec namayepi, cha'aye da ỹayeloxo mashe ca'ai ñaqa'en namayepi.

Oseas 7:1

Qaq co'ollaq ñatareetac na Israel le'ecpi, nache yo'oq da lle'etaxaloxo na Efraín, qataq nam lasouaxashetpi nam Samaria le'ecpi, cha'aye namayepi ỹo'ottac da natenataxanaxac, nache na'aictaxa da yo'oxoñi qalaq inoxotaua'a na nỹecpi, qataq decachiỹot nam quetague' na nqa'aicpi.

Oseas 2:8

Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Isaías 46:3

Ñaq aỹem qana'axaỹaxañiỹa qami' maye qauachegoqoiguet so Jacob, qataq 'enauac nam no'onañipi nam nhuo' Israel le'ecpi. Aỹem qami' sacheta'ape co'ollaq saxanaxa da qami' ñiguiyiñi, qami' ñachetrashegue'm co'ollaxa,

Isaías 30:26

Nache Ñim Nataxala' nataren qome na lque'emaxapi qataq lcolaxapi nam lalamaxat nhuo' le'ecpi. Qaq huaña nache na le'eraxa ñi ca'agoxoic 'eeta'am na le'eraxa añi nala', qaq na le'eraxa añi nala', qalaq siete da nquiguec da 'eroigui, 'eeta'am na le'eraxa da huaxaỹa't caua siete na'axa'te.

Éxodo 23:25

Nacherata da Aỹem qanatamñiitacot, Aỹem Nataxala' maye Qanatamnaxala'ai, yaqto' qami' sechoxonneque ca ỹotta'a't nallec qataq ca qaraquipi. Qataq aỹem seỹotauga qome nam nalolaxapi,

Jeremías 8:22

¿Peta'a qaica ca natannaxanaxat ye Galaad? ¿Peta'a qaica ca natannaxanaq da hueta'a yemaye? ¿Ta'ainco' da saishet da no'oita na ihuo' le'ecpi?

Isaías 1:2

'Am piguem qataq 'am 'alhua, ña qana'axaỹaxañiỹa da la'aqtac Ñim Nataxala' maye, 'eeta': «Aỹem saqchet co'ollaxa so ỹalaqpi, nache seviraxata'a da ỹepi ñaqa'en, qalaxaye somayepi aỹem dataỹa'aguet co'ollaxa.

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Éxodo 19:4

Qami' qauauañiichigui co'ollaxa da so'otec so Egipto le'ecpi, qataq da 'eetec da qami' ñauegalo na soota'a. De'era qoyecỹaxaqui 'eeta'am da qoñeetalguete naua laua't so vi'ic.

Salmos 107:20

Qataq namaxa so la'aqtac nache nataren, qataq nqateeguesop aso huachiqui.

Deuteronómio 33:27

Ñim Lo'onatac 'Enauacna maye nache 'eetai' da 'aye'eguenaxala', qataq Ñim nache 'eetai' da 'am nlletañi, qataq 'am dataueeguesop naqa'en na 'ampa'aguenaxauapi, qataq 'am ỹamaxalec co'ollaxa da 'aulaxachigui namayepi.