Oseas 10:12 - La'aqtaqa Ñim Lo'onatac 'Enauacna 2013

¹² Qaq aỹem shenapega namayepi sheeta': qauo'oche qome da nalochiguiñi lataxac, yaqto' qauacoñiiguet da alaỹaxac da nauotaxanaqtaic. Qataq qauqataxañiỹai' ca qana'alhuai, yaqto' qaỹa'añiiñi ca dalaxaic qa'añiguishequi, cha'aye mashe ivita ye laloqo' da qanmitaique Ñim Nataxala', nache ivitta'a qom anac Ñimaye da qami' taleguete naqa'en ca 'onaxaic auot da qami' nca'alaxatrec.

Toba del Oeste

¹² Ja'aĝatem ca'li jenjo': 'Noota qomle aueñi joda'me 'noota ladic, qama'le eja 'uo qomle adaqataĝanaĝaqui jo'ne nichoĝodenataĝanaĝac. Yataqata a'vichi jena'me aleua, qaedi yitaĝa 'uo qomle adaniqui dalaĝaic, qa'a joote yovita da'me laloqo' da'me jayem qoyelaque, mach'e jayem Jaliaĝanec, chayovida'a qom yitaĝa 'ñiyelaq qama'le yi'yac uotep jo'ne chiyaqayi nec'alaĝa jo'ne ami uauelo.

Oseas 10:12 Referans Kwoze

Santiago 3:18

Qaq nam nmitta'a da lactapiguiñi naqa'en na laỹepi, nache Ñim Lo'onatac 'Enauacna ỹami' da nsheetenaguec, qalaxaye nachera da nlagaxayec qataq da 'eesa lataxac.

Isaías 45:8

Aỹem chegoqtot qome ñaqa'en na pa'asheguem da ñamaq da ỹauegaxanaxac, 'eeta'am na 'aỹa maye chegoqo'ot na piguem, qataq na auot maye chegaqaigui na lo'oc na piguem, da talec ana 'alhua; qaq dam alaỹaxac qalaq chegoqchigui qome da nca'alaxa, qataq dam nalochiguiñi lataxac.

Proverbios 11:18

Ca qauemaic ỹaconeguet ca nsheetenaguec maye saq'en, qaq ca ỹaỹamaqchiguiñi ca lo'onataxanaxac camaye ỹoqta 'eesa ca nsheetenaguec.

Isaías 55:6

Ña qanmichiỹaique Ñim Nataxala' nagui da ñaq ishet da qauanachiỹa, ña qauỹaxañiỹa nagui da ña sa qaỹapeque.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Eclesiastés 11:6

Qaq 'aỹa'aañi aca ala aca 'añiguishe ye nte'eta qataq ye avit, cha'aye sa 'auaỹate'n caamaye negue't acam ỹoqta no'on da lañaxataxac, huo'otaq aso hua'auchiguiñi, huo'otaq aca nca'ataxanauo, huo'otaq 'enauaque caamaye da no'on da lañaxataxa'c.

Salmos 105:4

Qataq qanmichiỹaique qome Ñim Nataxala' qataq da la'añaxac, qataq nache 'eetai' qome da qanmichiitaique da lashiguiỹaxac.

Lucas 13:24

–Qana'añaxache qome da qaunoxoñiiua'a ñim lasom maye saq 'amaqtaq, cha'aye Aỹem shenapec da ỹataqta qalota qome na nshetaique da inoxoneuo, qalaxaye saishet da ỹañoxot.

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Amós 5:6

Qaq ỹoqo'oye qanmichiỹaique qome Ñim Nataxala' yaqto' qanca'alleeuec, ten qom anacot ca norec nache talec naqa'en 'enauac na Israel le'ecpi, nache qaica ca anac nam Betel le'ecpi da ỹalamat camaye.

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Amós 5:4

Qalaxaye da la'aqtac Ñim Nataxala' da 'enapega na Israel le'ecpi, 'eeta': «Ñaq aỹem qanmichiỹaique qome, yaqto' qanca'alleeuec.

Oseas 12:6

Qaq ỹoqo'oye 'am Israel, 'avi'eguelaxa qome Ñim 'Anatamnaxala'; 'auo'ot qome da nauotaxanaqtaic, qataq da nalochiguiñi lataxac, qataq nache 'eetai' qome da 'auacheto'ot da 'arpi'iỹaxac Ñim 'Anatamnaxala'.

Amós 5:8

Qanmichiỹaique qome ñim lo'onata 'enauac ana huaqaañipi, ñim nañigui naqa'en na yo'oxoñi nam pe, qataq nañigui naqa'en na pe nam yo'oxoñi, qataq iỹaxana na 'etaxat maye huetangui aso auaxai nache icorelec ana 'alhua. ¡Qaq Ñimaye le'enaxat, Nataxala'!

Oseas 8:7

Qaq cha'aye namayepi ỹaañi co'ollaxa na la'at, nache lqateguishec qome ca la'at lta'araic, nache ca lanaxanaqa' qaica ca ñaxaalec, qataq qaica ca lqateguishec trigo maye chegaqaigui na 'ayiiña, qaq da huo'o ca lqateguishec, nache chec qome nam chegaqauecpi.

Hechos 2:18

Que'ecaua na'axa'te, nache Aỹem ñanacot qome Ñim Saqcha'a Ỹa'añaxac, nache sanem na ilatacpi qataq ana ilatapi. Huaña qome, nache ỹa'axa't naua ỹa'aqtaqa.

Ezequiel 34:26

Ana ilopi qaguetapi sanaña qome na loigue añi qui'itta ñeqasoxonaxa, nache saalec da na'achecỹaxac, qataq ñamaxa ca auot da ivita ye laloxoqui.

Isaías 32:20

Qalaxaye qami' qauamaichiguiñi qome, cha'aye na qa'anaxanaqa'aipi qaicottalec qome na qalota 'etaxat, qataq saqoue qome na 'auaqpi maye aloq nam qareloi 'ashenapi qataq nam qarauegaxanala'ai huacapi.

Isaías 30:23

Qaq Ñim Nataxala' qami' ỹanema qome ca auot, qom qaỹa'añiỹoigui na 'alhua aca qa'añiguishe ala, nache na 'alhua ỹataqta qalota qome ca ñaxaalec trigo. Qaq que'eca na'a'q nache ca qareloipi ỹataqta qolochiguiñi qome ca lquia'aqa'.

Jeremías 50:4

Ñim Nataxala', 'eeta': «Que'eca na'a'q nache na shiỹaxauapi maye lma' ye Israel qataq ye Judá nỹeeta'aguet qome da anac da Aỹem nmitaique, Aỹem maye Aỹem Lataxala' qataq Natamnaxala'.

Isaías 5:6

Nache so'otec qome da qanayeca'ai, qataq saishet da qaichec ana lcouepi ana uvapi, qataq saishet da qaimettacot, nache ñaxaalec aca ỹaxat. Qataq shenapega na lo'oc na piguem da saishet da naañi naqa'en ca auot da talec yemaye.

Proverbios 18:21

Da nca'alaxa qataq da nleuaxa qalaq chegaqaiguilo ca 'enapec ñi nachaxat, qaq ca qalota da ltaxaỹaxac nache maiche nque'etaxaachigui ca naigui naua la'aqtaqa.

Salmos 72:6

Qataq 'eeta'am qome na auot da ipettalec ca nanaxanaqa', qataq na sheue da ipettalec ana 'alhua.

2 Corintios 9:10

Ñim Lo'onatac 'Enauacna, nacheñi ñi ỹan acam nañiguishe ala, yaqto' qoỹanoigui na 'alhua, qataq ca qanallec da yaqto' ỹa'añaqchet ca shiỹaxaua. Nataqa'en Ñimaye qami' ỹanema qome 'enauac ca qaviñiitaique, yaqto' ishet da qautauañi ca qarỹai.

Isaías 48:18

'Am taxa da 'ana'axaỹaxanalo naua ỹamaxasoxonaxaco, nache da 'al-lagaxayec 'eeta'am taxa ca tala, qataq dam 'araỹamaxa nquictauec, 'eeta'am ana lapaxa aso auaxai.

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Isaías 54:14

Da nalochiguiñi lataxac, nachera qome da ỹo'ot da 'ara'añaxac, qaq huaña nache imeuo qome da 'am qaipataqta'a't qataq da 'ayi'iỹaxa, qataq da lchec saishet qome da qaltaq 'am sa ỹalemaxat.