Oseas 10:8 - La'aqtaqa Ñim Lo'onatac 'Enauacna 2013

⁸ Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

Toba del Oeste

⁸ Yataqachiñe qoyolaĝa't qomle gaa'me tamenaqa'te jo'ne uetalo'te gaa'me qajoĝona'a, qa'a jenjo' Israel laje'pi ueteda'a nale qaedi yauote loe'j. Chane'eja gaa'me c'atonaĝala'te nadije'ma qomle gaa'me laĝadiijat nataq'aen jaga'me yaĝat. Qama'le jogaa'me jiyaĝadipi enapegalo qomle gaa'me qajoĝona'a: «¡'Noota qom male qo'mi auoĝochidiñe!» Nach'e ena'am enapegalo qomle gaa'me comada'a: «¡'Noota qom a'naqaiñe, qo'mi ayilo'te qomle!»

Oseas 10:8 Referans Kwoze

Lucas 23:30

Huaña qome, nache na shiỹaxauapi 'enapega ana qaỹoqotcheguemec 'alhuapi, 'eeta': «Ña qomi' qaupataqaiyiñi.» Qataq 'enapega ana comarelecpi, 'eeta': «Ña qomi' qo'oxochiiyiñi.»

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!

Isaías 2:19

Qom ivita da nachaañi Ñim Nataxala', da imattalec naqa'en ana 'alhua da lchec, nache na shiỹaxauapi nqañoxotoigui qome na lauacpi ana coma'pi qataq na lpoxoỹaxapi ana 'alhua, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye.

Oseas 9:6

Qaq da qoqui da qananeltaxañeeguet da qanhuaxanaguiiqui, nache na Egipto le'ecpi qami' ỹaconeua'alo qome, nache huaña ye Menfis da qami' ilalyiñi. Qaq ana qaraỹamaqtai plata qalaq ñaxaalec qome ana poqo no'onaxa lashe, qaq nam qaranataqa'aipi qalaq ñaxaalec qome ana qo'oipaqole maye huo'o ana le.

Amós 8:14

Qataq nam ỹanot da la'aqtac nam atamnaxala'pi ye Samaria, maye 'eeta': «Aỹem san da ỹa'aqtac souaxat da lca'alaxa ñim atamnaxala' ye Dan», qataq «souaxat da lca'alaxa ñim atamnaxala' ye Berseba», qaq namayepi huañi qome nache saishet da qaltaq ỹe'eguelaxa da ñesheguem.

Isaías 32:13

Cha'aye ne'ena na'alhua nam ihuo' le'ecpi ñaxaalec qome ana ỹaxat qataq na huouesat, qataq 'enauac na nma'pi maye hueta'a naxa da namaicỹaxac, yem huaqta'a't nỹecpi maye lqopitaxat da na'ashaxac.

Apocalipsis 9:6

Qaq qom qanayeetaiguilo que'ecaua cinco ca'agoxoiqa, nache na shiỹaxauapi maye qaisoc co'ollaxa, ỹataqta huo'o da lyaxa da nache ileu, qalaxaye saishet da ileu. Cha'aye da nleuaxa qalaq 'eeta'am da dataueeguesop namayepi.

Miqueas 1:13

Qaq qami' maye qarma'ai na Laquis, ñaq qaucoñeyeeua'a ana naigonapi na caipi, cha'aye nache qami' chegoqchiguilo da lasouaxashet ye Sión, qataq nache qami' chegoqchiguilo da ỹataqta sa ỹalaq na Israel le'ecpi.

Miqueas 1:5

Qaq 'enauac huo'o qome de'era ỹasouaxat da nam chegoxoguetpi so Jacob ỹataqta sa ỹalaq, qataq souaxat na lasouaxashetpi na nhuo' Israel le'ecpi. Cha'aye huaña ye Samaria co'ollaxa da saỹalaq nam chegoxoguetpi so Jacob. Qataq ye Jerusalén nalec naqa'en nam saq'en natamnaqa'pi nam Judá le'ecpi.

Oseas 10:5

Qaq nam Samaria le'ecpi ỹataqta huo'o qome da lcolanaxa, souaxat da deqat ñim huaca llalec maye netaña ye Bet Avén. Qaq souaxat ñimaye, nache ỹataqta huo'o da nachoxonnaxac nam nhuo' le'ecpi qataq na na'aqtaxanaxanecpi, souaxat da deqat da llo'oxoyec.

Oseas 10:2

Qaq ne'ena Israel le'ecpi, colaxagui da lquiyaqteỹaxac, qaq namayepi nagui huo'o da lasouaxashet. Ñim Nataxala' ilaxachigui qome ana lca'atoxonaxalatepi namayepi, qataq nlaxaañi nam natamnaxala'pi coma'.

Oseas 5:8

¡Ña qauashiiyigui ana nasheere qom huaña ye Guibeá! ¡Qataq ana nasheerepi qom huaña ye Ramá! ¡Qataq qauauoi ca qara'alaxaqui maye la'anaxat ca alaataxac qom huaña ye Bet Avén! ¡Yaqto' ỹe'elaq nam chegoxoguetpi so Benjamin!

Oseas 4:15

Qaq 'am Israel, da 'anquishishi, qaq no'on da saishet da ivira'a ye Judá, da huo'o ca lasouaxashet. Qaq saishet qome da qanqo'oñiỹa ye Gilgal, qataq da qa'aisheguema ye Bet Avén, qataq da qaỹa'añi ca qara'aqtaqui da qoñeeta': «Nca'altauec Ñim Nataxala'.»

Oseas 4:13

Qataq tasheguema na pa'asheguem ana qasoxonaxapi, qataq ana lcomaraxalatepi, da ỹo'ot nam lachetaqtaxanaxatpi, qataq da ỹavigaxat na lchenaxanaxatpi, qataq huo'ot naqa'en na lpaqal ana qo'oipaqpi rooblepi, 'aalamopi qataq ana enciinapi. Qaq ỹoqo'oye ana llalepi ncogagui qome da lquisheguetaxac, qataq ana latelpi lauatapiguiñi' qome nam sa lhuapi.

Isaías 34:13

Qataq na lma' lta'araicpi ñaxaalec qome ana ỹaxat, qaq na lpaqtaxanaxatpi qalaq ñaxaalec ana poqo qataq ana cotaque. Qataq nache lma' qome yemaye ana huaxaỹaxapi, qataq lle'eguenaqa' qome yemaye na mañecpi.

2 Crónicas 31:1

Qaq co'ollaq ime 'enauac de'era, nache 'enauac so Israel le'ecpi maye hueta'a yi'iye, taỹa 'enauac so huaqta'a't nỹecpi maye ỹotta'a't naua nañalo ye Judá, nache ilaxachigui so atamnaxala'pi coma'pi, qataq so lqui'ipi aso Aserá, qataq so qaỹoqotcheguemec atamnaqa'pi, nache ivitta'a da nlaxaañi 'enauac som naña ye Judá, Benjamín, Efraín qataq ye Manasés. Ime nache 'enauac so Israel le'ecpi, ỹe'eguelaxalo naua nañalo so huaqta'a't nỹecpi maye ỹotta'a't naua nañalo, nache ỹataqtac nam maiche lma'pi somayepi.

2 Reyes 23:15

Nataqa'en nlaxaañi aso nca'atoxonaxalate, qataq som qaỹoqotcheguema atamnaqa'pi maye naña ye Betel, som no'oxoosheguem co'ollaxa so Jeroboán, som llalec so Nabat, maye huo'o co'ollaxa naqa'en nam lasouaxashet so Israel le'ecpi. Nache so Josías, ỹataqta dolachigui naqa'en somayepi, nataqa'en ỹavigaxat som lqui'i aso Aserá.

1 Reyes 14:16

Nache Ñim Nataxala', ca'ai qome na Israel le'ecpi, souaxat na lasouaxashetpi so Jeroboán, maye ỹo'ot nataqa'en na lasouaxashetpi nam Israel le'ecpi.»

1 Reyes 13:34

Qaq souaxato' de'era, nache so llalaqpi so Jeroboán 'enauac da huo'o da lasouaxashet, qataq ỹo'ot da qanmatchiguiñi somayepi da huetalec ana 'alhua.

1 Reyes 13:2

Qaq somaye, na'axanneque co'ollaxa naua la'aqtaqa maye Ñim Nataxala' ỹamaxalec somaye da ỹa'axa't, 'eeta': «Nca'atoxonaxalate, nca'atoxonaxalate: Ñim Nataxala', 'eeta': ‹Huo'o qome ca ñiguiñi nogotolec chegaqaigui na llalaqpi so David, le'enaxat Josías, qaq camaye ỹalauat qome na ntaxaỹaxanaxanecpi maye 'am ilotague', nache 'am ỹachalec, nam 'am ỹachalec naxa da ỹavigaxat na nchenaxanaxat, qataq nache 'am hualec naqa'en da ỹavigaxat na lpi'inecpi na shiỹaxauapi.›»

Deuteronómio 9:21

ime, nache sacona so qare'enaqtaqui huaca llalec maye atamnaxala', som ỹo'ot da qarasouaxashichi, nache sasaxangui so norec. Ime, qataq selaxachigui ivitta'a da ndotec lsoche nache sasaxangui so la'auaxac maye chegaqasheguema añi qasoxonaxa.

Génesis 3:8

Qaq so ỹale qataq aso 'alo, co'ollaq hua'axaira'aguet Ñim Lo'onatac 'Enauacna da coleetapeguelec so nanqa' ana nañiguishepi, quetaigui so la'at atomteguet so avit, nache soomaye nqañoxooyiñi co'ollaxa, taroigui so qo'oipaqsat se'eso nanaxanaqa'.

Oseas 2:6

Qaq ỹoqo'oye sapogui qome nam llecpi sauota'a ana ỹaxat, qataq sauo'o ca npaqtaxanaxat da sapoua'a, yaqto' saishet da ỹanata nam llecpi.

Oseas 10:9

Ñim Nataxala', 'eeta': «Na Israel le'ecpi saishet da ỹaxaañi da ỹo'ottac nam lasouaxashetpi, chegoqta'a co'ollaq huaña ye Guibeá da ỹo'ot namayepi. ¡Qaq nache saq ỹaxanec da ỹo'ottac namayepi! Ỹoqo'oye que'eca alaataxac ique'elaxat qome ne'ena 'etaxaloxoicpi qom huaña ye Guibeá.

Amós 7:9

Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.

Nahúm 3:11

Qaq 'am Nínive, nataqa'en 'am qaitaqchet qome nache 'am qaỹapoua'a, huaña qome nache 'anmittaique ca 'anqañoxotaqa' souaxat na 'anpa'aguenaxauapi.

Isaías 2:21

Nache camayepi nqañoxotoigui qome na lauacpi ana coma'pi, qataq na lpoxoỹaxapi ana lcomaraxalatepi, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye qom ivita da nachaañi, da imattalec naqa'en ana 'alhua da lchec.

Oseas 8:5

Qaq qami' maye qarmaye na Samaria, aỹem ỹataqta seqaiga ñim ne'enaqtac huaca llalec, maye qanatamñeetacot. Nache aỹem ỹataqta 'eroigui da ỹalemataic da qami' salemataỹalo. ¿Chaq laguio' da qaviyiỹa da qami' qui'itte'?

Amós 1:5

Qataq senoxotaua'a qome da sacagaxat na nasompi ye Damasco, qataq selaxachigui qome na nta'alpi ye ca'amapega't 'alhua ye Avén, qataq cam nta'a maye ilotague' ye Bet Edén, qataq noxonecpi qome na siiriopi, nache qaỹauega ye Quir. Qaq 'era da la'aqtac Ñim Nataxala'.

Amós 3:14

cha'aye qom ivita ca na'a'q da sauo'o ca nhuaxanaguec na Israel le'ecpi souaxat da lle'etaxaloxo, nache selaxachigui qome ana nca'atoxonaxalatepi ye Betel, qataq huacagre'c ñaqa'en naua lcoue aca nca'atoxonaxalate, nache naayiñi huetraiya' ñaqa'en.