Oseas 10:10 - La'aqtaqa Ñim Lo'onatac 'Enauacna 2013

¹⁰ Qaq qom ñeshet da sauo'o ca nhuaxanaguec ne'ena nhuo' le'ecpi, nache na ỹotta'a't shiỹaxauapi dataỹa'aguet qome namayepi, qom ivita da sauo'o ca nhuaxanaguec souaxat nam qalota lle'etaxaloxosat.

Toba del Oeste

¹⁰ Qama'le ja'uo qomle adachoĝodequi, qa'a naq'aeta da'me yelnataĝac. Jena'me jenjo' yataqachiñe qoyemalegue qomle naa'me ale'u lael, qa'a naq'aeta da'me ami janema da'me yec'atenaĝanaĝac, yajouaĝat da'me adoequi jo'ne yataqachiñe let'adaic.

Oseas 10:10 Referans Kwoze

Ezequiel 5:13

Qaq huaña qome nache ñashetcheguem da ỹayeloxo, qaq qom nmisheguem damaye, nache samaguiñi. Qaq qom nmisheguem da ỹayeloxo souaxat namayepi, nache namayepi ỹaỹaten qome da Aỹem Nataxala', maiche ỹa'aqtac co'ollaxa damaye.

Oseas 4:9

Qaq ne'ena nhuo' le'ecpi, nache 'eeta'am ñaqa'en qome na ntaxaỹaxanaxanecpi, da sauo'o ca nhuaxanaguec, souaxat dam qauem lataxac namayepi.

Jeremías 16:16

Ñanacot qome na qalota ya'acoxoicpi, Aỹem Nataxala' 'era da ỹa'aqtac, da yaqto' ỹalecaique na Israel le'ecpi. Ime qome nache qaltaq anac ñaqa'en ca qalota 'ipiaxaicpi yaqto' ỹaconeua'a, nache nqateeguesop ana qasoxonaxapi qataq ana qaỹoqotcheguemec 'alhuapi, qataq ivira'a na huetangui na lpoxoỹaxapi ana coma'pi.

Mateo 22:7

Nache se'eso nta'a ỹataqta dalemata, nache ỹamaq so nalleppi, da yaqto' ỹalauat 'enauac se'eso ncoyeguenatacpi qataq da ỹavigaxat 'enauac na lma'pi somayepi.

Oseas 8:10

Qaq na'aictaxa da ỹanem na nme nam ỹotta'a't shiỹaxauapi, qalaxaye nache 'ena'am selagaxattac qome namayepi, nache huo'oi qome caua na'axa'te da nque'etaxangui da lque'eenataxanaxac na nta'alpi qataq nam nataxala'pi.

Oseas 8:1

e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Ezequiel 23:46

Qaq 'era da la'aqtac Ñim Nataxala': «Ñaq laỹona't qome na nhuo' le'ecpi da dataỹa'agueta soomaye, qataq ỹo'otec da lcolanaxa qataq decachiỹoto,

Ezequiel 23:9

Qaq ỹoqo'oye saneguet so nauonaxauapi Asiria le'ecpi, souaxat da asomaye ỹataqta nqopita,

Ezequiel 16:42

Qaq huaña nache samachiguiñi da 'am talec da ỹayeloxo, qataq vi'iiguet qome da ica'alaxanaxac, qaq huaña nache she'emaqtac, qataq saishet da senotac.

Ezequiel 16:37

Qaq ỹoqo'oye Aỹem, llaỹona't qome 'enauac nam 'ancachaxauapi, nam ỹo'ot co'ollaxa da 'aramaicỹaxac, qataq 'enauac nam 'arauotaxatpi co'ollaxa, qataq nam 'arquiỹaxatpi, llaỹona't qome namayepi da 'am laponeua'a, yaqto' ỹauaachigui 'enauac da 'aro'ocỹaxac da huetauec.

Jeremías 21:4

da Ñim Nataxala' maye Natamnaxala' na israel le'ecpi, 'enapec: ‹Aỹem so'ot qome da qoshe na 'analleppi maye deloctague' ñi nta'a ye Babilonia qataq nam caldeopi maye pa'ataueegue da laỹe na mpaqtaxanaxat da qami' coleesopa. Qataq so'ot na 'analleppi da ỹe'eguenoigui qome na huaqta'a't nỹecpi.

Jeremías 15:6

'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Isaías 1:24

Qaq ỹoqo'oye Ñim Nataxala' maye Qaica ca Ỹaqalanapec, Ñim La'añaxanec na Israel le'ecpi, da la'aqtac, 'eeta': «¡Nache tachiguiña nagui! Aỹem sataỹa'aguet qome nam aỹem ipa'agueetacpi, ñaq sepalaique ca ivi'.

Deuteronómio 28:63

Qaq dam 'eetec co'ollaxa Ñim Nataxala' co'ollaq ỹaỹamaxareeta da 'am talec da no'on qataq 'anquictauec, qaq nache 'eetec Ñimaye da ỹaỹamaxareeta qome da 'am ilaxachigui, nache ỹo'ot da 'am sa qaiyacnapec qom 'am qanqateeguesop yem 'alhua maye qonetalec qome.

Oseas 10:9

Ñim Nataxala', 'eeta': «Na Israel le'ecpi saishet da ỹaxaañi da ỹo'ottac nam lasouaxashetpi, chegoqta'a co'ollaq huaña ye Guibeá da ỹo'ot namayepi. ¡Qaq nache saq ỹaxanec da ỹo'ottac namayepi! Ỹoqo'oye que'eca alaataxac ique'elaxat qome ne'ena 'etaxaloxoicpi qom huaña ye Guibeá.

1 Reyes 12:28

Qaq co'ollaq ime da dechemaqtaxaateguelec de'era so nta'a, nache ỹo'o't soua dos le'enaqtaqa huaca llalqa do'onataxana so oro, nache 'enapega so shiỹaxauapi, 'eeta': «Qami' Israel le'ecpi, mashe qaỹoqtegue da qavi'iguelaqaita'a ye Jerusalén. Qaq 'enaua nagui naua qanatamnaxala'achilli', maye qami' nqateeguesopa co'ollaxa ye Egipto.»

Da na'aqtaguec so Job 39:10

Qataq ¿ishet peta'a da 'aỹa'anagui camaye ca lauegaxanaxaqui nache 'auo'orelec da 'aua'araxaalec, huo'otaq 'auauecta'aguet da 'am ca'attaueegue da 'aulaxattapigui na 'alhua?

Oseas 4:19

Ỹoqo'oye anac qome ca la'at, nache ỹache namayepi, nache huo'o qome da la'agaxa souaxat da natameetacot nam saq 'en atamnaxala'pi.