Oseas 11:2 - La'aqtaqa Ñim Lo'onatac 'Enauacna 2013

² Qalaxaye co'ollaq ỹapac da seỹaxaatega, nache lamaxa nquictauec da aỹem ca'ai. Nache namayepi ỹaatacot ana lachetaqtaxanaqte nam saq 'en atamnaxala'pi, qataq ỹavigaxattac na lchenaxanaxat da ỹanot nam ne'enaqtacpi.

Toba del Oeste

² Jalcote ca'li da'me jiyaĝanalo, qalaĝaja yataqata jayem queda'e. Ca'li jena'me jenjo' yalaqapi yauote lajaqaje'j, yatema jogaa'me qop'iyapegalo ja yataqatelo'te, yeguedoue nale joga'me yoĝoqui jo'ne davioĝon da'me laeta, qaedi yate'm gaa'me nequi'il.

Oseas 11:2 Referans Kwoze

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Jeremías 18:15

Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.

Isaías 65:7

dam lalaataxanaxac namayepi qataq nam lalaataxanaxacpi som lta'alpi. Somayepi ỹavigaxat naxa na lchenaxanaxat da huaña ana qasoxonaxapi qataq aỹem inogoqchettac da huaña ana lcomaraxalatepi. Qaq ỹoqo'oye Aỹem Nataxala' shenapec da seque'emaqchet qome namayepi da lasheue ñaqa'en nam ỹo'otpi co'ollaxa.

Oseas 11:7

Ne'ena ỹalamaxat nhuo' le'ecpi ỹataqta lhuennataxa da Aỹem dataỹa'aguet, ỹoqo'oye na'aictaxa da iỹaxaatega da ỹe'enaxat, qalaxaye saishet da ỹoqta 'eesa da Aỹem ỹo'oxoreetac.

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Juan 3:19

Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Lucas 13:34

¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Zacarías 7:11

Qalaxaye se'eso nhuo' le'ecpi saishet co'ollaxa da ỹalaq. Nacherata da datatec, nache ỹe'enaxat da saq hua'aqa.

Jeremías 35:13

«Aỹem Nataxala' maye Qaica ca Seqalanapec qataq Natamnaxala' na Israel le'ecpi, 'am samaxa da 'anqo'ona ye shiỹaxauapi maye lma' ye Judá qataq ye Jerusalén nache qonapega, qoneta': Qauaỹaañiteguet qome de'era, nache qaualaqailec na ỹamaxasoxonaxacpi. Qaq 'era da ỹa'aqtac Aỹem Nataxala'.

Nehemías 9:30

Qataq qaỹoqteguelo soua vi'iye da 'anhualaxaueetague' somayepi, qataq 'auachegoxotchigui da lta'araic 'ara'añaxac, qataq so 'ara'aqtaxanaxanecpi da 'anhuoxoqtega somayepi qalaxaye ỹoqta 'am sana'axaỹaxana, ỹoqo'oye qaltaq 'aỹa'aneguet da lhuaqỹaxac so npa'aguenaxauapi, maye lma' yi'iye 'alhua.

1 Reyes 18:19

Qaq ỹoqo'oye nagui, 'auauo'o qome ca 'auamaq da laỹona't 'enauac na Israel le'ecpi, nache taỹa qome añi qasoxonaxa Carmelo, qataq ca cuatrocientos cincuenta la'aqtaxanaxanecpi ca Baal qataq ca cuatrocientos la'aqtaxanaxanecpi aca Aserá, maye lquia'axaua naxa aca Jezabel.

1 Reyes 12:33

Qaq so na'a'q quince so ca'agoxoic ocho, nache so Jeroboán ỹaneuo co'ollaxa so lachetaqtaxanaxat, ỹachalec aso nca'atoxonaxalate maye no'oxoosheguem co'ollaxa maye naña ye Betel, huetoigui se'eso na'a'q maye somaye maiche ỹo'ot da laloxoqui naqa'en da la'amqaanataxanaxac so Israel le'ecpi, qaq nache huetoigui nataqa'en se'eso ca'agoxoic da tasheguema aso nca'atoxonaxalate da ỹavigaxat so lchenaxanaxat.

Jueces 10:6

Qaq so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala', souaxat da ỹo'oxoreetac so ỹotta'a't ne'enaqtac lqui'ipi so Baal qataq aso Astarté, nataqa'en so natamnaxala'pi so siiriopi, Sidón le'ecpi, moabiitapi, 'amoniitapi qataq so filisteopi. Nache ca'ai Ñim Nataxala', qataq ỹaxaañi da natameetacot Ñimaye.

Jueces 3:7

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Jueces 2:13

Nache ca'ai Ñim Nataxala' souaxat da natameetacot so Baal, qataq so ỹotta'a't ne'enaqtac lqui'ipi aso Astarté,

Zacarías 1:4

Qaq saishet qome, da qaue'enaxache da lataxac so hua'au qarta'ailpi, maye so hua'au na'aqtaxanaxanecpi da'aqtaxanem co'ollaxa da ỹa'aqtac, da yaqto' ỹaxanec da qauem lataxac, qataq nam qauem maye ỹo'ottacpi, qalaxaye somayepi saishet co'ollaxa da Aỹem na'axaỹaxana, qataq saishet da Aỹem ỹalaxaguet. Qaq 'era da ỹa'aqtac Aỹem Nataxala'.

Oseas 4:13

Qataq tasheguema na pa'asheguem ana qasoxonaxapi, qataq ana lcomaraxalatepi, da ỹo'ot nam lachetaqtaxanaxatpi, qataq da ỹavigaxat na lchenaxanaxatpi, qataq huo'ot naqa'en na lpaqal ana qo'oipaqpi rooblepi, 'aalamopi qataq ana enciinapi. Qaq ỹoqo'oye ana llalepi ncogagui qome da lquisheguetaxac, qataq ana latelpi lauatapiguiñi' qome nam sa lhuapi.

Jeremías 44:5

Qalaxaye qami' saishet da Aỹem qaualaqaiguet qataq saishet da Aỹem qauqochiỹa, nda'a't da nache qoquiito'ot da qaỹa'añiitacot na qarchenaxanaxache maye ama na laita nam ỹaqa'a atamnaxala'pi.

Oseas 4:17

Qaq na Efraín ye ỹataqta nañaneguet da ỹa'amaqten nam ne'enaqtacpi. Qaq qaua'aqaita'a qome.