Oseas 10:6 - La'aqtaqa Ñim Lo'onatac 'Enauacna 2013

⁶ Cha'aye ñim huaca llalec qaỹache qome, qaira'a ye Asiria da yaqto' qoỹanem so ỹataqta 'amaqtaqaic nta'a. Huaña qome, nache nam netaña ye Efraín huo'o da la'aloxo, qataq na Israel le'ecpi huo'o qome da la'aloxo souaxat ñi natamnaxala'.

Toba del Oeste

⁶ Nach'ejo jo'me nequi'i male qoyeda'a qomle jodi'me Asiria, qaedi qoyen najaqajec jo'ne qoyanem joñe'me nejaliaĝanec jo'ne p'ajaye. Chane'eja gaa'me Israel laje'pi yataqachiñe 'uo qomle ga'me lepocoĝo'j, qa'a nepocoĝodelegue ga'me te'me p'iida'a.

Oseas 10:6 Referans Kwoze

Oseas 5:13

Nache ye Efraín qom ila'a da lalolaxa, qataq ye Judá qom ila'a da lque'emaxa, huaña qome nache ye Efraín, nqo'ona so 'amaqtaqaic nta'a ye Asiria, da iỹaxanaique ca ntaunaguec, qalaxaye somaye saishet qome da no'oita naqa'en, qataq saishet da nataren na lque'emaxa.

Isaías 30:3

Qalaxaye da la'añaxac ñi Faraón ỹo'ot qome da lcoxo namayepi, qataq da deuaqtacot na lpaqal ye Egipto ỹo'ot qome da qaica ca 'enec namayepi.

Daniel 11:8

Qaq nataqa'en era'a qome ye Egipto ca atamnaxala'pi maye chegaqaigui na nqatelliguishec lcat, qataq cam laỹepi no'on nogoxoshetpi maye chegaqaigui na oro qataq na lcat plata. Qaq qom huo'oi caua inoxoorec vi'iye, da qaica ca alaataxac que'ecaua dos 'alhua,

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Oseas 8:6

Cha'aye ñi'iñi huaca llalec ñimaye lalamaxat na Israel le'ecpi, ñimaye le'enaqtac som ỹaỹaten da le'enaqtaxanaxac, qaq ñimaye saishet da nacheñi Ñim Lo'onatac 'Enauacna. Qaq ỹoqo'oye ñi'iñi huaca llalec, maye netaña ye Samaria, ñimaye dolagui qome.

Oseas 4:19

Ỹoqo'oye anac qome ca la'at, nache ỹache namayepi, nache huo'o qome da la'agaxa souaxat da natameetacot nam saq 'en atamnaxala'pi.

Oseas 4:7

Qataq co'ollaq nquictauec da qalota nam ntaxaỹaxanaxanecpi, nache nataqa'en ỹataqta nquictauec nam aỹem hueto'ot lasouaxashetpi, ỹoqo'oye da llo'oxoyec namayepi, nmeneguet qome ñaqa'en da qaica ca la'amaqchec namayepi.

Ezequiel 36:31

Qaq qom qauennache dam qauem qarataxaqui co'ollaxa, qataq nam qauem maye qauo'oche, nache maiche qami' pa'aỹo'oto qome da huo'o da qara'agaqai, souaxat nam qarasouaxashechi, qataq nam qauem maye qauo'oche co'ollaxa.

Jeremías 48:13

Qaq huaña qome nache ye Moab, nomteguet da la'agaxa souaxat ñi Quemós, 'eeta'am na Israel le'ecpi co'ollaq nomteguet da la'agaxa souaxat so Betel maye ỹacheto'ot co'ollaxa da naquitaxac.

Isaías 45:16

'Enauac nam ỹo'ottac na ne'enaqtacpi atamnaxala'pi, huo'o qome da la'aloxo qataq qaica ca la'amaqchec, qataq qane'eetapigui.

Isaías 1:29

Qaq huaña qome nache qaua'aquiilec ana enciinapi, qataq nam nanaxanaqa'piolec maye ỹataqta qanqopichiỹa, nam huaña naxa da qavio'oxoreñi nam ne'enaqtac atamnaxala'pi.

Da na'aqtaguec so Job 18:7

Naua lqauaxaqui' qalaq nquictrañi da la'añaxa'c, qataq na lapaxañipi maye 'eetapeguecpi nache maiche huañi naqa'en camaye.

2 Reyes 17:3

Qaq so Salmanasar maye nta'a ye Asiria, nqo'ona da iloquiaxan so Oseas, qaq nache loxonec, qataq ỹauo'o lamaxashec, nache so Oseas choche desheetenaxaatac qanqa'en.

Ezequiel 16:28

Qalaxaye saishet da 'auamagueñi souaxat de'era 'am so'otec, ỹoqo'oye 'anquishestague' na asiiriopi, qalaxaye ñaq 'eetalec saishet da 'auamachiguiñi.