Oseas 10:4 - La'aqtaqa Ñim Lo'onatac 'Enauacna 2013

⁴ Cha'aye namayepi nacherata da ltaxaỹaxac ỹaỹaten, qataq ỹan na saq 'en la'aqtacpi da ỹo'ot da naỹamaxataxac, qaq dam 'eetega no'on lo'onataxanaxac, qalaq 'eeta'am ana huoue deshenataxan maye ñaxattalec na no'onaxa.»

Toba del Oeste

⁴ Yejamaq da'me doje'tape, qalaĝaja daa'me 'laqataĝanaĝaco ja yataĝalo'te nataq'aen qaya'te chiyaqayi ga'me nededelegue. Chane'eja 'uo qomle ga'me nejetenague'j jo'ne ja no'en, ena'am jaga'me chimaĝadae jo'ne nolelijeguem da'me uetauelo gaa'me lanaqa jo'ne onaĝayaqa.

Oseas 10:4 Referans Kwoze

Amós 6:12

Qaq ¿isheto' peta'a na caipi da nqalgoqtalec na coma'pi? Qataq ¿isheto' peta'a na nauegaxanaxala' huacapi da na'ayisheguem na coma'pi? ¡Cha'aye da no'on lataxac nmeneguet qanqa'eñi dam lataxac maye qanlem! ¡Qataq da alaỹaxac da nalochiguiñi lataxac qalaq ỹataqta chem qanqa'eñi!

Amós 5:7

Qaq choxoraxaso' nam shiỹaxauapi maye nmeneguet naqa'en da ỹaỹamaqchiguiñi lataxac nam qauemsat, nache ỹasaxaiya' da nalochiguiñi lataxac.

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

2 Timoteo 3:3

Namayepi ỹataqta qauemaicpi qataq quiỹaxanaqtaqaicpi. Qataq ỹasaqteguelec da latenataxanaxac na laỹepi qataq saishet ncherapec qataq sa ỹañoxot da nllañi da lqopitaxanaqtaic. Qataq nquiỹa 'enauac nam ỹaỹamaqchiguiñi.

Romanos 1:31

Qataq saishet da nshetaique ỹaỹaten da 'eesa lataxac, qataq saishet da ishet da qaipi'iỹa'a namayepi. Cha'aye namayepi qaica ca ỹauotec qataq qaica ca ichoxoreetac.

Hechos 8:23

Cha'aye aỹem sela'a da qoquetague' so nqa'aic maye netangui da naquicoxo, qataq da lcoñetaxanaxac da qauem lataxac.

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

Isaías 5:7

Qaq som lanaxanaqa' uva lma' maye lauotaxat Ñim Nataxala' maye Qaica ca Ỹaqalanapec, nachena nam Israel le'ecpi, qataq nam nhuo' le'ecpi maye lma' ye Judá. Ñim Nataxala' iuatta'a co'ollaxa namayepi da ỹalaxaguet na lqataxacpi Ñimaye, qalaxaye nacherata da ilalec da nalaataxanaxac, qataq iuatta'a da ỹo'ot da nalochiguiñi lataxac, qalaxaye nacherata da hua'aqtega da na'alaxac souaxat da qui'ic.

Deuteronómio 29:18

Qaq saishet qome da huo'o ca ỹale, 'alo, namoxou' maye huo'o ca llalaqpi, huo'otaq ca maiche nalamaxat nhuo' le'ecpi da ca'ai Ñim Nataxala' maye Qanatamnaxala'ai, da ca'ategue da natamnot ca natamnaxala'pi na ỹotta'a't shiỹaxauapi. Ỹataqta qarvichiỹa'a qome da huo'o ca 'oonolec da qoñiita da 'eeta'am aca huoue chem na lpa'a' qataq qanlem.

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Deuteronómio 31:17

Qaq que'eca na'a'q qom yo'oq de'era, nache 'eroigui qome da ỹayeloxo da salemataỹa namayepi, qataq sheca'ai, nache saishet da seqocha'a, qataq soxochiisop da ỹashiguiỹaxac. Qaq huaña qome nache namayepi sa qalaq da noxonec, qataq da nvita na qalota qauemsat, qaq huaña nache choche, 'eetac: ‹¿Chaq ta'ainco' da qomi' nvitalo 'enauac ne'ena qauemsat, peta'a souaxat da mashe saishet da qomi' hueta'agueta Ñim Qanatamnaxala'?›