Oseas 10:9 - La'aqtaqa Ñim Lo'onatac 'Enauacna 2013

⁹ Ñim Nataxala', 'eeta': «Na Israel le'ecpi saishet da ỹaxaañi da ỹo'ottac nam lasouaxashetpi, chegoqta'a co'ollaq huaña ye Guibeá da ỹo'ot namayepi. ¡Qaq nache saq ỹaxanec da ỹo'ottac namayepi! Ỹoqo'oye que'eca alaataxac ique'elaxat qome ne'ena 'etaxaloxoicpi qom huaña ye Guibeá.

Toba del Oeste

⁹ Nenaĝategue ca'li ñe'me Jaliaĝanec jenjo': «Ami Israel lec'oqo'tepi, yataqachiñe ja aĝañiñi da'me adoequi, chiyoqo'teguet ca'li ovi'ta di'me Guibeá chayovida'a nayi. Chane'eja chiyoqochi'ña qomle di'me dijo' Guibeá, male ami novitalo joga'me nalada't.

Oseas 10:9 Referans Kwoze

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Jueces 20:5

Qalaxaye nacheso se'eso pe, anac so 'etaxaloxoicpi maye netaña yi'iye huaqta'a't nỹecpi nache coleesop ñim sonaqtaigui nỹec cha'aye huotaique da aỹem ỹalauat, qaq aye ihua lỹa nache qaỹaconeua'a da qancat, qataq ỹataqta qaỹe'en, nache qaỹalauat ayemaye.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Oseas 5:8

¡Ña qauashiiyigui ana nasheere qom huaña ye Guibeá! ¡Qataq ana nasheerepi qom huaña ye Ramá! ¡Qataq qauauoi ca qara'alaxaqui maye la'anaxat ca alaataxac qom huaña ye Bet Avén! ¡Yaqto' ỹe'elaq nam chegoxoguetpi so Benjamin!

Oseas 10:8

Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

Oseas 10:10

Qaq qom ñeshet da sauo'o ca nhuaxanaguec ne'ena nhuo' le'ecpi, nache na ỹotta'a't shiỹaxauapi dataỹa'aguet qome namayepi, qom ivita da sauo'o ca nhuaxanaguec souaxat nam qalota lle'etaxaloxosat.