Oseas 10:11 - La'aqtaqa Ñim Lo'onatac 'Enauacna 2013

¹¹ Qaq ye Efraín, 'eeta'am aca 'oxoỹaxaale huaca llale, maye nqopita da ilaxattapigui ana ala na nañiguishec. Qalaxaye aỹem sano'ot qome na lqosot ca nauegaxanaxaqui 'epaq da yaqto' ỹauecta'aguet aca naigona; qaq na Judá le'ecpi qalaq ỹaueca'aguet qome ca 'arao, qaq so Jacob qalaq ỹaueca'aguet qome aca namoxoỹaqtaxanaqte.

Toba del Oeste

¹¹ Jaa'me noloqo'ote jo'ne 'uaechidiñe, Efraín ena'am jaga'me uaca nale yataqata 'noyaĝanataje, jo'ne noqopita da'me pelegue ga'me auaqapi jala. Qalaĝaja nayi male ja'uo loqolac, naayi jenjo' onaĝaic loqojot, qaedi male nauela't jaga'me cadeeta. Nataq'aen di'me Judá yauec qomle jañe'me jegaĝanaqate, qama'le joñe'me Jacob yauec qomle jañe'me nepolgaĝanaqate.

Oseas 10:11 Referans Kwoze

Oseas 4:16

Cha'aye na Israel, 'eeta'am aca huegaqai huaca llale. Qaq ¿peta'a isheto' da ilo'ogue Ñim Nataxala', da 'eeta'am naqa'en ca qagueta llalaqpi da huaña ca no'on 'auaqpisat?

Jeremías 50:11

Qami' caldeopi maye qanhuoyeeta co'ollaxa ye ỹalamaxat nhuo' le'ecpi ¡ñaq qauamaichiguiñi qome qataq qantoñiỹapigui'! ¡Qauparenaxañeetai' qome qoñeeta'am aca huaca llale da quetaigui na 'auaqpisat! ¡Qataq qauachemnaxañeetai' qoñeeta'am ca caaỹo!

Deuteronómio 25:4

Saishet qome da 'auo'ot ca lmiiguishec ca nauegaxanaxala' huaca, da 'auchegoqtac aca ala ca 'añiguishec.

Romanos 16:18

cha'aye ne'ena shiỹaxauapi saishet da do'onataxaatacot So Cristo maye Qarataxala', nachaqrata da maiche nmittaique ca maiche laỹamaxa. Qataq namayepi iroleguete naua la'aqtaqa isotta'ape na shiỹaxauapi da da'aqtaxan, qalaxaye namayepi ỹataqta tenataxanaxaicpi qataq ỹatenachet nam shiỹaxauapi maye saxanaxa da ỹaỹaten ca ỹoqta llec de'era na'aqtaxanaxac.

Oseas 11:4

Qaq Aỹem serolec co'ollaxa da huesotta ỹauotaxanaqtaic da ñaueguela't namayepi, qataq ñesoxouo, 'eeta'am ca nogotolec maye ñaq lleptac, nache ñeqateeguesop na qapa'atta maye npeetague' namayepi, nache sanem na aloq da sequia'axaatac.

Oseas 9:1

Qaq 'am Israel, saishet da 'auamachiguiñi, saishet da 'auparenaxaatai' da 'antonaxac da 'eeta'am na laỹepi shiỹaxauapi, cha'aye 'anquishishigui da 'ara'amqaanataxanaxac, souaxat da qoca'ai Ñim 'Anatamnaxala'. Cha'aye 'anqopita da 'auaconeguet da nsheetenaguec da 'anquishishaxac, da huaña ye nchegoxosoxonqa' ana ala na nañiguishec.

Oseas 3:1

Ñim Nataxala' qaltaq aỹem 'enapega, 'eeta': «'Aue qojec, nache 'aỹa'anem da 'arauotaxanaqtaic aca 'alo quisheguetaxai, maye lauatapiguiñi' nam nauochaxauapi. Cha'aye 'era da 'eetec Ñim Nataxala' da ỹauotec na Israel le'ecpi, na'aictaxa da ỹe'eguelaxa da ỹa'amaqteetac na ỹaqa'a atamnaxala'pi, qataq da naman da chectac anam nqaxaỹaqta uvapi maye qoỹanot naxa namayepi.»

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Isaías 28:24

Cam ỹo'ottac naxa na 'alhua da huotaique da danaxan, qalaq saishet da imauec ye na'a'q da na'atteguesheguem ca na'alhua, huo'otaq da ilaxattapigui qalqo' ỹamoxoỹaxattac ca lanaxanaqa'.

Jeremías 28:14

Cha'aye Aỹem Nataxala' maye Qaica ca Seqalanapec maye Natamnaxala' na Israel le'ecpi, 'eeta' da ỹa'aqtac: Aỹem sano'ot na lana'q 'enauac na ỹotta'a't shiỹaxauapi so nauegaxanaxaqui lcat da yaqto' do'onataxanot, da l-latacpi ñi Nabucodonosor maye nta'a ye Babilonia, qataq ivira'a nam huauec shiguiỹacpi da sanem ñimaye da ilo'ogue.»

Jeremías 46:20

Na Egipto qalaq 'eeta'am aca 'onaxai huaca llale, qalaxaye chegaqa'ague qome da sheu' aca ncoga da inac.

Miqueas 4:13

¡'Am Sión, qoñisheguem qome, nache 'alaxachigui namayepi! Cha'aye da la'aqtac Ñim Nataxala', 'eeta': «Aỹem, 'am sanem qome da 'ara'añaxac maye 'eeta'am da la'añaxac ca huaca, maye lca'ache naua lcoue qataq bronce naua nna'ache, da yaqto' 'aulaxachigui na qalota shiỹaxauapi, qataq 'auotaxanec da lsallaxa maye ỹachegoxotaigui da lcachaxac, nache aỹem 'aỹa'anot, aỹem Nataxala', maye ỹalamaqte 'enauac ana 'alhua».