Oseas 1:6 - La'aqtaqa Ñim Lo'onatac 'Enauacna 2013

⁶ Qaq aso Gomer, qaltaq hualaxai co'ollaxa, nache co'ollaq deco'o, nache 'alo aso llale. Nache Ñim Nataxala', 'enapega so Oseas, 'eeta': «Aya'aye nogotole, 'aỹa'anagui da le'enaxat Lorrujama, cha'aye aỹem saishet da qaltaq sechoxoreetac da lo'onataxanaxac na Israel le'ecpi, qataq nache saishet da sapalaxat na lasouaxashetpi.

Toba del Oeste

⁶ Yem qama'le jañe'me Gómer yitaĝa qo'uaĝae, qama'le 'uo jañe'me c'oqote yauo. Chane'eja joñe'me Dios yitaĝa yanem jenjo' 'laqatac joñe'me Oseas: «Jana'me janjo' notole, auen lenaĝat da'me Lo-ruhama, qa'a ja yitaĝa jichoĝode'n qomle jogaa'me ueteda'ña jena'me jenjo' nejaliaĝa jena'me Israel: male qayaua'te ta'le yecochiyalo.

Oseas 1:6 Referans Kwoze

1 Pedro 2:10

Qami' co'ollaxa saishet da qami' lalamaqa'ate Ñim Lo'onatac 'Enauacna, qalaxaye nagui ỹataqta qami' lalamaqa'ate Ñimaye. Ñim Lo'onatac 'Enauacna co'ollaxa saishet da qami' ichoxoreeta'ape, qalaxaye nagui Ñimaye ỹataqta qami' lauotaqa'ate.

Oseas 2:23

Nache na ỹalamaxat nhuo' le'ecpi sanalec qome na 'alhua, da yaqto' ỹalamaxat, nache talec ñaqa'en da ichoxonnataxanaxa aso Lorrujama, qataq so Loamí, nache sheeta': «Maiche 'am ỹalamaxat.» Qaq da aỹem detaxaỹa, nache 'eeta': «'Am Ñatamnaxala'.»

Oseas 2:4

Nache saishet da sechoxonnai' qome ca llalaqpi, cha'aye chegaqaigui da lquisheguetaxac.

2 Reyes 17:6

Qaq co'ollaq mashe ivi' soua nueve vi'iye da lo'onataxanaxac so Oseas, nache so nta'a ye Asiria, loxonec co'ollaxa ye Samaria. Huaña nache ỹauec so Israel le'ecpi, ỹauega ye Asiria, nache ỹanalec ye 'alhua le'enaxat Jalaj, qataq ye Jabor, qataq ye tala Gozán, qataq yem huaqta'a't nỹecpi maye lalamaxat so meedopi.

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Oseas 1:8

Qaq aso Gomer, co'ollaq ỹaxaañi naqa'en da l-llepaxac aso Lorrujama, nache asomaye qaltaq hualaxai, nache co'ollaq deco'o, nache ỹale so llalec.

2 Reyes 17:20

Ỹoqo'oye Ñim Nataxala' ỹo'orauec co'ollaxa 'enauac som chegoxoguetpi so Israel, nache ỹauo'o da lachetataic naqa'en somayepi, qataq ỹaneguet so cachaxaicpi, nache ivitta'a da Ñimaye ỹo'orauec.

Amós 7:8

Nache Ñim Nataxala' aỹem inat, 'eeta': ¡Amós! ¿Negue't na 'aulota'a? Nache aỹem sheeta': Qomye selota'a ana laloqnaxanaqte na nỹec lo'o. Nache Ñim Nataxala' 'eeta': Aỹem so'ogoxona qome ana'ana laloqnaxanaqte na nỹec lo'o, da ñaloqten da lataxac na ỹalamaxat nhuo' Israel le'ecpi, da huo'otaq ỹaỹamaqchiguiñi da lataxac, cha'aye aỹem saishet qome da she'eguelaxa da sechoxoreetac namayepi.

Amós 9:8

Qaq Ñim Nataxala' imeteetac da qauem lo'onataxanaxac ne'ena shiỹaxauapi, ỹoqo'oye 'eeta': Ỹataqta pal ñaqa'en qome ne'ena shiỹaxauapi da huetalec ana 'alhua, qalaxaye saishet da imauec da pal ñaqa'en nam chegoxoguetpi so Jacob. Qaq 'era da ỹa'aqtac, Aỹem Nataxala'.