Oseas 1:4 - La'aqtaqa Ñim Lo'onatac 'Enauacna 2013

⁴ Nache Ñim Nataxala' 'enapega so Oseas, 'eeta': «Yi'iye nogotolec, 'aỹa'anagui qome da le'enaxat Jezreel, cha'aye sa ñaỹaloxon da sauo'o ca nhuaxanaguec na chegoxoguetpi so nta'a Jehú, souaxat da ỹataqta qalota so lalaatacpi co'ollaq huaña ye Jezreel, yaqto' nache loga't ñaqa'en da lo'onataxanaxac da nta'a na Israel.

Toba del Oeste

⁴ Qama'le joñe'me Dios yitaĝa dojapegue' ñe'me Oseas, enaac: «Jena'me jenjo' ac'oĝot, auen lenaĝat da'me Jezreel, qa'a male yataqata ja'uo lachoĝode'j jo' qomle gaa'me c'oqo'te ñe'me jaliaĝanec Jehú, yajouaĝat da'me 'lonataĝanaĝa'j jo'ne ja no'en ca'li yala't ga'me yalaqapi jo'ne ueteda'ña di'me laqauaedegue jo'ne lenaĝat da'me Jezreel. Chane'eja male jen qaya da'me nejaliaĝa jenjo' Israel.

Oseas 1:4 Referans Kwoze

Oseas 1:9

Nache Ñim Nataxala', 'enapega so Oseas, 'eeta': «Yi'iye nogotolec, 'aỹa'anagui qome da le'enaxat Loamí, cha'aye qami' nhuo' le'ecpi, mashe saishet da qami' ỹalamaxatpi, qataq mashe saishet da aỹem Qanatamnaxala'ai.»

Oseas 1:6

Qaq aso Gomer, qaltaq hualaxai co'ollaxa, nache co'ollaq deco'o, nache 'alo aso llale. Nache Ñim Nataxala', 'enapega so Oseas, 'eeta': «Aya'aye nogotole, 'aỹa'anagui da le'enaxat Lorrujama, cha'aye aỹem saishet da qaltaq sechoxoreetac da lo'onataxanaxac na Israel le'ecpi, qataq nache saishet da sapalaxat na lasouaxashetpi.

Ezequiel 23:31

Qataq qoquetegue da lataxac aso 'arqaỹa Aholá, qaq ỹoqo'oye 'am sanem qome da 'anỹomgui aso ỹomaxaqui maye ñeỹomaxangui co'ollaxa asomaye.

Ezequiel 23:10

nache somayepi ỹataqta saiyacnapec asomaye, nache deuotaxanec so llalaqpi, ỹalleppi qataq 'alpi, qataq ỹalauat asomaye irota'a so ỹeelonec. Qaq de'era nhuaxanaguec asomaye, damaye qaivitaqna'aguet na 'alpi.

Jeremías 23:2

Ñim Nataxala', maye Natamnaxala' na Israel le'ecpi, 'enapega na nataxala'pi maye ilotague' nam lalamaxat Ñimaye nhuo' le'ecpi, 'eeta': «Qami' qaulagaxacheetac ana ilopi qaguetapi, qataq datauec qanqa'eñi, nache saishet da qanchelỹa'a. Qaq ỹoqo'oye Aỹem nagui maiche qami' sepa'aigueta da sauo'o ca qanhuaxanaguiiqui souaxat nam qauem maye qauo'ocheetac. Qaq 'era da ỹa'aqtac Aỹem Nataxala'.

Jeremías 3:8

qataq nataqa'en ỹauaachigui da Aỹem sheca'ai añim saỹalaq Israel qataq salat añimaye souaxat dam lquisheguetaxac maye ỹo'ottac. Qalaxaye añim saỹalaq Judá maye lqaỹa añi Israel, qaica co'ollaxa ca lcolanaxa, nacherata da nataqa'en añimaye jec, da ỹo'ot da nquisheguetaxac.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

2 Reyes 15:29

Qaq huetoiguilo se'esoua na'axa'te da so Pecaj nta'a ye Israel, nache nvita yi'iye 'alhua so Tiglat Piléser, maye nta'a ye Asiria, nache loxonec ye Iyón, Abel Betmacá, Yanoja, Cedes, Jazor, Galaad, Galilea, qataq 'enauac ye na'alhua so Neftalí, qataq 'enauac som netalecpi yemaye da loxonec, nache ỹauega ye Asiria.

2 Reyes 10:17

Qaq co'ollaq choche ivireua'a ye Samaria so Jehú, nache ỹalauat 'enauac som chegoxoguetpi so Ajab, maye ñaq no'onañi co'ollaxa, nache ỹataqta nmatchiguiñi da ỹalauat somayepi. Qaq nache ipacchigui da la'aqtac Ñim Nataxala', maye ỹa'axat co'ollaxa so Elías.

Juan 1:42

Ime, nache so Andrés ỹauec so Simón da ỹauega ca netaña So Jesús. Qaq So Jesús co'ollaq ila'aguet somaye, nache 'enapega, 'eeta': –'Am Simón maye 'am llalec so Jonás, 'am qaỹamata'ac da 'are'enaxat Cefas. (De'era ne'enaxat naigui da Pedro, nataqa'en naigui da Coma'.)

Lucas 1:63

Nache so Zacarías iỹaxanaique so leraxanaxala'. Nache ỹerelec so 'eeta': «Namaye le'enaxat Juan.» Nache 'enauac qaỹa'aalatapeguec de'era.

Lucas 1:31

Nagui 'am hualaxai. Ime, qaq huo'o qome ca 'aỹa'alec, nache 'aỹa'anagui qome da le'enaxat Jesús.

Lucas 1:13

Qalaxaye so namaxashec 'enapeco': –Zacarías, saishet da 'añi'i, cha'aye Ñim Lo'onatac 'Enauacna hua'aqtega da 'anqouagaxaunaxac. Qaq nagui añi 'arhua Elisabet huo'o qome ca llalec. Qaq camaye 'anagui qome da le'enaxat Juan.

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Oseas 9:17

Qaq ne'ena nhuo' le'ecpi saishet da ỹalaxaguet Ñim Ñatamnaxala', ỹoqo'oye Ñimaye ỹo'orauec qome namayepi, huaña nache namayepi nsomaxaatapigui' qom ỹalectaigui na ỹotta'a't shiỹaxauapi.

Oseas 2:22

qaq na 'alhua qalaq ỹasateguet qome na trigo, qaq na lataxa qalaq ỹasateguet na aceite, qaq naamaye qalaq ỹasatreguet qome ye Jezreel.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

2 Reyes 15:8

Qaq so mashe ivi' soua treinta y ocho vi'iye da nta'a so Azarías, maye nta'a ye Judá, nache so Zacarías, maye llalec so Jeroboán, ỹacoolec da lo'onataxanaxac da ilo'ogue so Israel le'ecpi, qaq ivi' seis ca'agoxoiqa da lo'onataxanaxac, huaña ye Samaria.

Jeremías 20:3

Qaq so lỹa na'a'q, nache damaxasoxoolec da qanqat so ncoñetaxanaxaqui 'epaq maye netagui so Jeremías, qaq huaña nache so Jeremías 'enapega somaye, 'eeta': «Ñim Nataxala' naralaxat da 'are'enaxat, qaq nagui saishet da 'are'enaxat Pasjur, maye 'are'enaxat nagui da Magor Misabib.

Josué 19:18

Qaq se'eso 'alhuapi, nache lỹaueegue' som huaiguipi huaqta'a't nỹecpi: Jezrel, Quesulot, Sumen,

2 Reyes 10:1

So Ajab, ivi' setenta so llalaqpi netaña ye Samaria, qaq ỹoqo'oye so Jehú ỹo'ot co'ollaxa aso lerepi da ỹamaxa ye Samaria, taỹa'a som ỹoqta nataxala'pi ye Jezrel, qataq so nqueroxonecpi, qataq som ilotague'pi som llalaqpi so Ajab, nache 'eeta':

Isaías 8:3

Qaq co'ollaq qaỹata'ague de'era, nache soue'eguet aso na'aqtaxanaxana maye maiche ihua, nache asomaye hualaxai, qaq co'ollaq deco'o nache ỹale so llalec. Huaña nache Ñim Nataxala' aỹem 'enapega, 'eeta': «'Anagui qome da le'enaxat Maher Salal Jasbaz.

Amós 9:8

Qaq Ñim Nataxala' imeteetac da qauem lo'onataxanaxac ne'ena shiỹaxauapi, ỹoqo'oye 'eeta': Ỹataqta pal ñaqa'en qome ne'ena shiỹaxauapi da huetalec ana 'alhua, qalaxaye saishet da imauec da pal ñaqa'en nam chegoxoguetpi so Jacob. Qaq 'era da ỹa'aqtac, Aỹem Nataxala'.