Oseas 1:7 - La'aqtaqa Ñim Lo'onatac 'Enauacna 2013

⁷ Qalaxaye nachaqnata qome na maiche nalamaxat nhuo' Judá le'ecpi da sechoxoren, nache ñeca'alaxatec, Aỹem Nataxala' maye Natamnaxala' namayepi. Qalaxaye saishet da sachegoxotchigui ca nchecnec, ỹeelonec, alaataxac, caipi huo'otaq ca alleppi maye netalec na caaỹo, da ñeca'alaxatec namayepi.»

Toba del Oeste

⁷ Qalaĝaja yataqachiñe jichoĝode'n qomle joga'me lec'oqo'tepi di'me Judá: da'me jayem jo'ne Jaliaĝanec mach'e Nedios, naqayem ñec'alaĝatedegue qomle jogaa'me, qalaĝaja ja jouetaque joga'me coicopi, uotaĝa 'yeuoĝonaĝat jo'ne nalada't lo'o uotaĝa gaa'me netalo'te gaa'me pe'ga.»

Oseas 1:7 Referans Kwoze

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

2 Reyes 19:35

Qaq nacheso se'eso pe, anac so lamaxashec Ñim Nataxala', nache ỹalauat so ciento ochenta y cinco mil ỹalleppi se'eso lanataqa' so Asiria le'ecpi. Qaq so nte'eta so lỹa na'a'q, nache somayepi huetaiya' da mashe ileu.

Oseas 11:12

Na Efraín qalaq aỹem coleesop naqa'en na latenataxanaxacpi, qaq na Israel le'ecpi qalaq aỹem coleesop naqa'en nam saq 'enpi. Qaq na Judá, qalaq ca'ai Ñim Lo'onatac 'Enauacna, qaq nagui ỹataqta ỹalaxaguet nam ỹaqa'a atamnaxala'pi.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Salmos 33:16

Ca nta'a saishet da deca'alligui ca qalota nalleppi, qataq na 'añaxaicpi saishet da deca'alligui da qalota la'añaxac.

1 Samuel 17:47

Qaq 'enauac ne'ena lapoota'a'tpi maye hueta'a ne'ena, ỹaỹaten qome da Ñim Nataxala' saishet da iuen ca ỹeelonec huo'otaq aca taquiaxai da deca'alaqtaxan. Cha'aye de'era alaataxac maiche lalamaxat Ñim Nataxala', qaq nacheñi ñi qomi' ỹanema qome da qoñeeta da qami' qoroxonqa.

2 Reyes 19:29

Nache so Isaías, 'enapega co'ollaxa so Ezequías, 'eeta': 'Era qome da la'anaxat cam naỹa'acna: Ne'ena vi'i qataq ca lỹa vi'i maye ñaq natauo, nache qollequiitac qome na ala cam trigo maye chochaq nasheguem, qaq ca vi'i tres nache ishet da qa'anaxañi qataq qauqataxañi, qataq qaỹa'añiiñi ana uva nache qollequiitac aca ala.

Isaías 30:18

Qalaxaye Ñim Nataxala' qami' iuatta'alo, da yaqto' qami' ichoxore'n, Ñimaye ỹataqta huo'o da lyaxa da qami' ỹachaxanalo da lsoxoyec, cha'aye Ñim Nataxala' ỹataqta no'on da lataxac. Qaq ỹataqta machiguiñi qome 'enauac nam pi'iỹa'a Ñimaye.

Jeremías 25:5

Somayepi qami' 'enapegalo co'ollaxa, 'eeta': ‹Qaỹa'axañiiuec da qauem qarataxaqui qataq nam qauem maye qauo'ocheetac, yaqto' nache 'eetai' da qoñiitalec ne'ena 'alhua maye Ñim Nataxala' qami' ỹanema co'ollaxa qataq som hua'au qarta'ailpi.

Jeremías 25:6

Qaq saishet qome da qoquiigue nam laỹepi atamnaxala'pi, saishet da qavio'oxoreñiitac qataq da qanatamñiitacot. Saishet qome da qanogoqcheche Ñim Nataxala' souaxat da qavio'oxoreñiitac nam atamnaxala'pi maye maiche qaro'onataqui, nache Ñimaye saishet qome da qami' namaxalo ca qauem.›

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Oseas 1:8

Qaq aso Gomer, co'ollaq ỹaxaañi naqa'en da l-llepaxac aso Lorrujama, nache asomaye qaltaq hualaxai, nache co'ollaq deco'o, nache ỹale so llalec.

Éxodo 14:13

Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Éxodo 14:30

Qaq 'era da 'eetec se'eso na'a'q da Ñim Nataxala' nca'alaxateeguesop so Israel le'ecpi da lamaxasoxonaxac so Egipto le'ecpi. Nache so Israel le'ecpi ỹataqta ỹauaachigui so leuaxaicpi Egipto le'ecpi da naỹoxoosheguem, hueto'ot so loigue aso auaxai.

2 Reyes 6:18

Qaq som siiriopi co'ollaq mashe yaqta'a da iloquiaxan somaye, nache so Eliseo natamnot Ñim Nataxala', 'eeta': «'Am ñachoxonnot da sa nauaañi 'anqa'en ne'ena shiỹaxauapi.» Nache Ñim Nataxala', sa nauaañi naqa'en somayepi, nache ipacchigui da nachoxonnaxac so Eliseo.

2 Reyes 19:34

Cha'aye aỹem, ñepaxattalec qome ne'ena huaqta'a't nỹecpi, nache ñeca'alaxatec souaxat da ỹauotaxanaqtaic so ỹamaxashec David, qataq da sheeta.›»

Salmos 44:7

Cha'aye 'am maye 'auo'ot da qoroxonec na qampa'aguenaxauapi, nache 'auo'ot da huo'o da la'aloxo na qomi' nquiỹategalo.